Масъалаи эътирофи баробарарзиши дипломҳои муассисаҳои таҳсилоти олӣ ва дараҷаву унвонҳои илмӣ байни Тоҷикистон ва Чин баррасӣ шуд
ДУШАНБЕ, 19.04.2024. /АМИТ «Ховар»/. Имрӯз дар ҳошияи Ҷаласаи ҳаштуми вазирони маорифи Созмони Ҳамкории Шанхай дар шаҳри Москва Вазири маориф ва илми Ҷумҳурии Тоҷикистон Раҳим Саидзода бо вазири маорифи Ҷумҳурии Мардумии Чин Хуай Сизин Пэн вохӯрӣ намуд. Дар ин хусус ба АМИТ «Ховар» дар маркази матбуоти Вазорати маориф ва илми Ҷумҳурии Тоҷикистон хабар доданд.
Зимни вохӯрӣ масъалаи эътирофи баробарарзиши дипломҳои муассисаҳои таҳсилоти олӣ ва дараҷаву унвонҳои илмӣ байни Ҷумҳурии Тоҷикистон ва Ҷумҳурии Мардумии Чин мавриди баррасӣ қарор гирифт.
Таъкид шуд, ки дар ин маврид лоиҳаи Созишнома байни Вазорати маориф ва илми Ҷумҳурии Тоҷикистон ва Вазорати маорифи Ҷумҳурии Мардумии Чин дар ҳоли коркард ва баррасии вазорату идораҳои дахлдори ду давлат қарор дорад.
Дар вохӯрӣ ҷонибҳо аз рушди босуръати ҳамкорӣ байни ду давлат дар соҳаи маориф ва илм изҳори қаноатмандӣ намуда, дар баробари ин ба сатҳи нав баровардани ҳамкориро таъкид доштанд.
Вазири маориф ва илми Ҷумҳурии Тоҷикистон иброз дошт, ки ҷониби Тоҷикистон мақсад дорад, ки дар доираи баргузории конфронси якҷояи Тоҷикистон ва Чин таҳти унвони «Омӯзиши муносибатҳои таърихии дӯстӣ, ҳамсоягӣ ва шарикии стратегии Тоҷикистон ва Чин» 50 нафар олимонро аз Чин ба Тоҷикистон даъват намояд.
Тазаккур дода шуд, ки ҳамкории Ҷумҳурии Тоҷикистон бо Ҷумҳурии Мардумии Чин дар соҳаҳои илму маориф дар асоси Созишнома дар бораи ҳамкорӣ ва дӯстӣ байни Ҷумҳурии Тоҷикистон ва Ҷумҳурии Мардумии Чин аз 15 январи соли 2007 ва дигар санадҳои меъёрӣ-ҳуқуқӣ ба роҳ монда шудааст. Дар айни замон дар муассисаҳои таҳсилоти олии Чин беш аз 2000 донишҷӯёни тоҷик таҳсил менамоянд.
АКС: Маркази матбуоти Вазорати маориф ва илми Ҷумҳурии Тоҷикистон
Бахшида ба Рӯзи Парчами давлатӣ ҳамоиши тантанавии «Ҷавонон-созандагони НБО-и «Роғун»» баргузор гардид
Дар Литсей барои хонандагони болаёқат дар шаҳри Душанбе бахшида ба Рӯзи Парчами давлатӣ ҳамоиш баргузор гардид
Маркази барномаҳои байналмилалии Тоҷикистон ва Донишгоҳи Сент-Ҷорҷи Гренада ҳамкориро густариш медиҳанд
Намояндаи Академияи миллии илмҳои Тоҷикистон дар ҷаласаи Шуро оид ба ҳамкорӣ дар соҳаи илмҳои бунёдӣ дар Москва иштирок намуд
Дар Коллеҷи омӯзгории шаҳри Душанбе Маркази омӯзиши забони олмонӣ таъсис дода мешавад
Дар Донишгоҳи технологии Тоҷикистон бахшида ба Рӯзи Парчами Тоҷикистон конференсияи илмӣ-амалӣ баргузор шуд
Дар Донишгоҳи давлатии Бохтар ба шарафи Рӯзи Парчами давлатии Тоҷикистон ҳамоиш доир шуд
Намояндагони Донишгоҳи давлатии Кӯлоб дар мусобиқаи ҷумҳуриявӣ 4 медали тилло ба даст оварданд
Дар ҶСК «Шабакаҳои тақсимоти барқ» дар шаҳри Душанбе филиали кафедраи электроэнергетикаи Коллеҷи техникӣ таъсис дода шуд
Байни Донишгоҳи байналмилалии забонҳои хориҷии Тоҷикистон ва Донишгоҳи байналмилалии Остонаи Қазоқистон созишнома ба имзо расид
ИМТИЁЗИ БЕШТАР. Ба 434 довталаби Озмуни ҷумҳуриявии «Фурӯғи субҳи доноӣ китоб аст» Сертификат тақдим мегардад
35-СОЛАГИИ ИСТИҚЛОЛИЯТИ ДАВЛАТӢ. Дар ноҳияи Айнӣ шумораи муассисаҳои соҳаи маориф меафзояд
