«ДУШАНБЕ — ШАҲРИ ҲУШМАНД». «Ҳафтаи илм, технология, инноватсия ва ихтироъкории наврасону ҷавонон оғоз гардид

Май 20, 2024 17:51

ДУШАНБЕ, 20.05.2024. /АМИТ «Ховар»/. Имрӯз дар Маркази ЭКСПО-и шаҳри Душанбе таҳти унвони «Душанбе — шаҳри ҳушманд» «Ҳафтаи илм, технология, инноватсия ва ихтироъкории наврасону ҷавонони шаҳри Душанбе» ифтитоҳ гардид, иттилоъ медиҳад АМИТ «Ховар».

Ҳамзамон намоиши дастовардҳои илмиву инноватсионӣ ва техникиву технологии муассисаҳои инноватсиониву технологӣ, илмиву таълимӣ, ширкатҳои бахши IT -и ҳудуди шаҳри Душанбе баргузор гардид. Дар он беш аз 40 идораву ташкилот зиёда аз 200 номгӯй лоиҳаву маҳсулотро пешниҳод намуданд.

Яке аз иштирокдорони намоиш- директори Маркази таълимии роботсозии «Robx» иброз дошт, ки барои кӯдакону наврасон дарсҳои омӯзишии гуногун доранд. «Дар маркази мо кӯдакон метавонанд аз 5- солагӣ ба сохтани барномаҳои гуногун, сомонаҳои интернетӣ ва роботсозӣ машғул шаванд. Зеро таҷриба нишон медиҳад, ки аз худ кардан ва истифодаи самараноки технологияи муосир моро ба ҷаҳони муосир наздик намуда, сифати корро беҳтар мегардонад», -гуфт директори марказ.

Таъкид намуд, ки баргузории намоишгоҳ омили муҳими бедор намудани ангезаву шавқу рағбати хонандагон ба омӯзиши фанҳои табиӣ, дақиқ ва риёзӣ арзёбӣ гардид.


Ҳафтаи илм, технология, инноватсия ва ихтироъкории наврасону ҷавонон бо ташаббуси Раиси шаҳри Душанбе бо мақсади баланд бардоштани сатҳу сифати таҳсил, рушди тафаккури техникӣ, тарғиби ҷаҳонбинии илмӣ, дастрасӣ пайдо кардан ба техникаву технология, тавсеаи ихтироъкорӣ ва навоварӣ, бедор намудани шавқу рағбати хонандагон ба эҷодкорӣ, омӯзиши амиқи илмҳои дақиқ ва риёзӣ, инчунин дарёфт ва муаррифии истеъдодҳои нав дар байни хонандагону омӯзгорони муассисаҳои таҳсилоти миёнаи умумии шаҳри Душанбе баргузор карда мешавад.

Гуфта шуд, ки ҷавонону наврасоне, ки ба техникаву технологияи муосир ва ихтироъкориву навоварӣ шавқу рағбат доранд, метавонанд дар чорабиниҳои ҳафта иштирок кунанд.

Давоми ҳафта озмунҳои гуногун доир ба технологияҳои иттилоотӣ ва коммуникатсионӣ дар байни хонандагон ва омӯзгорони муассисаҳои таҳсилоти миёнаи умумии шаҳри Душанбе гузаронида мешавад.

Дар доираи ҳафта баргузории якчанд чорабинӣ дар назар аст. Аз ҷумла, дарси маҳорат, Форуми наврасону ҷавонони шаҳри Душанбе оид ба технологияҳои иттилоотӣ ва коммуникатсионӣ, Конференсияи илмӣ оид ба «Зеҳни сунъӣ ва омӯзиши он дар муассисаҳои таълимӣ», озмуни «Омӯзгори муосир», «Беҳтарин кабинети фанни технологияи иттилоотӣ» гузаронида мешаванд.

Ҳафтаи илм, технология, инноватсия ва ихтироъкории наврасону ҷавонони шаҳри Душанбе» то 24 май идома ёфта, ғолибон бо туҳфаҳои хотиравӣ қадрдонӣ мешаванд.

 

Зарангези ЛАТИФ,
Зоирҷони ТОИРЗОД (АКС),
АМИТ «Ховар»

Май 20, 2024 17:51

Хабарҳои дигари ин бахш

27-СОЛАГИИ РӮЗИ ВАҲДАТИ МИЛЛӢ. Қарори Раиси шаҳри Душанбе барои баргузории барномаҳои идона ба имзо расид
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ бо Раиси иҷлоси 78-уми Маҷмаи Умумии Созмони Милали Муттаҳид Деннис Фрэнсис мулоқот намуданд
«ҲУНАР ОМӮЗ…». Дар шаҳри Душанбе даври дуюми озмуни ҷумҳуриявӣ баргузор мегардад
То 1 сентябри соли 2025 ҷамъиятҳои хизматрасонии нақлиётии мусофиркашонии Душанбе пурра ба низоми нақлиёти барқӣ мегузаранд
Дар Душанбе Рӯзи ҷаҳонии ҳифзи муҳити зист таҷлил карда шуд
«КОХИ НАВРӮЗ»-МУЪҶИЗАИ МУОСИРИ САЙЁҲӢ. Ва ё шоҳкории даврони истиқлол, ки бо иқдоми Президенти Тоҷикистон бунёд шудааст
Рустами Эмомалӣ: «Ҳифзи ҳуқуқи кӯдакону наврасон яке аз самтҳои афзалиятноки сиёсати иҷтимоии давлату Ҳукумати Тоҷикистон мебошад»
ТАВАҶҶУҲ! Ҳаракати воситаҳои нақлиёти автомобилӣ аз хиёбони Бобоҷон Ғафуров то хиёбони Абуалӣ Сино муваққатан қатъ мегардад
Дар Душанбе нуқтаи дигари нерудиҳии электромобилҳо мавриди баҳрабардорӣ қарор гирифт
«ДУШАНБЕ-ШАҲРИ ҲУШМАНД». Ҳафтаи илм, технология, инноватсия ва ихтироъкории наврасону ҷавонони шаҳри Душанбе ҷамъбаст шуд
«САЙРИ ДУШАНБЕ». Шуруъ аз 25 май дар пойтахти Тоҷикистон 4 хатсайри нави сайёҳии дохилишаҳрӣ фаъолият менамояд
Дар Душанбе Рӯзи байналмилалии ҳифзи кӯдакон бошукуҳ таҷлил мегардад

Маводҳои таҳлилӣ