Дар Донишгоҳи давлатии Кӯлоб Маркази таълимӣ-машваратии «Дурахшон» ифтитоҳ шуд
КӮЛОБ, 09.11.2023 /АМИТ «Ховар»/. Дар Донишгоҳи давлатии Кӯлоб ба номи Абуабдуллоҳи Рӯдакӣ Маркази таълимӣ-машваратии «Дурахшон» ифтитоҳ гардид, хабар медиҳад мухбири минтақавии АМИТ «Ховар» Сулаймон Холзода.
Марказ ҷиҳати баланд бардоштани сатҳи тайёрии таҳсили умумии насли наврас ва ҷавон, тайёр намудани онҳо барои дохил шудан ба муассисаҳои таҳсилоти миёна ва олии касбӣ, баланд бардоштани сатҳи забондонии хоҳишмандон, пешниҳоди машваратҳои таълимӣ ва равоншиносӣ ташкил гардидааст.
Маркази таълимӣ-машваратии «Дурахшон» барои омӯзиши фанҳои алоҳида, омодагӣ ҷиҳати дохилшавӣ ба муассисаҳои таҳсилоти миёна ва олии касбӣ тавассути имтиҳонҳои марказонидашудаи Маркази миллии тестии назди Президенти Ҷумҳурии Тоҷикистон ва даврҳои забономӯзӣ ташкил гардида, дар асоси муроҷиат ба шахсони воқеӣ ва ҳуқуқӣ машварат ва хулосаҳои равоншиносӣ низ медиҳад.
Бахши тайёрии маркази таълимӣ-машваратии «Дурахшон» аз рӯи 5 кластер: «Табиӣ ва техникӣ», «Иқтисод ва география», «Филология, педагогика ва санъат», «Ҷомеашиносӣ ва ҳуқуқ», «Тиб, биология ва варзиш» фаъолият дошта, дарсҳо дар даврҳои тайёрӣ аз моҳи октябр то моҳи июн идома меёбанд.
Ба даври тайёрӣ шахсони дорои таҳсилоти умумӣ, инчунин хонандагони синфи 11-уми мактабҳои таҳсилоти миёнаи умумӣ қабул мешаванд.
Чунин марказ бо тарҳи наву замонавӣ ва имконот ҷиҳати таълиму тадрис дар шаҳр ягона буда, дар тарбияи насли наврасу ҷавон нақши муассир мегузорад.
АКС: Донишгоҳи давлатии Кӯлоб ба номи Абуабдуллоҳи Рӯдакӣ
Дар Донишгоҳи байналмилалии сайёҳӣ ва соҳибкории Тоҷикистон маросими супоридани мукофотҳои давлатӣ баргузор шуд
Оид ба дастовардҳои илмии Тоҷикистон дар солҳои соҳибистиқлолӣ ҳамоиш доир шуд
«Барномаи давлатии такмили таълим ва омӯзиши забонҳои русӣ ва англисӣ барои давраи то соли 2030» баррасӣ гардид
Панҷ нуктаи омӯзанда аз Рӯзи дониш ва Дарси сулҳ бо паёми Президенти Тоҷикистон
Дар Донишгоҳи аграрии Тоҷикистон синфхонаи замонавӣ барои донишҷӯён ба истифода дода шуд
Президенти Фонди ОПЕК оид ба рушди байналмилалӣ бо имконоти Донишгоҳи байналмилалии сайёҳӣ ва соҳибкории Тоҷикистон шинос гардид
Муҳаққиқи ҷавони тоҷик Омина Холиқзода дар Чин соҳиби медалҳои тилло ва нуқра гардид
Пешвои миллат Эмомалӣ Раҳмон дар шаҳри Душанбе Муассисаи таълимии ғайридавлатии таҳсилоти миёнаи умумии «Имкон»-ро ба истифода доданд
35-СОЛАГИИ ИСТИҚЛОЛИ ДАВЛАТӢ. Дар назди 12 муассисаи таълимии шаҳри Ваҳдат биною синфхонаҳои иловагӣ ба истифода дода мешаванд
Имрӯз дар Тоҷикистон беш аз 240 ҳазор кӯдакон ба синфи якум рафтанд
Аз 1 сентябр донишҷӯёни тоҷик дар Русия метавонанд ҷойи зисти худро тавассути барномаи мобилии «Амина» ба қайд гиранд
Президенти Тоҷикистон: «Падару модарон ба тарбияи фарзандон бояд бо масъулияти баланд муносибат намоянд»
