Беҳтарин тараннумгарони Ватан муайян гардиданд
ДУШАНБЕ, 27.05.2024. /АМИТ «Ховар»/. 21 нафар ғолибони Озмуни ҷумҳуриявии «Тараннуми Ватан» муайян гардиданд. Озмун бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар якҷоягӣ бо Муассисаи давлатии рӯзномаи «Ҷавонони Тоҷикистон» ва дар ҳамкорӣ бо Мақомоти иҷроияи ҳокимияти давлатии ноҳияи Рӯшони Вилояти Мухтори Кӯҳистони Бадахшон ба муносибати Рӯзи ҷавонони Тоҷикистон доир гардид, иттилоъ медиҳад АМИТ «Ховар».
Дар он Шоира Мадалиева сазовори ҷойи аввал, Бахтиёр Раҳмониён, Зайнаб Ҳусейнова сазовори ҷойи дуюм ва Ғунчагул Нурализода, Рустам Азимов сазовори ҷойи сеюм шуданд. Инчунин дар озмун чанд иштирокчии фаъол соҳиби ҷойҳои ифтихорӣ шуданд. Дар маҷмуъ 21 иштирокчии фаъол аз тарафи кумитаи тадорукоти озмун қадрдонӣ карда шуданд.
Мақсад аз баргузории озмун боло бурдани ҳисси худшиносии ҷавонон, тарғиб ва тарбияи эҳсоси ватандӯстӣ дар замири ҳар фарди мамлакат, ифтихор аз истиқлоли давлатӣ ва кашфи истеъдодҳои ҷавон мебошад.
Шарти Озмуни ҷумҳуриявии «Тараннуми Ватан» ин буд, ки иштирокчиён дар дилхоҳ гӯшаи табиати Ватан бо телефони ҳамроҳи худ (ё дигар дастгоҳҳои наворбардорӣ) шеър, тарона ё сурудеро дар васфи Ватан замзама намуда, онро ба унвони рӯзнома ирсол менамоянд.
Маводи ирсолнамудаи иштирокчиён танзим шуда, дар гурӯҳҳои фейсбукӣ ва ютубии рӯзнома ҷой дода шуд.
Ëдовар мешавем, ки озмун моҳи апрел оғоз гардида, то 15 май идома ёфт.
Зарангези ЛАТИФ,
АМИТ «Ховар»
АКС: АМИТ «Ховар»
Табибони Тоҷикистону Чин ҳамкории илмию таълимиро тақвият мебахшанд
Дар ноҳияи Шамсиддини Шоҳин шуъбаи эндовидеоҷарроҳӣ ба истифода дода шуд
Аз 24 то 27 март дар Тоҷикистон ҳавои тағйирёбанда пешгӯӣ шуда, борон меборад
МАСЛИҲАТИ МУТАХАССИС. Сиёҳалафро барои муолиҷаи бемориҳои рӯда ва захми меъда истифода мебаранд
ТАШАББУСИ ШОИСТАИ ИНСОНДӮСТОНАИ ПЕШВОИ МИЛЛАТ. Андешаҳо дар ҳошияи Фармони Президенти Ҷумҳурии Тоҷикистон «Дар бораи бахшиши ҷазои шахсоне, ки ба маҳрум сохтан аз озодӣ маҳкум карда шудаанд»
Имрӯз дар асоси Фармони Президенти Тоҷикистон боз 697 нафар маҳбусон аз муассисаҳои ислоҳии ҷумҳурӣ озод карда шуданд
Пайвандони маҳбусон: «Бахшиши ҷазои маҳкумшудагон намунаи барҷастаи инсондӯстӣ ва меҳру муҳаббати Пешвои миллат нисбат ба мардум мебошад»
Имрӯз дар асоси Фармони Президенти Тоҷикистон 200 нафар маҳбусон аз муассисаҳои ислоҳии ҷумҳурӣ озод карда шуданд
Тоҷикистонро дар рӯзҳои ҷашни Наврӯз чӣ гуна ҳаво интизор аст?
Форуми ҷавонони Тоҷикистон, Узбекистон ва Қирғизистон баргузор гардид
Дар Хуҷанд ҳайати иштирокчиёни Фестивали ҷаҳонии ҷавонон «Navruz Youth World Festival»-ро истиқбол намуданд
Иштирокчиёни Фестивали ҷаҳонии ҷавонон: «Аз истиқболу меҳмоннавозии гарми тоҷикон сарамон ба фалак расид»
