Прокурори генералии Ҷумҳурии Тоҷикистон дар ҷаласаи 21-уми прокуророни генералии давлатҳои аъзои Созмони ҳамкории Шанхай иштирок намуд
ДУШАНБЕ, 08.11.2023 /АМИТ «Ховар»/. Имрӯз дар Ҷумҳурии Мардумии Чин ҷаласаи 21-уми прокуророни генералии давлатҳои аъзои Созмони ҳамкории Шанхай доир гардид. Прокурори генералии Ҷумҳурии Тоҷикистон Юсуф Раҳмон дар ин ҷаласа дар мавзуи «Нақши мақомоти прокуратура дар таъмини навсозии давлат» суханронӣ намуд, хабар медиҳад АМИТ «Ховар» бо истинод ба Прокуратураи генералӣ.
Дар ҷаласа прокуророни генералии Ҳиндустон, Эрон, Қазоқистон, Чин, Қирғизистон, Покистон, Русия, Узбекистон, ҳайатҳо таҳти роҳбарии Прокурори генералии Беларус, Прокурори генералии Муғулистон, Котибот ва Сохтори зиддитеррористии Созмони ҳамкории Шанхай иштирок намуданд.
Дар ҷараёни ҷаласа оид ба нақши прокуратура дар таъмини навсозии давлат, фароҳам овардани фазои мусоиди соҳибкорӣ барои рушди устувори иҷтимоию иқтисодии минтақаи Созмони ҳамкории Шанхай, баланд бардоштани некӯаҳволӣ ва сатҳи зиндагии сокинони давлатҳои аъзои Созмон табодули афкор намуданд.
Ба мувофиқа расида шуд, ки ҳамкории мақомоти прокуратураи давлатҳои аъзои Созмони ҳамкории Шанхай дар мубориза бар зидди ҷиноятҳо ва дигар ҳуқуқвайронкуниҳо дар соҳаи молия бо мақсади ҳифзи субот, тартиботи иҷтимоию иқтисодӣ, рушди иқтисодиёти миллӣ дар ҷараёни навсозии давлатҳо тақвият бахшида шавад. Ҳамчунин дар кори ташкилоти байналмилалӣ, ки фаъолияти онҳо ба рушди иқтисод, баланд бардоштани сатҳи некӯаҳволии сокинон нигаронида шудааст, фаъолона иштирок намоянд.
Бо назардошти эълон гардидани соли 2024 Соли экологияи Созмони ҳамкории Шанхай зарур дониста шуд, ки ҳамкории мақомоти прокуратураи давлатҳои аъзои Созмони ҳамкории Шанхай дар соҳаи ҳифзи муҳити зист боз ҳам густариш дода шавад.
Ҷонибҳо тасмим гирифтанд, ки баҳри таъмини ҳифзи ҳуқуқ ва манфиатҳои қонунии шаҳрвандон ва ширкатҳои хориҷӣ дар қаламрави давлатҳои худ тадбирҳои муассир андешанд; ҳамкории мақомоти прокуратураи давлатҳои аъзои Созмони ҳамкории Шанхайро дар мубориза бар зидди ҷиноятҳои фаромарзӣ вусъат диҳанд, ҷиҳати фароҳам овардани шароити мусоид барои пешбурди соҳибкорӣ ва бо ин мақсад истифодаи тамоми шаклҳои ҳамкорӣ, аз ҷумла ҳамкории мақомоти прокуратураи ноҳияҳои наздисарҳадӣ назоратро таъмин намоянд.
Тавре ки дар хабари расмӣ омадааст, аз натиҷаи ҷаласа Протоколи ниҳоӣ қабул гардид.
АКС: Прокуратураи генералии Ҷумҳурии Тоҷикистон
Милитсияи пойтахт аз шаҳрвандон талаб намуд, ки аз фурӯшу паҳнсозӣ ва истифодаи маводи тарфгарӣ худдорӣ кунанд
Ба муносибати таъсиси Воҳидҳои таъйиноти махсуси милитсия дар вилоятҳои Суғд, Хатлон ва Бадахшон ҷамъомади тантанавӣ доир шуд
РӮЗИ ТАЪСИСИ ВОҲИДҲОИ ТАЪЙИНОТИ МАХСУСИ МИЛИТСИЯ. Кормандони ин ниҳод вазифаҳои душвору масъулиятнок бар зимма доранд
Дар Минск вохӯрии вазирони корҳои дохилии Тоҷикистон ва Беларус баргузор гардид
Изҳороти Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон
«МУҚОВИМАТ БО КОРРУПСИЯ ДАР СОҲАИ ТИҶОРАТ». Дар Душанбе таҳти ин унвон форуми байналмилалӣ баргузор мешавад
Дар Душанбе оид ба усулҳои нави ҷамъоварии маълумот дар самти муқовимат ба савдои одамон ҷаласа доир шуд
Нақшаи даъвати тирамоҳии шаҳрвандони Тоҷикистон ба сафи Артиши миллӣ пурра иҷро гардид
Ҳайати Тоҷикистон дар конференсияи 26-уми байналмилалии раисони судҳои олии кишварҳои ҷаҳон иштирок намуд
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 900 ҳодисаи сӯхтор ба қайд гирифта шудааст
Нақшаи даъвати ҳарбӣ дар Тоҷикистон 98 фоиз иҷро гардид
Милитсияи пойтахт дар муассисаҳои таълимӣ 115 ҳолати истеъмоли чилим ва сигорҳои электрониро ошкор намуд
