РӮЙДОДИ ТАЪРИХӢ. Аввалин корвони мошинҳои боркаш аз Покистон ба Тоҷикистон омад

Апрель 2, 2024 16:22

ДУШАНБЕ, 02.04.2024 /АМИТ «Ховар»/. Маротибаи аввал корвони мошинҳои боркаш аз Покистон ба Тоҷикистон расид, хабар медиҳад АМИТ «Ховар» бо истинод ба Вазорати нақлиёти Тоҷикистон.

Дар терминали Ҷамъияти саҳомии кушодаи «Тоҷиквнештранс» дар Душанбе ҳайати меҳмонон-Директори генералии Ширкати миллии логистикии (National Logistics Cell, NLC) Ҷумҳурии Исломии Покистон Фаррух Шаҳзод Рао, Сафири Фавқулода ва Мухтори Ҷумҳурии Исломии Покистон дар Ҷумҳурии Тоҷикистон Муҳаммад Саид Сарварро ҳайати Вазорати нақлиёти Тоҷикистон таҳти роҳбарии Вазири нақлиёти Тоҷикистон Азим Иброҳим  истиқбол гирифт.

Вазири нақлиёти Тоҷикистон таъкид намуд, ки вуруди нахустин корвони бор аз Покистон ба Тоҷикистон рӯйдоди таърихӣ ва натиҷаи Созишнома «Дар бораи тиҷорати транзитӣ» мебошад, ки 14 декабри соли 2022 зимни сафари Президенти Ҷумҳурии Тоҷикистон муҳтарам Эмомалӣ Раҳмон ба Покистон байни ҳукуматҳои ҳарду давлат ба имзо расидааст. Ин рӯйдод дар таърихи ҳамкории дуҷонибаи Тоҷикистон ва Покистон дар боркашонии байналмилалӣ саҳифаи нав боз менамояд.

Гуфта шуд, ки ин  Созишнома ба рушди тиҷорат, аз ҷумла тавассути транзит аз ҳудуди давлатҳои аҳдкунанда, ҳамлу нақли байналмилалии бор бо истифода аз намудҳои гуногуни нақлиёт, зиёд намудани гардиши молу маҳсулот ва фароҳам овардани шароити мусоид барои воридоту содирот байни Тоҷикистон ва Покистон равона шудааст.  Афзоиши ҳаҷми боркашонии байналмилалӣ ва истифодаи пурраи иқтидори транзитии мамлакат, ташкили ҳамлу нақли мултимодалӣ яке аз ҳадафҳои стратегии Ҷумҳурии Тоҷикистон буда, татбиқи амалии ин санад барои расидан ба ин ҳадаф мусоидат менамояд.

Таъкид шуд, ки ин иқдом имконияти иловагиро барои баромадан ба бандарҳои баҳрии Карочӣ ва Гвадари Покистон таъмин намуда, бо истифода аз ҳамлу нақли мултимодалӣ ба пайвастшавӣ ба долони иқтисодии Чину Покистон, ки имконияти хуби рушди тиҷорат, транзит ва ҳамлу нақли борро байни ду давлат фароҳам меорад, мусоидат менамояд. Ин санад  ба рушди тиҷорат, аз ҷумла тавассути транзит аз ҳудуди давлатҳои аҳдкунанда,  ҳамлу нақли байналмилалии бор бо истифода аз намудҳои гуногуни нақлиёт, зиёд намудани гардиши молу маҳсулот ва фароҳам овардани шароити мусоид барои воридоту содирот байни Тоҷикистон ва Покистон равона шудааст.

Масофаи хатсайри автомобилӣ байни Душанбе ва Исломобод 1044 километрро  ташкил намуда,  долони мусоид барои баромодан ба бандарҳои баҳрӣ маҳсуб мешавад.

АКС: Вазорати нақлиёти Тоҷикистон

Апрель 2, 2024 16:22

Хабарҳои дигари ин бахш

Дар вилояти Хатлон татбиқи 368 лоиҳа ба маблағи 8,5 миллиард сомонӣ пешбинӣ шудааст
Вазири кишоварзии Узбекистон дар шаҳри Ҳисор бо фаъолияти корхонаи «Агротехсервис» шинос гардид
«Гардиши мол байни ду давлат дар ояндаи наздик ба 1 миллиард доллари амрикоӣ расонида мешавад», — бардошт аз Форуми соҳибкорию сармоягузории Тоҷикистон ва Узбекистон
Ҳайати Тоҷикистон бо роҳбарияти IFC роҳҳои тавсеаи ҳамкориро баррасӣ намуд
Дар Душанбе ҷаласаи Кумитаи муштараки роҳбарикунанда оид ба муаррифии ҳисоботи СММ баргузор шуд
Татбиқи лоиҳаҳои муштарак байни Тоҷикистон ва Узбекистон баррасӣ шуд
Ҳайати Тоҷикистон дар Бонн бо намояндагони Вазорати федералии Олмон оид ба ҳамкории иқтисодӣ ва рушд мулоқот намуд
Ҳамкории Тоҷикистон бо ниҳоди Созмони Милали Муттаҳид оид ба савдо ва рушд (UNCTAD) тақвият меёбад
Нақшаи андозҳо ва дигар пардохтҳои ҳатмӣ бо назардошти андози иҷтимоии ғайрибуҷетӣ дар шаҳри Ваҳдат 104,7 фоиз иҷро гардид
«Амонатбонк» дар доираи Ҳафтаи байналмилалии молиявӣ дар Файзобод ҳамоиши омӯзишӣ баргузор намуд
ҚАЛЪАИХУМБ — ВАНҶ — ДАРВОЗАИ РӮШОН. Вазири нақлиёти Тоҷикистон бо ҷараёни таҷдиду навсозии ин қитъаи роҳ шинос шуд
Дар Душанбе масъалаи таъсиси парки инноватсионии саноатӣ байни Тоҷикистон ва Русия баррасӣ гардид