Дар Донишгоҳи давлатии Хоруғ доир ба аҳамияти омӯзиши забонҳои хориҷӣ ҳамоиши илмӣ-назариявӣ баргузор шуд
ХОРУҒ, 16.02.2024 /АМИТ «Ховар»/. Дар ҳошияи Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон «Дар бораи самтҳои асосии сиёсати дохилӣ ва хориҷии ҷумҳурӣ» дар Донишгоҳи давлатии Хоруғ дар мавзуи «Аҳамияти омӯзиши забонҳои хориҷӣ дар замони муосир» ҳамоиши илмӣ-назариявӣ баргузор гардид, иттилоъ медиҳад хабарнигори минтақавии АМИТ «Ховар» Файз Мирасан.
Ректори донишгоҳ Амид Комилбек омӯзиши забонҳои хориҷиро дар замони муосир, ки равобити иқтисодию фарҳангии Тоҷикистон бо мамлакатҳои дуру наздик босуръат густариш меёбад, хеле муҳим хонда, изҳор дошт, ки «Ҳукумати мамлакат ва шахсан Пешвои миллат бо мақсади омӯзиши ҳарчӣ бештари забонҳои хориҷӣ барои муҳассилини муассисаҳои таҳсилоти миёнаву олӣ шароити мусоид фароҳам овардаанд. Ба истифода аз ин шароит барои ҳамаи донишҷӯёни донишгоҳ, сарфи назар аз ихтисосашон омӯхтани ҳадди ақалл ду забон- яъне русию англисӣ шарт ва зарур аст. Президенти Тоҷикистон муҳтарам Эмомалӣ Раҳмон ба тарбияи мутахассисон ва сатҳу сифати касбии онҳо ҳамеша таваҷҷуҳ зоҳир намуда, омода намудани мутахассисони ҷавобгӯ ба талаботи муосир ва дар бозори ҷаҳонӣ рақобатпазирро, ки вазифаи асосии муассисаҳои олии ҷумҳурӣ ба шумор меравад, таъкид менамоянд. Мавзуи интихобнамудаи конфронс воқеан хеле рӯзмарра ва актуалӣ аст. Донистани забонҳои гуногуни хориҷӣ ба донишҷӯён дар оянда имконият медиҳад, ки таҳсилро дар давлатҳои пешрафта идома дода, донишашонро мукаммал намоянд».
Иброз гардид, ки донистани забонҳои хориҷӣ барои донишҷӯ, агар аз як сӯ роҳро барои пайдо намудани ҷои кори муносиб чӣ дар дохил ва чӣ хориҷ аз мамлакат ҳамвор созад, аз сӯи дигар, дар оянда ин донишҷӯён Тоҷикистони соҳибистиқлолро дар давлатҳои дунё муаррифӣ менамоянд.
Дар Донишгоҳи давлатии Хоруғ барои беҳтар намудани сифати таълим ва омӯзиши забонҳои хориҷӣ имконоти муносиб муҳайё шуда, синфхонаҳои махсуси омӯзиши забонҳои русию англисӣ ва олмонӣ амал менамоянд.
Изҳор гардид, ки устодони донишгоҳ бояд иҷрои нишондиҳандаҳо ва нуктаҳои асосии Паёми Президенти Тоҷикистонро ба Маҷлиси Олӣ роҳнамои фаъолияти илмию педагогӣ қарор дода, баҳри тарбияи кадрҳои баландихтисос тамоми дониш, малакаву маҳорат ва таҷрибаашонро ба кор баранд.
АКС: АМИТ«Ховар»
Дар Донишгоҳи давлатии Бохтар даври муассисавии Озмуни ҷумҳуриявии «Фурӯғи субҳи доноӣ китоб аст» баргузор гардид
ИЛМУ МАОРИФ БА ОЯНДАИ БОСАОДАТИ ДАВЛАТУ МИЛЛАТ ТАВЪАМ АСТ. Андешаҳо дар ҳошияи Паёми Президенти Тоҷикистон ба Маҷлиси Олӣ
Ҷаласаи гурӯҳи кории Озмуни ҷумҳуриявии «Илм – фурӯғи маърифат» баргузор шуд
Дар Душанбе дар нуҳ сол беш аз 54 мактаб ва 42 муассисаи томактабӣ сохта шудааст
МАОРИФ — ОМИЛИ КАЛИДИИ РУШДИ УСТУВОРИ ҶОМЕА. Дар ҳошияи Паёми Президенти Тоҷикистон ба Маҷлиси Олӣ
Оид ба тамоюлҳои рушди психологияи муосир ва татбиқи он дар низоми таҳсилоти рақамӣ конференсияи байналмилалӣ доир шуд
«ИЛМ – ФУРӮҒИ МАЪРИФАТ». Барои баргузории ин озмуни ҷумҳуриявӣ зиёда аз 9 миллион сомонӣ ҷудо гардид
Дар Донишгоҳи давлатии молия ва иқтисоди Тоҷикистон бахшида ба Рӯзи байналмилалии ҳадяи китоб ҳамоиш доир гардид
Раҳмон Исломиддин: «Таҳкими худшиносиву худогоҳии миллӣ омили асосии пойдории давлат ва рушди ҷомеа мебошад»
Бахшида ба «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» дар Душанбе конференсияи илмӣ доир шуд
Дар оянда дар маҳали Донишкадаи инноватсионии Душанбе шаҳраки донишҷӯён сохта мешавад
РУШДИ САНОАТИ ФАРМАТСЕВТИИ ВАТАНӢ. Дар Парки технологии Донишгоҳи миллии Тоҷикистон аз пӯсти меваи анор дору тайёр мекунанд
