РАВАНДИ ОБИ ДУШАНБЕ. Яке аз ҳадафҳои асосии он мубодилаи таҷрибаи пешқадам ва ҷустуҷӯи ҳалли инноватсионӣ аст
ДУШАНБЕ, 06.02.2024 /АМИТ «Ховар»/. Аз 10 то 13 июни соли 2024 дар шаҳри Душанбе Конфронси сеюми байналмилалии сатҳи баланд оид ба Даҳсолаи байналмилалии амал «Об барои рушди устувор, солҳои 2018 — 2028» баргузор мегардад, иттилоъ медиҳад АМИТ «Ховар».
Ҳадафи конфронс табодули таҷрибаи беҳтарин ва дарёфти роҳҳои ҳалли инноватсионӣ, инчунин таҳкими шарикӣ байни ҷонибҳои манфиатдор ва баланд бардоштани нақши об дар рушди устувор мебошад.
Конфронси Душанбе оид ба Даҳсолаи амалиёти об аз силсилаи чорабиниҳое мебошад, ки дар ду сол як маротиба аз ҷониби Ҳукумати Ҷумҳурии Тоҷикистон дар ҳамкорӣ бо СММ оид ба дастгирии татбиқи ҳадафҳои Даҳсолаи байналмилалии амал «Об барои рушди устувор, солҳои 2018 — 2028» гузаронида мешавад.
Бо баргузории ин чорабинии муҳим, Тоҷикистон кӯшиш менамояд, ки платформаро барои пайгирӣ, пешбурд ва дастгирии иҷрои уҳдадориҳои ихтиёрии дар Рӯзномаи обии Конфронси СММ оид ба захираҳои об сабтшуда, инчунин ҳавасмандгардонии шарикии нав ва суръат бахшидан ба амалҳо оид ба ноил гардидан ба ҳадафҳои Рӯзномаи рушди устувор барои давраи то соли 2030-ро таъмин намояд.
Ин яке аз уҳдадориҳои қабулгардидаи давлат мебошад, ки аз ҷониби Президенти Ҷумҳурии Тоҷикистон дар ҳошияи Конфронси СММ оид ба об эълон шудааст.
«Раванди оби Душанбе» – ин ташаббуси Президенти Ҷумҳурии Тоҷикистон муҳтарам Эмомалӣ Раҳмон оид ба дастгирии татбиқи ҳадафҳои Даҳсолаи байналмилалии амал «Об барои рушди устувор, солҳои 2018-2028» мебошад, ки бо роҳи гузаронидани конфронсҳои байналмилалӣ дар ҳамкорӣ бо СММ дар ду сол як маротиба аз ҷониби Ҳукумати Ҷумҳурии Тоҷикистон амалӣ мешавад.
То имрӯз дар пойтахти Тоҷикистон –шаҳри Душанбе ду конфронси сатҳи баланд бахшида ба Даҳсолаи байналмилалии амал «Об барои рушди устувор, солҳои 2018 — 2028» муваффақона баргузор гардидааст.
Лайло ТОИРӢ,
Азиза ИКРОМӢ,
АМИТ «Ховар»
АКС аз манбаъҳои боз
Ташаббусҳои байналмилалии Тоҷикистон дар мавзуи обу иқлим баланд арзёбӣ гардиданд
Дар Душанбе конфронси байналмилалӣ оид ба мубориза бо терроризм доир шуд
Дар Душанбе машваратҳои сиёсии Тоҷикистон ва Туркманистон баргузор шуданд
Сафири Тоҷикистон бо Раиси Палатаи савдо ва саноати Абузабӣ мулоқот намуд
Масъалаи сармоягузорӣ байни Тоҷикистон ва Арабистони Саудӣ баррасӣ гардид
Имконоти сайёҳии Ҷумҳурии Тоҷикистон ва Конфедератсияи Швейтсария муаррифӣ шуданд
Таҷлили Рӯзи Президенти Ҷумҳурии Тоҷикистон дар шаҳри Москва
Сафири Тоҷикистон бо Вазири энергетика ва инфрасохтори Амороти Муттаҳидаи Араб мулоқот намуд
Сафири Тоҷикистон бо Вазири тағйирёбии иқлим ва муҳити зисти Амороти Муттаҳидаи Араб мулоқот намуд
КОНФРОНСҲОИ ИҚЛИМИИ СММ. Тоҷикистон дар татбиқи ҳадафҳои ин конфронсҳо пешсаф аст
Таҷлили Рӯзи Президенти Тоҷикистон ва солгарди Иҷлосияи XVI Шурои Олӣ дар шаҳри Бокуи Озарбойҷон
Таҷлили Рӯзи Президенти Ҷумҳурии Тоҷикистон дар Туркманистон
