Дар Рӯзи даъватшаванда аз Кӯшониён ҷавонони зиёде ихтиёрӣ ба сафи Қувваҳои Мусаллаҳи Тоҷикистон ҷалб гардиданд
ДУШАНБЕ, 02.10.2023 /АМИТ «Ховар»/. Имрӯз бо мақсади иҷрои Фармони Президенти Ҷумҳурии Тоҷикистон «Дар бораи ба эҳтиёт рухсат додани хизматчиёни ҳарбие, ки муҳлати муқарраргардидаи хизмати ҳарбиро адо намудаанд ва даъвати навбатии шаҳрвандони солҳои таваллуди 1996-2005 Ҷумҳурии Тоҷикистон ба хизмати ҳарбӣ» дар назди бинои Кохи фарҳанг ва комиссариати ҳарбии ноҳияи Кӯшониён ҳамоиши идонаи «Рӯзи даъватшаванда» бо гусели ҷавононе, ки ба таври ихтиёрӣ ба сафи Қувваҳои Мусаллаҳи Ҷумҳурии Тоҷикистон пайваст шудаанд, баргузор гардид. Дар ин хусус АМИТ «Ховар» бо истинод ба Дафтари матбуоти Раиси ноҳия хабар медиҳад.
Иброз гардид, ки мардуми шарафманди ноҳия имсол 30-юмин солгарди таъсиси Қувваҳои Мусаллаҳи Ҷумҳурии Тоҷикистонро бо шукргузорӣ аз оромию осудагӣ ва руҳияи баланди ватандӯстиву ифтихор аз давлатдории мустақил таҷлил намуданд. Қувваҳои Мусаллаҳи Ҷумҳурии Тоҷикистон дар шароити ниҳоят вазнину ҳассоси иқтисодӣ, ҳарбию сиёсии мамлакат бо андешидани ҳамаи тадбирҳои зарурӣ аз ҷониби роҳбарияти давлату Ҳукумати Ҷумҳурии Тоҷикистон ва сиёсати хирадмандонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон барқарор гардида буд.
Тазаккур дода шуд, ки Қувваҳои Мусаллаҳи Ҷумҳурии Тоҷикистон бузургтарин дастоварди замони соҳибистиқлолии мамлакат ба шумор рафта, омили асосии нигоҳдории давлатдории миллӣ маҳсуб мешаванд. Бояд ёдовар шуд, ки дар таъсиси Артиши миллӣ саҳми Пешвои миллат муҳтарам Эмомалӣ Раҳмон ниҳоят назаррас буда, артиш бо дастгириҳои пайвастаи Роҳбари давлат дар муддати кӯтоҳтарин ба дарвозаи оҳанин ва боэътимоди давлат табдил ёфта, минбаъд нагузошт душманони нотавонбин ниятҳои ғаразноку нопоки хешро дар сарзамини аҷдодии миллати куҳанбунёди тоҷик амалӣ намоянд.
Сипас якчанд собиқадори ҷангу меҳнат, волидони даъватшудагон ва ҷавонони ба таври ихтиёрӣ ба хизмат ҷалбшуда миннатдории худро ба мақомоти иҷроияи ҳокимияти давлатии ноҳия барои фароҳам овардан шароити мусоиди хизмат баён доштанд. Ҷиҳати ҳавасмандии ҷавонон зимни чорабинӣ аз тарафи меҳмонон ва роҳбарияти ноҳия ба ҷавонони даъватшуда шаҳодатномаҳои ронандагӣ супорида шуданд.
Модарони меҳрубон анъанаҳои неки гузаштагонро ба ёд оварда, ҷавононро бо нону кулчаҳои зебои омоданамуда гусел намуданд.
АКС: Дафтари матбуоти Раиси ноҳияи Кӯшониён
5 декабр дар се минтақаи шаҳри Душанбе фан-зона барои тамошои бозии «Истиқлол» ва «Ал-Наср» ташкил мешавад
Сарвари давлат Эмомалӣ Раҳмон бо Президенти Гурӯҳи Бонки умумиҷаҳонӣ Аҷай Банга мулоқот намуданд
«ШОҲИ МЕВАҲО». Бо истифода аз мавсими хурмо ин меваро ба нафъи саломатӣ бояд истеъмол намуд
АСАЛИ ТОҶИКИСТОН. Зиёда аз сад намунаи он ба бозори давлатҳои Иттиҳоди Аврупо роҳ ёфтаанд
3 ДЕКАБР -РӮЗИ БАЙНАЛМИЛАЛИИ МАЪЮБОН. Давоми се соли охир дар Тоҷикистон нишондиҳандаи маъюбӣ 7 фоиз паст фароварда шуд
Пешвои миллат Эмомалӣ Раҳмон бо Вазири давлатии Амороти Муттаҳидаи Араб Аҳмад Алӣ ал-Сайеғ мулоқот намуданд
Суханронии Президенти Ҷумҳурии Тоҷикистон Эмомалӣ Раҳмон дар Саммити Гурӯҳи 77 ва Чин дар ҳошияи Конфронси ҷонибҳои Конвенсияи қолабии СММ оид ба тағйирёбии иқлим (COP 28)
Президенти Ҷумҳурии Тоҷикистон Эмомалӣ Раҳмон дар Саммити Гурӯҳи 77 ва Чин дар ҳошияи Конфронси ҷонибҳои Конвенсияи қолабии СММ оид ба тағйирёбии иқлим (COP 28) иштирок ва суханронӣ намуданд
«ТОҶИКОН» – ОИНАИ ТАЪРИХИ МИЛЛАТ». Шаҳри Душанбе бо гирифтани 2 Шоҳҷоиза, 11 ҷой ва 3 ҷойи ифтихорӣ дар ҷумҳурӣ беҳтарин дониста шуд
Пешвои миллат Эмомалӣ Раҳмон дар Мизи мудаввари сатҳи баланди Саммити ҷаҳонӣ оид ба амалҳои иқлимӣ иштирок ва суханронӣ намуданд
«ПЕШГИРИИ ПАНДЕМИЯ, ҲИФЗИ СИСТЕМАҲОИ ОЗУҚАВОРӢ ВА МУҲИТИ ЗИСТ». Ҳайати Тоҷикистон дар Алмато дар ин ҷаласаи минтақавии сатҳи баланд иштирок намуд
Президенти Ҷумҳурии Тоҷикистон Эмомалӣ Раҳмон дар чорабинии сатҳи баланди Гурӯҳи кишварҳои рӯ ба тараққии маҳсур дар хушкӣ иштирок ва суханронӣ намуданд
