МАРОТИБАИ АВВАЛ. Дар Тоҷикистон барои дарёфти хонандагони болаёқат ҳафтаи «Бозёфт» гузаронида мешавад
ДУШАНБЕ, 15.09.2023. /АМИТ «Ховар»/. Бо ташаббуси Муассисаи давлатии «Маркази ҷумҳуриявии дарёфт ва рушди истеъдодҳо» ва дастгирии Вазорати маориф ва илми Ҷумҳурии Тоҷикистон бори аввал аз 18 то 23 сентябр бо мақсади дарёфти хонандагони болаёқат ва cоҳибистеъдод ҷиҳати дастгирӣ ва рушди минбаъдаи онҳо дар тамоми ҷумҳурӣ ҳафтаи «Бозёфт» гузаронида мешавад, иттилоъ доданд ба АМИТ «Ховар» дар Маркази ҷумҳуриявии дарёфт ва рушди истеъдодҳо.
Гуфта мешавад, ки иқдоми мазкур бо мақсади амалисозии тадбирҳо вобаста ба эълон гардидани «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф», рушди тафаккури техникӣ, тарғиби ҷаҳонбинии илмӣ, ҷалби хонандагони муассисаҳои таҳсилоти миёнаи умумӣ ба омӯзиши амиқи фанҳои риёзӣ, дақиқ ва табиӣ, дарёфт ва муаррифии истеъдодҳои нав ва дар ин замина мусоидат ба касб интихоб намудани хонандагони болаёқат ва рушди ҳаракати олимпӣ ба нақша гирифта шуда, дар ин хусус фармоиши дахлдори Вазири маориф ва илми Ҷумҳурии Тоҷикистон ба тасвиб расидааст.
Хонандагони хоҳишманд ва волидайни онҳо метавонанд давоми ҳафта ба марказҳои дарёфт ва рушди истеъдодҳо дар вилоятҳо ва шаҳру ноҳияҳои мамлакат ҳозир шуда, бо коршиносон ва омӯзгорони ботаҷриба ва пешқадам дар ин самт машварат намоянд.
Таҳсил дар марказҳои дарёфт ва рушди истеъдодҳо комилан ройгон буда, дар ҷараёни таълим хонандагон имкони рушд додани қобилияти зеҳниву эҷодкории худ, гирифтани тавсия оид ба касбинтихобкунӣ ва роҳнамоӣ ҷиҳати идомаи таҳсил дар зинаи таҳсилоти касбиро пайдо намуда, ҳамзамон барои иштирок дар озмуну олимпиадаҳои ҷумҳуриявӣ ва байналмилалӣ омода мешаванд.
Дар идомаи ҳафтаи «Бозёфт» бо иштироки коршиносону донишмандон баргузории машғулияти илмӣ-амалӣ, ҳамоиш ва дарсҳои маҳорат вобаста ба масъалаҳои ташхиси лаёқатмандӣ, муайян намудани самтҳои лаёқатмандӣ, шинохти маҳорати зеҳнӣ ва роҳу усулҳои рушди истеъдодҳои хонандагон ба нақша гирифта шудааст.
АКС: АМИТ «Ховар»
Дар Донишгоҳи давлатии омӯзгории Тоҷикистон бахшида ба Рӯзи Артиши миллӣ ҳамоиши фарҳангӣ баргузор гардид
Ҷаласаи кории ҳайати комиссияи ҷумҳуриявии озмуни «Шоҳномахонӣ» баргузор шуд
Зиракии сиёсӣ ва худшиносии миллӣ-омили муқовимат ба таҳдидҳои замони муосир
«КИТОБ — БЕҲТАРИН АРМУҒОН». Ба китобхонаи Донишгоҳи давлатии ҳуқуқ, бизнес ва сиёсати Тоҷикистон беш аз 200 китоб тақдим гардид
Дар Донишгоҳи давлатии ҳуқуқ, бизнес ва сиёсати Тоҷикистон оид ба рушди илму маориф ҳамоиш баргузор шуд
Дар назди Донишгоҳи байналмилалии забонҳои хориҷии Тоҷикистон ду шурои нави диссертатсионӣ таъсис ёфт
Дар Донишгоҳи давлатии Бохтар даври муассисавии Озмуни ҷумҳуриявии «Фурӯғи субҳи доноӣ китоб аст» баргузор гардид
ИЛМУ МАОРИФ БА ОЯНДАИ БОСАОДАТИ ДАВЛАТУ МИЛЛАТ ТАВЪАМ АСТ. Андешаҳо дар ҳошияи Паёми Президенти Тоҷикистон ба Маҷлиси Олӣ
Ҷаласаи гурӯҳи кории Озмуни ҷумҳуриявии «Илм – фурӯғи маърифат» баргузор шуд
Дар Душанбе дар нуҳ сол беш аз 54 мактаб ва 42 муассисаи томактабӣ сохта шудааст
Оид ба тамоюлҳои рушди психологияи муосир ва татбиқи он дар низоми таҳсилоти рақамӣ конференсияи байналмилалӣ доир шуд
«ИЛМ – ФУРӮҒИ МАЪРИФАТ». Барои баргузории ин озмуни ҷумҳуриявӣ зиёда аз 9 миллион сомонӣ ҷудо гардид
