ФУТБОЛ-МУТТАҲИДКУНАНДАИ ҶАВОНОНИ ҶАҲОН. Бахшида ба Рӯзи ҷаҳонии футбол дар Донишгоҳи миллӣ ҳамоиш доир шуд

Май 25, 2024 09:28

ДУШАНБЕ, 25.05.2024. /АМИТ «Ховар»/. Дар Маҷмааи варзишии Донишгоҳи миллии Тоҷикистон бахшида ба  Рӯзи ҷаҳонии футбол ҳамоиши «Футбол – омили муҳими ҳамгироии ҷавонони ҷаҳон» баргузор гардид. Дар ин хусус ба АМИТ «Ховар» дар Донишгоҳи миллии Тоҷикистон хабар доданд.

Ректори Донишгоҳ иброз дошт, ки ташаббуси ҷониби Тоҷикистон дар шахсияти Президенти Ассотсиатсияи футболи Осиёи Марказӣ (CAFA), Президенти Федератсияи футболи Тоҷикистон муҳтарам Рустами Эмомалӣ оид ба эълон гардидани Рӯзи ҷаҳонии футбол хеле муҳим ва саривақтӣ мебошад. Иқдоми навбатӣ ба рушди соҳаи варзиш ва таҳкими муносибатҳои дӯстона, инчунин муттаҳид намудани ҷомеаи ҷавонони ҷаҳон мусоидат мекунад. Тавре Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон иброз доштаанд, «варзиш қосиди сулҳ, муаррифи давлату миллат ва пайвандгари риштаҳои дӯстии ҷавонони мамлакат бо ҷаҳон мебошад».

Гуфта шуд, ки дар заминаи сиёсади хирадмандонаи Пешвои миллат имрӯз барои пешрафти соҳаҳои илму маориф, тандурустӣ, ҳифзи иҷтимоии аҳолӣ, фарҳанг, татбиқи сиёсати ҷавонон, занон ва оила ва рушди варзиш корҳои зиёде ба анҷом расонида шудаанд. Дар заминаи он баҳри ҷавонону донишҷӯён дар Донишгоҳи миллӣ шароити мусоид фароҳам оварда шудааст. Сохта, ба истифода додани Маҷмааи муосири варзишӣ, майдончаҳои гуногуни варзишӣ ва синфхонаву клубҳои шашкаву шоҳмот дар донишгоҳ аз ин қабиланд.

Таъкид шуд, ки мо бояд дар оянда низ ба оммавигардонии варзиш ва таблиғи тарзи ҳаёти солим аз пештара бештар диққати аввалиндараҷа диҳем ва барои рушди соҳаи варзиш тадбирҳои зиёд андешем.

Дар ҳамоиш гуфта шуд, ки соҳаи тарбияи ҷисмонӣ ва варзиш яке аз самтҳои афзалиятноки сиёсати иҷтимоии Ҳукумати Ҷумҳурии Тоҷикистон ба ҳисоб рафта, дар самти таҳкими тарзи ҳаёти солим, мусоидат ба омода намудани варзишгарони касбии тоҷик барои  иштирок дар мусобиқаҳои байналмилалӣ тадбирҳои зарурӣ андешида шудаанд. Ҳамин аст, ки дар даврони соҳибистиқлолии мамлакат зимни пешбурди корҳои фаҳмондадиҳию таблиғотӣ дар ҳамаи соҳаҳои ҳаёти мамлакат, аз ҷумла дар соҳаи варзиш Ватани азизамон ба дастовардҳои назаррасу нодир ноил мегардад.

Варзиш як намуди фарҳанги ҷаҳонӣ аст, ки марзҳои миллӣ, монеаҳои забонӣ ва тафовутҳои иҷтимоию иқтисодиро убур менамояд. Яке аз намудҳои варзиш ин футбол аст, ки ҷаҳонро муттаҳид месозад ва ҳамагон онро мепазиранд.

АКС: Донишгоҳи миллии Тоҷикистон

Май 25, 2024 09:28

Хабарҳои дигари ин бахш

ЧЕМПИОНАТИ ОСИЁ ОИД БА КУРАШ. Паҳлавонони тоҷик дар он соҳиби панҷ медал шуданд
ҶОМИ ҶАҲОН-2026. Имрӯз дастаи мунтахаби Тоҷикистон бо тими миллии Покистон бозӣ мекунад
Дар Душанбе давраи шаҳрии мусобиқаи хурди футбол барои дарёфти «Ҷоми Ҳизби Халқии Демократии Тоҷикистон» оғоз гардид
ВАРЗИШ-ҚОСИДИ СУЛҲ. Мусобиқаи варзишӣ аз намуди футболи хурд байни муассисаҳои таҳсилоти миёнаи касбии ҷумҳурӣ ҷамъбаст шуд
ҶОМИ ҶАҲОН-2026. Дастаи мунтахаби Тоҷикистон аз тими миллии Урдун мағлуб шуд
Ноиби Президенти Кумитаи миллии олимпии Тоҷикистон бо Директори генералии Шурои олимпии Осиё, Президенти Федератсияи ҷаҳонии шиноварӣ вохӯрӣ намуд
«ПАЙВАНДИ НАСЛҲО». Дар Душанбе бо собиқадорони футболи тоҷик вохӯрӣ доир гардид
ҶОМИ ҶАҲОН-2026. Имрӯз дастаи мунтахаби Тоҷикистон бо тими миллии Урдун бозӣ мекунад
Сармураббии дастаи мунтахаби Тоҷикистон: «Бозӣ бо тими миллии Урдун ҳалкунанда хоҳад буд»
ҶОМИ ҶАҲОН-2026.Чиптаҳои бозии интихобӣ байни дастаҳои мунтахаби Тоҷикистон ва Покистон ба фурӯш гузошта шуданд
Шаш паҳлавони тоҷик соҳиби роҳхати Бозиҳои олимпии Париж- 2024 гардид
ФУТБОЛ. Дастаи ҷавонони Тоҷикистон (U-20) бо ҳамсолонаш аз Беларус ду бозии дӯстона анҷом медиҳад

Маводҳои таҳлилӣ