«МО, ҶАВОНОН НАСЛИ ХУШБАХТИ ТОҶИКИСТОНЕМ». Бахшида ба Рӯзи ҷавонони Тоҷикистон ҳамоиш доир мешавад

Май 15, 2024 15:39

ДУШАНБЕ, 15.05.2024. /АМИТ «Ховар»/. Бахшида ба Рӯзи ҷавонони Тоҷикистон 20 май дар Донишгоҳи давлатии омӯзгории Тоҷикистон ба номи Садриддин Айнӣ барномаи идонаи фарҳангии «Мо, ҷавонон насли хушбахти Тоҷикистонем» баргузор мегардад. Дар ин хусус ба АМИТ «Ховар» дар шуъбаи кор бо ҷавонони ин донишгоҳ хабар доданд.

Дар ҳамоиш ғолибони озмунҳои донишгоҳӣ ва ҷавонони фаъол дар вазъияти тантанавӣ қадрдонӣ шуда, ҳамзамон аз ҷониби дастаи ҳунарии донишгоҳ ва ҷавонони боистеъдоди он барномаи рангини ҳунарӣ, иборат аз рақсу суруд ва қироати шеъру дубайтӣ дар васфи ҷавонӣ пешкаш карда мешавад.

Инчунин бахшида ба Рӯзи ҷавонон дар мавзуи «Нақши ҷавонон дар таҳкими сулҳу суботи Тоҷикистон» конференсияи ҷумҳуриявӣ доир гардида, ғолибони мусобиқаҳоии варзишӣ ва ҷавонони фаъоли донишгоҳ қадрдонӣ мешаванд.

Бояд гуфт, ки имрӯз нақш ва иштироки ҷавонон дар сиёсат, рушди соҳаҳои иҷтимоӣ, иқтисодӣ ва фарҳангӣ  баръало эҳсос гардида, дар баробари ба даст овардани Истиқлоли давлатӣ сиёсати давлатии ҷавонон самти афзалиятноки фаъолияти Ҳукумат муқаррар гардидааст.

Аз оғози ба даст овардани соҳибистиқлолӣ масъалаи ҷавонон дар маркази диққати Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон  қарор гирифта, соли 1992 Қонуни Тоҷикистон «Дар бораи сиёсати давлатии ҷавонон» ба тасвиб расид.

Таваҷҷуҳу ғамхориҳои Президенти ҷумҳурӣ муҳтарам Эмомалӣ Раҳмон ба ин қишри ҷомеа беназир аст. Тавре дар Паёми Президенти Ҷумҳурии Тоҷикистон, Пешвои миллат  муҳтарам Эмомалӣ Раҳмон ба Маҷлиси Олии Ҷумҳурии Тоҷикистон  аз 28 декабри соли 2023 омадааст, «ғамхорӣ нисбат ба ҷавонон, ҳалли мушкилоти онҳо ва истифодаи дурусти ин захираи стратегии миллӣ барои пешрафту ободии Ватан ва таъмини амнияту суботи ҷомеа яке аз афзалияти асосии Ҳукумати мамлакат ба шумор меравад, зеро шумораи бештари аҳолии Тоҷикистонро ҷавонон ташкил медиҳанд».

Ҳамзамон бо мақсади дастгирии ҷавонон «Барномаи миллии рушди иҷтимоии ҷавонон дар Ҷумҳурии Тоҷикистон барои солҳои 2022 – 2026» ва «Барномаи давлатии тарбияи ватандӯстӣ ва таҳкими ҳувияти миллии ҷавонони Тоҷикистон барои солҳои 2023 – 2027» қабул гардид, ки ҳадафи он баланд бардоштани ҳувият ва худшиносии ҷавонон аст.

Ёдовар мешавем, ки 23 майи  соли  1997  Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо намояндагони ҷавони Тоҷикистон мулоқот намуда, фармон  «Оид ба баъзе масъалаҳои беҳтар кардани кор бо ҷавонон»-ро ба имзо расониданд. Маҳз ҳамин рӯзи таърихӣ сабаб шуд, ки  23 май Рӯзи ҷавонон эълон гардад.

Зарангези ЛАТИФ,
АМИТ «Ховар»

АКС аз бойгонии АМИТ «Ховар»

Май 15, 2024 15:39

Хабарҳои дигари ин бахш

«ХИРАД МОРО БА ДОНИШ РАҲНАМУН АСТ…». Даври сеюми олимпиадаи ҷумҳуриявӣ оғоз ёфт
ҶАВОНОН ВА РУШДИ ТОҶИКИСТОНИ СОҲИБИСТИҚЛОЛ. Бахшида ба Рӯзи ҷавонони Тоҷикистон конференсияи ҷумҳуриявӣ баргузор гардид
Бахшида ба Рӯзи ҷавонон дар Донишгоҳи байналмилалии забонҳои хориҷии Тоҷикистон ҳамоиши сиёсӣ-тарбиявӣ доир шуд
Озмоиши маҳаллии Барномаи байналмилалии арзёбии хонандагон дар мактабҳои Тоҷикистон санҷида шуд
Дар Донишгоҳи миллии Тоҷикистон озмуни ҷаҳонии «Пули забони чинӣ» дар соли 2024 баргузор гардид
Дар шаҳри Бохтар Маркази забономӯзӣ ва фарҳанги Корея ифтитоҳ гардид
Бахшида ба Рӯзи байналмилалии оила дар Донишгоҳи миллии Тоҷикистон ҳамоиши илмию назариявӣ баргузор шуд
Ҳамкорӣ бо ташкилоти «WTIT — Интиқоли ҷаҳонии технологияҳои иттилоотӣ дар Тоҷикистон» рушд меёбад
Бо мақсади баланд бардоштани сатҳи маърифати ҳуқуқии ҷавонон дар Душанбе ҳамоиш баргузор гардид
«МУҲИТИ ТАЪЛИМ-АСОСИ ТАҲСИЛИ БОСИФАТ». Дар Вазорати маориф ва илми Тоҷикистон татбиқи ин лоиҳаро баррасӣ намуданд
Даври шаҳрии Фестивал-озмуни «Шукуфаҳои пойтахт» доир гардид
35-СОЛАГИИ ИСТИҚЛОЛИ ДАВЛАТӢ. Дар Муъминобод 4 муассисаи таълимӣ ва синфхонаҳои иловагӣ бунёд мешаванд