«Амонатбонк» соли 2023 ба 53 ҳазор муштарӣ беш аз 1,8 миллиард сомонӣ қарз пешниҳод намуд
ДУШАНБЕ, 13.02.2024 /АМИТ «Ховар»/. «Амонатбонк» аз пешниҳоди беш аз 1,8 миллиард сомонӣ қарз ба 53 ҳазор муштарӣ дар соли 2023 иттилоъ медиҳад.
Раиси Корхонаи воҳиди давлатии «Бонки амонатгузории Ҷумҳурии Тоҷикистон «Амонатбонк» Алиҷон Салимзода 9 феврал дар ҷамъи хабарнигорон дар Душанбе гуфт, ки маблағҳои қарзӣ ба муштариён соли 2023 аз ҳисоби захираҳои дохилию хориҷӣ пешниҳод гардида, ҳаҷми қарзҳои додаи «Амонатбонк» дар соли 2023 нисбат ба соли 2022 354 миллион сомонӣ ё 24 фоиз афзудааст.
Гуфта шуд, ки қарзҳои додаи «Амонатбонк» 20,9 фоиз ба соҳаи саноат, 19,2 фоиз ба кишоварзӣ, 30,3 фоиз ба истеъмолӣ, мутаносибан беш аз 12-фоизӣ ба соҳаи сохтмон ва тиҷорат, 4,6 фоиз ба нақлиёт ва 0,3 фоиз ба хизматрасонӣ рост меояд.
Алиҷон Салимзода афзуд, ки «Амонатбонк» инчунин иқдоми қарзҳои имтиёзнокро таҳти унвони «Баҳор-2023», «Автоқарз», «Занҳои муваффақ» ва «Таҳсил-2023», инчунин «Қарзҳои ипотекӣ»-ро амалӣ намудааст. Таъкид шуд, ки пешниҳоди қарзҳои «Амонатбонк» ба муштариён дар доираи аз 10 то 24 фоизи солона бо пули миллӣ ва аз 4,5 то 10 фоизи солона бо асъори хориҷӣ муайян гардидааст.
Бояд тазаккур дод, ки сандуқи қарзии «Амонатбонк» 2,2 миллиард сомонӣ ва шумораи қарзгирон аз рӯи бақия беш аз 62 ҳазор нафарро ташкил медиҳад, ки нисбат ба соли 2022 ҳаҷми сандуқи қарзӣ 31 фоиз афзудааст.
Марзия САИДЗОДА,
АМИТ «Ховар»
АКС: АМИТ «Ховар»
Форуми «Сармоягузорӣ ба илм ва навоварии ҷавонон: Назари минтақавии форуми ҷаҳонии озуқаворӣ барои Аврупо ва Осиёи Марказӣ» оғоз гардид
Дар Душанбе Конфронси 35-уми минтақавии Созмони озуқаворӣ ва кишоварзии СММ барои Аврупо ва Осиёи Марказӣ оғоз мешавад
РУШДИ САНОАТ. Дар шаҳри Истиқлол сохтмони корхонаи истеҳсоли оҳаксанг ва хокаи оҳак идома дорад
Ҷамъияти дорои масъулияти маҳдуди «Хоҷамастон» дар як рӯз то 700 дона хишт истеҳсол менамояд
Дар Суғд неругоҳи барқи офтобӣ бо иқтидори умумии 500 МВт сохта мешавад
ИҚТИСОДИ РАҚАМӢ ВА ИННОВАТСИЯ. Истифодаи самараноки технологияҳои иттилоотӣ омили муҳими пешрафти китобхонаҳо аст
ИСТИФОДАИ САМАРАНОКИ ЗАМИН. Кишоварзони ноҳияи Абдураҳмони Ҷомӣ бозорҳоро бо маҳсулоти босифат таъмин мекунанд
РУШДИ САНОАТ. Дар шаҳри Истиқлол сохтмони марҳилаи дуюми корхонаи металлургӣ идома дорад
Нигина Анварӣ: «Баргузории Конфронси ФАО дар Душанбе бозгӯи эътимоди ҷомеаи ҷаҳонӣ ба сиёсати пешгирифтаи Тоҷикистон ва саҳми фаъолонаи он дар рушди устувори кишоварзӣ аст»
Намояндагони воситаҳои ахбори омма бо фаъолияти дидбонгоҳи наздисарҳадии «Дӯстӣ» шинос шуданд
Тоҷикистон ва Туркия ҳамкориро дар соҳаи сайёҳӣ густариш медиҳанд
Дар Душанбе Ҷаласаи 11-уми минтақавии Шабакаи Осиёи Марказӣ оид ба ҳифзи гуногунии биологӣ баргузор гардид
