Дар Душанбе намоиш-фурӯши маҳсулоти кишоварзии шаҳри Турсунзода ва ноҳияи Шаҳринав идома дорад

Сентябрь 11, 2023 11:00

ДУШАНБЕ, 11.09.2023 /АМИТ «Ховар»/. Ба истиқболи ҷашни 32-солагии Истиқлолияти давлатӣ дар Боғи фарҳангӣ- фароғати ба номи Садриддин Айнии пойтахт намоиш-фурўши маҳсулоти кишоварзӣ, ҳунарҳои мардумӣ, маҳсулоти саноатӣ, хўрокҳои миллии сокинони шаҳри Турсунзода ва ноҳияи Шаҳринав бо шукуҳў шаҳомати хоса баргузор гардид, хабар медиҳаб мухбири АМИТ «Ховар».

Боғи мазкур ба таври идона ороста шуда, аз чеҳраи ҳар як сокину меҳмони пойтахт аз он ки Иди фархундаи миллӣ- Истиқлолияти давлатиро дар фазои суботу оромӣ ҷашн мегиранд, болидаруҳӣ ва ифтихори зиёд ҳувайдо буд.

Дар чорабинӣ намояндагони Мақомоти иҷроияи ҳокимияти давлатии шаҳрҳои Душанбею Турсунзода, ноҳияҳои Исмоли Сомонӣ ва Шаҳринав иштирок намуда, бо маҳсули дасти кишоварзону ҳунармандон шинос шуданд.

Дар намоиш-фурўш аз ҷониби деҳқонони шаҳри Турсунзода ва ноҳияи Шаҳринав беш аз 20 номгўи маҳсулоти тару тозаи кишоварзию саноатӣ, сабзавоту меваҷот, донагӣ, гўшти парандаю чорво бо нарҳои дастрас пешкаши сокинони пойтахти мамлакат- шаҳри Душанбе гардонида шуд.

Маврид тазаккур аст, ки сол то сол дар шаҳри Турсунзода ва ноҳияи Шаҳринав майдони кишти маҳсулоти кишоварзӣ, боғу токзор зиёд гардида, ҳаҷми ҳисаи маҳсулоти кишоварзӣ ба маротиб зиёд гардида истодааст.

Кишоварзони шаҳри Турсунзода ва ноҳияи Шаҳринав сол аз сол дар заминаи иҷрои дастуру роҳнамоиҳои Президенти мамлакат муҳтарам Эмомалӣ Раҳмон дар роҳи расидан ба ҳадафи стратегии Ҳукумати мамлакат-таъмини амнияти озуқаворӣ ба дастовардҳои назаррас ноил гардида, ҳаҷми истеҳсоли маҳсулотро афзоиш медиҳанд.

Дар ифтитоҳи намоиш –фурўши мазкур таъкид гардид, ки Истиқлолият муқаддастарину азизтарин неъмат, рамзи саодат ва асолати миллат, шарафу номуси ватандорӣ ва нишонаи пойдориву бақои давлат мебошад. Маҳз бо шарофати Истиқлолият соҳаҳои муҳими иҷтимоию иқтисодиёти шаҳру ноҳияҳои мамлакат ба дастовардҳои назаррас ноил гардид ва имрўз сокинон дар фазои ободу озоди Ватан бо хушҳолӣ ва фараҳи бепоён зиндагӣ мекунанд.

Дар ин чорабинӣ ҳамчунин бо мақсади муаррифии имкониятҳои сайёҳӣ ва ҳунарҳои мардумӣ дастовардҳо дар соҳаи тандурустӣ, фарҳанг, варзиш, саноат, энергетика, роҳу нақлиёт ва дигар соҳаҳои хоҷагии халқ ба намоиш гузошта шуд.

Дар гўшаҳои алоҳидаи боғ аз ҷониби ҳунарамандони шаҳри Турсунзода ва ноҳияи Шаҳринав, бахусус бонувон намунаи ҳунарҳои мардумӣ -зардўзию гулдўзӣ, атласу адрас, инчунин аз коргоҳу корхонаҳои дўзандагӣ либоси мактабӣ ва заргарӣ пешниҳоди сокинон гардонида шуд.

Дар шаҳри Турсунзода ва ноҳияи Шаҳринав бо ҳидоятҳои ҳамешагии Пешвои миллат муҳтарам Эмомалӣ Раҳмон дар самти эҳё ва рушду инкишофи ҳунару анъанаҳои қадимаи миллӣ тадбирҳои судманд андешида шуда, таваҷҷуҳи ҷавонон ба омўзиши онҳо тайи солҳои охир дучанд гардидааст.

Оҳангарӣ, табақтарошӣ, сабадбофӣ, қолинбофӣ ва дигар ҳунарҳо дар гўшаҳои алоҳидаи намоишгоҳ пешкаши сокинон гардид.

Дар намоишгоҳ беҳтарин анвои кишоварзӣ, маҳсули дасти ҳунармандон ва таомҳои миллӣ аз ҷониби кадбонуҳо ба таври густурда муаррифӣ карда шуд.

Баргузории чунин намоиш-фурўши маҳсулоти кишоварзӣ дастархони меҳмонону сокинони пойтахтро ғанӣ гардонида, барои захираи бештари буҷаи ҳар як оила мусоидат мекунад.

Ёдовар мешавем, ки намоиши маҳсулоти кишоварзӣ, ҳунарҳои мардумӣ ва барномаҳои фарҳангӣ аз 9 то 15 сентябр дар боғҳои фарҳангу фароғатии шаҳри Душанбе аз ҷониби вилоятҳо ва шаҳру ноҳияҳо гузаронида мешаванд.

АКС: Мақомоти иҷроияи ҳокимияти давлатии шаҳри Турсунзода

Сентябрь 11, 2023 11:00

Хабарҳои дигари ин бахш

Хиради омӯзгор ҷаҳлу хурофотро аз байн мебарад ва сарчашмаи комёбиҳо мегардад, — бардошт аз ҳамоиш дар вилояти Хатлон
Сарвазири мамлакат Қоҳир Расулзода дар ноҳияи Дӯстӣ бо рафти ҷамъоварии ҳосили пахта ва корҳои созандагӣ шинос гардид
Доир ба заминаҳо, таҳаввулот ва дурнамои Истиқлоли давлатӣ машварати илмӣ-назариявӣ баргузор шуд
Дар ноҳияи Рӯшон майдончаҳои варзишӣ ба истифода дода шуданд
Дар Душанбе таҳкими ҳамкорӣ вобаста ба конфронси СИТЕС баррасӣ шуд
Шуруъ аз 16 сентябр дар масири Сиан-Душанбе парвозҳои мустақими ҳавоӣ оғоз мегарданд
Ба намояндагони касбу кори гуногуни вилояти Хатлон мукофотҳои давлатӣ тақдим карда шуд
Тоҷикистон ва Иттиҳоди Аврупо ҳамкориро дар соҳаи энергетика ва захираҳои об тақвият медиҳанд
Сарвазири мамлакат Қоҳир Расулзода дар ноҳияи Кӯшониён бо ҷараёни корҳои созандагӣ ва хоҷагидорӣ шинос шуд
Сиёсати Тоҷикистон дар самти идоракунии ҳамгироёнаи захираҳои об дар Шветсия муаррифӣ карда шуд
Бонки аврупоии таҷдид ва рушд барои таҷдиди низоми нақлиёти шаҳри Душанбе маблағ ҷудо менамояд
Сарвазири Тоҷикистон Қоҳир Расулзода дар ноҳияи Хуросон бо корҳои ободонию созандагӣ шинос шуд