ИЛМ-АСОСИ РУШДИ ИННОВАТСИОНӢ. Таҳти ин унвон дар Душанбе конференсияи байналмилалӣ баргузор шуд
ДУШАНБЕ, 21.04.2024 /АМИТ «Ховар»/. Дар Донишгоҳи техникии Тоҷикистон ба номи академик М.С. Осимӣ таҳти унвони «Илм – асоси рушди инноватсионӣ» конференсияи байналмилалии илмӣ-амалии донишҷӯён, магистрантон, докторантон ва унвонҷӯён баргузор гардид.
Тавре ба АМИТ «Ховар» дар ин донишгоҳ хабар доданд, дар ҷаласаи пленарии конференсия намояндагони вазоратҳои маориф ва илм ва нақлиёти Тоҷикистон иштирок намуданд.
Имсол аз ҷониби омӯзгорон, донишҷӯён, магистрантон ва унвонҷӯёну докторантон зиёда аз 100 мақолаи илмӣ барои нашр дар маҷмуа пешниҳод гардид. Инчунин мақолаҳои илмӣ аз Узбекистон, Қазоқистон, Русия ва Словакия низ пешниҳод гардиданд. Мақолаҳои пешниҳодшуда ба 6 бахш ва 11 самт тақсим шудаанд, ки аз «Энергетика ва иқтисод», «Технологияи кимиё ва металлургия, мошинсозӣ, маводшиносӣ ва технологияи мавод», «Сохтмон ва меъморӣ», «Технологияи иттилоотӣ ва илмҳои бунёдӣ», «Сохтмони нақлиёт ва нақлиёт», «Илмҳои иҷтимоӣ ва гуманитарӣ, экология ва идоракунии сифати таълими муҳандисӣ» иборат мебошанд.
Бояд гуфт, ки имсол аввалин маротиба маводи конференсия дар асоси шартномаи тарафайн ба китобхонаи илмӣ-электронии eLIBRARY ворид карда мешавад. eLIBRARY.RU бузургтарин китобхонаи электронии нашрияҳои илмии Русия буда, дорои имконияти ғании ҷустуҷӯ ва таҳлили иттилооти илмӣ мебошад.
АКС: Донишгоҳи техникии Тоҷикистон ба номи академик М.С. Осимӣ
Пешвои миллат: «Барои гузаштан ба низоми 12-солаи таҳсил аз ҳоло чораҷӯӣ карда шавад»
Дастаи Тоҷикистон дар Олимпиадаи байналмилалии математикии Ангкор дар Камбоҷа 51 медал ба даст овард
Доир ба муаммо ва дурнамои илми методикаи таълим дар раванди ҷаҳонишавӣ конференсия баргузор шуд
Дар Тоҷикистон Маркази омодагӣ ва имтиҳони HSK таъсис дода мешавад
Дар Донишгоҳи давлатии Кӯлоб оид ба маърифати молиявии аҳолӣ конференсияи байналмилалӣ баргузор шуд
Густариши ҳамкорӣ байни Донишгоҳи технологии Тоҷикистон ва Донишгоҳи Ҳериот-Ватти Шотландия баррасӣ гардид
Вазири маориф ва илм дар конференсияи байналмилалӣ оид ба масъалаҳои мубрами таҳсилоти фарогир иштирок намуд
Дар муассисаҳои таҳсилоти олии Федератсияи Русия зиёда аз 27 ҳазор донишҷӯёни тоҷик таҳсил доранд
Донишгоҳи байналмилалии сайёҳӣ ва соҳибкории Тоҷикистон дар баҳогузории ҷаҳонии «Донишгоҳҳои сабз» иштирок намуд
Вазири маориф ва илм дар ҷаласаи навбатии Шурои директорони Шарикии глобалӣ дар соҳаи маориф иштирок намуд
Корманди Донишгоҳи давлатии ҳуқуқ, бизнес ва сиёсати Тоҷикистон дар озмуни «Фурӯғи субҳи доноӣ китоб аст» ҷойи якумро соҳиб шуд
Дар Озмуни ҷумҳуриявии «Фурӯғи субҳи доноӣ китоб аст» 4 довталаб соҳиби Шоҳҷоиза шуд
