Тоҷикистон ва Туркия дар самти илмиву пажӯҳишӣ байни ниҳодҳои тадқиқотӣ ҳамкориро густариш мебахшанд
ДУШАНБЕ, 19.06.2023 /АМИТ «Ховар»/. 16 июн мулоқоти директори Маркази тадқиқоти стратегии назди Президенти Ҷумҳурии Тоҷикистон Хайриддин Усмонзода бо Сафири Фавқулода ва Мухтори Ҷумҳурии Туркия дар Ҷумҳурии Тоҷикистон Умут Аҷар баргузор гардид, ки зимни он ҷонибҳо масъалаи ҳамкории илмиву пажӯҳишӣ байнни ниҳодҳои тадқиқотии ду давлатро баррасӣ намуданд, хабар медиҳад АМИТ «Ховар» бо истинод ба Маркази тадқиқоти стратегӣ.
Хайриддин Усмонзода таъкид намуд, ки бояд ҳамкории илмиву пажуҳишии Маркази тадқиқоти стратегии назди Президенти Ҷумҳурии Тоҷикистон бо ниҳодҳои пажуҳишӣ ва зеҳнии Ҷумҳурии Туркия густариш ёбад. Барои ин кор бояд дар байни ин марказҳо Ёддошти тафоҳум имзо гардад.
Ӯ изҳор дошт, ки Маркази тадқиқоти стратегии назди Президенти Ҷумҳурии Тоҷикистон омода аст бо марказҳои зеҳнӣ ва пажуҳишгоҳҳои Ҷумҳурии Туркия ҳамкории илмӣ ва табодули таҷриба намояд.
Сафири Фавқулода ва Мухтори Ҷумҳурии Туркия Умут Аҷар дар навбати худ ба рушди робитаҳои дӯстонаи Тоҷикистон ва Туркия баҳои баланд дода, таҳкими онро ҳадафи асосии фаъолияти дипломатии худ дар Ҷумҳурии Тоҷикистон номид.
Ӯ таъкид кард, ки Ҷумҳурии Туркия яке аз аввалинҳо шуда Истиқлоли давлатии Ҷумҳурии Тоҷикистонро эътироф намуда, сафорати худро дар шаҳри Душанбе боз намуд.
Номбурда аз муштаракоти фарҳангӣ ва таърихии халқҳои Тоҷикистон ва Туркия ёдовар шуда, тазаккур дод, ки барои рушду густариши минбаъдаи ҳамкорӣ дар соҳаҳои гуногун, бахусус бахши иқтисодиёту тиҷорат, барномаҳо ва пешниҳодҳои мушаххасро амалӣ хоҳад намуд.
Сафир изҳор намуд, ки Сафорати Ҷумҳурии Туркия кӯшиш ба харҷ медиҳад, ки дар байни марказҳои зеҳниву таҳлилии Туркия ва Тоҷикистон робитаҳои илмиву пажуҳишӣ барқарор гардад, ки ин иқдом ба манфиати ҳар ду давлати дӯсту ҳамфарҳанг аст.
АКС: Хадамоти матбуотии Маркази тадқиқоти стратегии назди Президенти Ҷумҳурии Тоҷикистон
Кормандони Кумита оид ба таҳсилоти ибтидоӣ ва миёнаи касбӣ суханронии Сарвари давлатро ба муносибати Рӯзи дониш якҷоя тамошо намуданд
Ба намояндагони касбу кори гуногуни вилояти Хатлон мукофотҳои давлатӣ тақдим карда шуд
«Барномаи рушди соҳаҳои таҳсилоти ибтидоӣ ва миёнаи касбии Ҷумҳурии Тоҷикистон барои солҳои 2026-2030» қабул гардид
Татбиқи лоиҳаҳои сармоягузорӣ дар соҳаи таҳсилоти ибтидоӣ ва миёнаи касбӣ бо намояндаи Бонки Осиёии рушд баррасӣ гардид
Дар Душанбе оид ба татбиқи иммунизатсия бар зидди вируси папилломаи одам машварати омӯзишӣ оғоз шуд
Татбиқи лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
НЕЪМАТЕ ХУШТАР ЗИ ИСТИҚЛОЛ НЕСТ! Муҳимтарин омили таҳкими истиқлоли Тоҷикистон густариши худшиносию худогоҳии миллӣ аст
Сиёсати иҷтимоии Пешвои миллат такягоҳи суботи иҷтимоӣ ва рушди устувори давлат мебошад
Беш аз 15 ҳазор оилаҳои дар минтақаи зериобшавандаи НБО «Роғун» қарордошта бо манзили доимии зист ва қитъаи замини наздиҳавлигӣ таъмин гардиданд
Тоҷикони муқими шаҳри Толяти аз пешрафту дастовардҳои Тоҷикистон ифтихор менамоянд
Дар Тоҷикистон Рӯзҳои иммунизатсияи иловагӣ бар зидди бемориҳои сурхча ва гулафшон оғоз гардид
Мутахассисон баланд шудани ҳолати ифлосшавии ҳавои атмосфериро дар Тоҷикистон пешгӯӣ менамоянд
