Донишгоҳи байналмилалии сайёҳӣ ва соҳибкории Тоҷикистон дар масири Душанбе-Панҷакент хатсайри нави сайёҳӣ таъсис дод
ДУШАНБЕ, 21.10.2023 /АМИТ «Ховар»/. Масъулини кафедраи сайёҳӣ, рекреатсия ва меҳмондории Донишгоҳи байналмилалии сайёҳӣ ва соҳибкории Тоҷикистон бо истифода аз иқтидори илмии кафедра бо ҷалби донишҷӯёни боистеъдод дар масири Душанбе-Панҷакент хатсайри нави сайёҳиро фаъол намуданд.
АМИТ «Ховар» бо истинод ба Донишгоҳи байналмилалии сайёҳӣ ва соҳибкории Тоҷикистон хабар медиҳад, ки ин тадбир дар доираи иҷрои чорабиниҳои амалисозии «Стратегияи рушди сайëҳӣ дар Ҷумҳурии Тоҷикистон барои давраи то соли 2030» аз ҷониби омӯзгорону донишҷӯёни Донишгоҳи байналмилалии сайёҳӣ ва соҳибкории Тоҷикистон андешида шуд.
Гурӯҳи устодону донишҷӯёни бахши сайёҳии донишгоҳ дар доираи хатсайри Душанбе-Панҷакент ба шаҳри бостонии Панҷакент сафари сайёҳӣ созмон дода, бо ёдгориҳои бостонии ин шаҳри куҳани Тоҷикистон, аз қабили Панҷакенти қадим (асрҳои 5-8), Саразм (ҳазораҳои 4-3 то мелод), мақбараи Хоҷа Муҳаммади Башоро (асрҳои 11-14) ва Осорхонаи адабии Шоири халқии Тоҷикистон Лоиқ Шералӣ (1941- 2000) шинос шуданд, ки ба ташаккули фаъолияти касбӣ ва руҳияи маънавии устодону донишҷӯён таъсири мусбат мерасонад.
Ҳамзамон дар доираи хатсайри Душанбе-Панҷакент ва шиносоӣ бо ёдгориҳои таърихии Панҷакенти қадим маводи илмӣ ва аксҳои ҷолиб ҷамъоварӣ гардид, ки дар раванди таълим ба донишҷӯёни бахши сайёҳӣ омӯзонида мешаванд.
АКС: Донишгоҳи байналмилалии сайёҳӣ ва соҳибкории Тоҷикистон
Фестивали байналмилалии «Наврӯз — мероси фарҳангию ҷаҳонгардӣ» имкониятҳои сайёҳии Тоҷикистонро муаррифӣ намуд
КУЛОЛГАРӢ — РАМЗИ ФАРҲАНГИ МИЛЛӢ. Анъанаи истифодаи зарфҳои кулолӣ дар Наврӯз то имрӯз боқӣ мондааст
Имрӯз дар Душанбе Фестивали байналмилалии «Наврӯз — мероси фарҳангию ҷаҳонгардӣ» доир мегардад
НАВРӮЗ-БРЕНДИ МИЛЛИИ САЙЁҲӢ. Сайёҳони хориҷӣ дар ин рӯзҳо бо таърих, фарҳанг ва расму оинҳои халқи тоҷик бештар шинос мегарданд
БРЕНДИ САЙЁҲИИ ТОҶИКИСТОН. Ҷашни Наврӯз пули дӯстӣ байни миллатҳо мебошад
Блогерон ва хабарнигорони расонаҳои хориҷӣ барои инъикоси Наврӯз ба Тоҷикистон меоянд
Дар Донишгоҳи давлатии омӯзгории Тоҷикистон ҷашни Наврӯз таҷлил гардид
Наврӯз ҳамчун бренди миллӣ ва абзори «дипломатияи фарҳангӣ»: натиҷаҳо ва дурнамои Форуми V байналмилалии «Наврӯзи Душанбе – меҳвари робитаҳои фарҳангию сайёҳӣ»
Дар Донишгоҳи давлатии ҳуқуқ, бизнес ва сиёсати Тоҷикистон Наврӯз бо оростани хаймаҳои наврӯзӣ таҷлил шуд
Дар Донишгоҳи давлатии Бохтар ду озмоишгоҳи муосир ба истифода дода шуд
Дар Литсей барои хонандагони болаёқат дар шаҳри Душанбе ҷашни Наврӯз бо риояи расму ойини миллӣ таҷлил гардид
