Дар қисмҳои низомии ноҳияи Дарвоз Рӯзи дарҳои кушод гузаронида шуд

ДУШАНБЕ, 11.02.2024 /АМИТ «Ховар»/. Тибқи нақшаи чорабиниҳои Мақомоти иҷроияи ҳокимияти давлатии ноҳияи Дарвоз, бахшида ба Рӯзи Қувваҳои Мусаллаҳи Ҷумҳурии Тоҷикистон зимни вохӯрӣ дар қисми низомӣ ва қисми ҳарбии ноҳия бо иштироки ҷавонони синни даъватӣ ва хонандагони синфҳои болоии муассисаҳои таҳсилоти миёнаи умумии ноҳия Рӯзи дарҳои кушод баргузор гардид. Дар ин хусус  АМИТ «Ховар» бо истинод ба мақомоти иҷроияи ҳокимияти давлатии ноҳия хабар медиҳад.

Дар ин рӯз иштирокчиён бо шароити зист ва хизматбарии сарбозони қисми низомии ноҳия шинос шуданд.

Дар Рӯзи дарҳои кушод аз ҷониби намояндагон, сарбозон ва афсарон ба ҷавонон оид ба ватандӯстӣ, созандагию бунёдкорӣ, ифтихори миллӣ, дӯст доштани Ватан-Модар суҳбатҳо гузаронида шуданд.

Баъдан масъулин иштирокчиёнро бо ҷойҳои фароғатӣ, толорҳо, майдонҳои ҳарбии варзишӣ, ошхонаву ҷои хоби сарбозони қисми низомӣ, иншоот ва лавозимоти ҷангӣ шинос намуданд.

Баргузор намудани чунин чорабиниҳои тарбиявӣ ҷиҳати бештар тақвият бахшидани ҳисси ватандӯстӣ дар замири наврасону ҷавонон мусоидат менамояд.

АКС: Мақомоти иҷроияи ҳокимияти давлатии ноҳияи Дарвоз