Дар Махачқалъа дурнамои робитаҳои тиҷоратию иқтисодии минтақаҳои Тоҷикистон ва Ҷумҳурии Доғистон баррасӣ шуд
ДУШАНБЕ, 01.06.2023. /АМИТ «Ховар»/. Дурнамои робитаҳои тиҷоратию иқтисодии минтақаҳои Тоҷикистон ва Ҷумҳурии Доғистон 30 май дар шаҳри Махачқалъа зимни мулоқоти Сафири Фавқулода ва Мухтори Ҷумҳурии Тоҷикистон дар Федератсияи Русия Давлатшоҳ Гулмаҳмадзода бо Роҳбари Ҷумҳурии Доғистон Сергей Меликов баррасӣ гардид. Дар ин хусус ба АМИТ «Ховар» дар Сафорати Ҷумҳурии Тоҷикистон дар Федератсияи Русия хабар доданд.
Зимни суҳбат оид ба вазъи кунунии ҳамкории минтақаҳои Тоҷикистон ва Ҷумҳурии Доғистон, инчунин дурнамои робитаҳои тиҷоратию иқтисодӣ табодули афкор анҷом дода шуд.
Мусоҳибон ҳамзамон ҳамкориро дар бахшҳои иқтисод, маорифу илм, муҳоҷирати меҳнатӣ ва кишоварзӣ мавриди баррасӣ қарор доданд. Аз ҷумла, таваҷҷуҳи доираҳои соҳибкорӣ ва кишоварзон ба табодули таҷриба оид ба масъалаҳои кишоварзӣ равона карда шуд.
Ҳамчунин ҷонибҳо масоили марбут ба таҳкими ҳамкорӣ дар соҳаҳои фарҳанг, тандурустӣ, бахусус сайёҳиро мавриди баррасӣ қарор доданд.
Роҳбари Намояндагии дипломатӣ оид ба имконияти сармоягузории Тоҷикистон муфассал маълумот дода, Сергей Меликов ва соҳибкорони Ҷумҳурии Доғистонро барои боздид аз Тоҷикистон, инчунин иштирок дар Намоишгоҳи IX байналмилалии савдои «Суғд-2023» даъват намуд.
Сафири Тоҷикистон ҳамчунин бо президенти Палатаи савдо ва саноати Ҷумҳурии Доғистон Бадрутдин Магомедов мулоқот анҷом дод.
Зимни мулоқот масъалаҳои муҳими рушди ҳамкории тиҷоратию иқтисодӣ байни минтақаҳои Тоҷикистон ва Ҷумҳурии Доғистон, аз ҷумла иштироки доираҳои соҳибкорӣ дар чорабиниҳои гуногуни байналмилалӣ дар Тоҷикистон, аз ҷумла Намоишгоҳи IX байналмилалии савдои «Суғд-2023» баррасӣ шуд.
Давлатшоҳ Гулмаҳмадзода бо таъкид ба аҳаммияти тавсеаи ҳамкорӣ ва афзоиши гардиши молу маҳсулот ҳавасмандиро ҷиҳати содироти маҳсулоти кишоварзӣ ва саноатии Ҷумҳурии Тоҷикистон ба Ҷумҳурии Доғистони Федератсияи Русия таъкид намуда, доираҳои тиҷоратиро ба ҳамкории фаъолона даъват кард.
АКС: Сафорати Ҷумҳурии Тоҷикистон дар Федератсияи Русия
Тоҷикистон аз созиши оташбас байни Исроил ва Эрон истиқбол менамояд
Сафири Тоҷикистон ба Президенти Малдив эътимоднома супорид
Дар Душанбе тақвияти ҳамкорӣ байни Тоҷикистон ва Қатар дар соҳаи иқтисоду тиҷорат баррасӣ шуд
Сироҷиддин Муҳриддин дар ҷаласаи вазирони корҳои хориҷии давлатҳои аъзои Созмони ҳамкории исломӣ иштирок намуд
Тоҷикистон зарбаҳои неруҳои ҳарбии ҳавоии Амрико ва Исроилро ба иншооти ҳастаии Эрон қатъиян маҳкум мекунад
Роҳбарони агентиҳои давлатии иттилоотии кишварҳои ИДМ дар Санкт-Петербург рушди ҳамкориро баррасӣ намуданд
Дар Душанбе Конфронси байналмилалӣ «Осиёи Марказӣ – меҳвари СҲШ: 25 соли ҳамкорӣ ба хотири рушди муштарак» доир гардид
Дар Корея аз иқдомҳои Тоҷикистон дар самти мубориза бо биёбоншавӣ ва хушкӣ ёдовар шуданд
Дар Душанбе машваратҳои сиёсӣ байни вазоратҳои корҳои хориҷии Тоҷикистон ва Венесуэла баргузор шуд
Байни давлатҳои Осиёи Марказӣ ва Чин Паймони ҳамсоягии абадӣ, дустӣ ва ҳамкорӣ ба имзо расид
Шараф Шерализода дар иҷлосияи 59-уми Шурои ҳуқуқи инсони СММ иштирок намуд
Сарвазири Тоҷикистон бо директори минтақавии Бонки ҷаҳонӣ дар Осиёи Марказӣ мулоқот намуд
