НИШАСТИ МАТБУОТӢ. Созишномаҳои байналмилалӣ дар самти авиатсияи гражданӣ дар Тоҷикистон афзоиш меёбанд
ДУШАНБЕ, 31.01.2024. /АМИТ «Ховар»/. Аз ҷониби Агентии авиатсияи граждании назди Ҳукумати Ҷумҳурии Тоҷикистон ба масъалаи густариши ҳамкории байналмилалии Тоҷикистон дар самти авиатсияи гражданӣ аҳамияти ҷиддӣ дода мешавад. Аз ҷумла, давоми соли 2023 лоиҳаҳои созишномаҳои ҳамкорӣ оид ба алоқаи ҳавоӣ байни Ҳукумати Ҷумҳурии Тоҷикистон ва кишварҳои Финландия, Шри-Ланка, Ветнам, Малайзия, Молдова, Маҷористон, Шоҳигарии Британияи Кабир ва Ирландияи Шимолӣ, Сингапур, Ҷумҳурии Кипр, Ҷумҳурии Мисри Араб ва Литва таҳия шуда, ба баррасии ҷонибҳо пешниҳод шуданд. Ин нукта имрӯз зимни нишасти матбуотии Агентии авиатсияи граждании назди Ҳукумати Ҷумҳурии Тоҷикистон ва корхонаҳои авиатсионии мамлакат оид ба ҷамъбасти натиҷаҳои фаъолияти соҳа дар соли 2023 таъкид гардид.
Ба иттилои роҳбарияти Агентии авиатсияи граждании мамлакат, ҳадаф аз тавсеаи ҳамкорӣ бо мақомоти авиатсионии кишварҳои хориҷӣ, пеш аз ҳама, рушди соҳаи авиатсияи ватанӣ, васеъ намудани ҷуғрофияи парвозҳо, ҷалби сармояи хориҷӣ, афзоиш додани хатсайрҳои байналмилалӣ ва ба давлати транзитӣ табдил додани Ҷумҳурии Тоҷикистон мебошад. Аз ҷумла, соли 2023 Ёддошти тафоҳум байни Ҳукумати Ҷумҳурии Тоҷикистон ва Маъмурияти авиатсияи граждании Чин оид ба бунёди муштараки «Роҳи абрешими ҳавоӣ» ва Ёддошти тафоҳум оид ба ҳамкорӣ дар соҳаи нақлиёт байни Ҷумҳурии Тоҷикистон ва Ҷумҳурии Латвия ба имзо расонида шуданд.
Дар нишасти матбуотӣ гуфта шуд, ки ҳоло дар доираи ҳамкории байналмилалии Тоҷикистон бо 28 кишвари ҷаҳон созишномаҳои ҳамкорӣ оид ба алоқаи ҳавоӣ ба имзо расидаанд. Ин созишномаҳо давлатҳои Иттиҳоди Давлатҳои Мустақил — Русия, Беларус, Украина, Озарбойҷон, Туркманистон, Қазоқистон, Қирғизистон, Арманистон, Узбекистон, давлатҳои Осиё — Эрон, Афғонистон, Ҳиндустон, Чин, Покистон, Тайиланд, Арабистони Саудӣ, Баҳрайн, Қатар, Кувайт, Корея, Салтанати Уммон ва кишварҳои Аврупо — Фаронса, Люксембург, Олмон, Австрия, Чехия, Латвия ва Туркияро дар бар гирифтаанд.
Акрам САНГЗОДА,
АМИТ «Ховар»
АКС: АМИТ «Ховар»
Дар Лондон масъалаи солимгардонии ҳудудҳо баррасӣ гардид
Дар шаҳри Риёз мулоқоти роҳбарони мақомоти гумруки Тоҷикистон ва Баҳрайн баргузор шуд
ИМРӮЗ-РӮЗИ ГЕОЛОГҲОИ ТОҶИКИСТОН. «Атласи равандҳои экзогениву геологии Ҷумҳурии Тоҷикистон» таҳия гардид
Ҷаласаи дуюми Гурӯҳи корӣ оид ба ҳамкории сармоягузорӣ байни Тоҷикистон ва Беларус доир гардид
ДАР ҲАМБАСТАГӢ БАР ЗИДДИ КОРРУПСИЯ МУҚОВИМАТ НАМОЕМ! Мубориза бо ин зуҳуроти номатлуб дар сиёсати давлатии Тоҷикистон масъалаи асосӣ аст
Конҳои Тоҷикистон дорои зиёда аз 60 навъи ашёи хоми маъданию ғайримаъданӣ мебошанд
Барномаи рушди соҳаи механиконии инноватсионии кишоварзӣ дар Тоҷикистон барои ноилшавӣ ба ҳадафи рушди устувори дарозмуҳлат равона гардидааст
ОМОДАГӢ БА ЗИМИСТОН. Дар ноҳияи Деваштич 190 ҳазор тонна картошка захира гардидааст
Муовини Сарвазири Тоҷикистон бо вазъи соҳаи кишоварзии шаҳри Истаравшан шинос гардид
Аз ҷангалзори Тоҷикистон зиёда аз 1182,4 тонна маҳсулот ҷамъоварӣ шудааст
Дар шаҳри Риёз вохӯрии сардорони мақомоти гумруки Тоҷикистон ва Давлати Қатар доир гардид
Ғолибони якумин «Ҷоизасупории миллӣ дар самти тиҷорати рақамӣ (e-commerce)» ҳавасманд гардонида шуданд
