Озмуни IV ҷумҳуриявии донишҷӯёни муассисаҳои таҳсилоти олии касбии Ҷумҳурии Тоҷикистон оғоз ёфт

Май 21, 2024 11:09

ДУШАНБЕ, 21.05.2024 /АМИТ «Ховар»/. 21 май дар Душанбе бо иштироки муовини Сарвазири Тоҷикистон Дилрабо Мансурӣ, роҳбарияти кумитаву идораҳои давлатӣ ва омӯзгорону донишҷӯёни мактабҳои олии мамлакат Озмуни IV ҷумҳуриявии донишҷӯёни муассисаҳои таҳсилоти олии касбии /МТОК/ Ҷумҳурии Тоҷикистон барои дарёфти «Ҷоми раёсати Донишгоҳи байналмилалии сайёҳӣ ва соҳибкории Тоҷикистон» оғоз гардид. Дар ин хусус ба АМИТ «Ховар» дар Донишгоҳи байналмилалии сайёҳӣ ва соҳибкории Тоҷикистон иттилоъ доданд.

Ректори Донишгоҳи байналмилалии сайёҳӣ ва соҳибкории Тоҷикистон Убайдулло Асрорзода дар маросими ифтитоҳи Озмуни IV ҷумҳуриявии донишҷӯёни муассисаҳои таҳсилоти олии касбӣ иброз намуд, ки «озмуни ҷумҳуриявии донишҷӯёни муассисаҳои таҳсилоти олии касбии Ҷумҳурии Тоҷикистон барои дарёфти «Ҷоми раёсати Донишгоҳи байналмилалии сайёҳӣ ва соҳибкории Тоҷикистон» ба «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» ва Соли маърифати ҳуқуқӣ эълон гардидани соли 2024 бахшида мешавад».

Гуфта шуд, ки Президенти Тоҷикистон муҳтарам Эмомалӣ Раҳмон зимни суханрониҳояшон ба соҳаи маориф таваҷҷуҳи беандоза зоҳир намуда, доим таъкид менамоянд, ки раванди назорати азхудкунии донишҳои муосир пурзӯр карда шуда, насли ҷавон бояд ба омӯзиши фанҳои табиатшиносӣ, дақиқ ва риёзӣ таваҷҷуҳи бештар зоҳир намоянд.

Соли чорум аст, ки раёсати Донишгоҳи байналмилалии сайёҳӣ ва соҳибкории Тоҷикистон Озмуни ҷумҳуриявии донишҷӯёни муассисаҳои таҳсилоти олии касбии Ҷумҳурии Тоҷикистонро вобаста ба фанҳои математика, технологияҳои иттилоотӣ, химия, физика, география ва ҳуқуқ барои дарёфти «Ҷоми раёсати ДБССТ» баргузор менамояд.


Барои баланд бардоштани завқи хонандагони муассисаҳои таҳсилоти миёнаи асосӣ, умумӣ ва ибтидоии касбии шаҳру ноҳияҳои мамлакат ба омӯзиши илмҳои табиатшиносӣ, дақиқ ва риёзӣ, ҳамзамон омӯзиши забонҳои хориҷӣ соли сеюм аст, ки озмун дар минтақаҳои ҷумҳурӣ низ доир карда мешавад.

Озмуни имсола аз озмунҳои қаблӣ каме фарқ дорад, зеро барои дар амал татбиқ намудани Фармони Президенти Ҷумҳурии Тоҷикистон «Дар бораи «Соли маърифати ҳуқуқӣ» бори аввал ба Ҷоми раёсати донишгоҳ фанни ҳуқуқ ворид карда шуд.

Дар Озмуни IV-уми ҷумҳуриявии донишҷӯёни муассисаҳои таҳсилоти олии касбии Ҷумҳурии Тоҷикистон барои дарёфти «Ҷоми раёсати ДБССТ» донишҷӯён маҳораташонро дар илмҳои риёзиву дақиқ, табиӣ ва ҳуқуқ месанҷанд. Масъулини донишгоҳ ва мутахассисони ҷалбгардида баҳри дар сатҳи баланд ҷамъбаст намудани озмун ва ба тариқи шаффоф муайян намудани ғолибон тадбирҳои зарурӣ андешидаанд.

АКС: Донишгоҳи байналмилалии сайёҳӣ ва соҳибкории Тоҷикистон

Май 21, 2024 11:09

Хабарҳои дигари ин бахш

ОҒОЗИ ДАВРИ ДУЮМИ БАҚАЙДГИРӢ. Тибқи иттилои Маркази миллии тестӣ он то 30 июн идома меёбад
«ТОҶИКОН БОЯД ДОРОИ ҶАҲОНБИНИИ ИЛМИИ ЗАМОНИ МУОСИР БОШАНД». Андешаҳо дар ҳошияи суханронии Президенти Тоҷикистон дар мулоқот бо аҳли илм ва маорифи мамлакат
ПАЙВАНДИ ИЛМ БО ИСТЕҲСОЛОТ ЗАМИНАИ ГУСТАРИШИ СОҲАҲОИ ҲАЁТИ ҶОМЕА. Андешаҳо дар ҳошияи суханронии Президенти Тоҷикистон дар мулоқот бо аҳли илм ва маорифи мамлакат
РУШДИ ИЛМ ВА АҲАМИЯТИ ОН БАРОИ ИСТИҚЛОЛИЯТИ ТОҶИКИСТОН. Дар ҳошияи мулоқоти Президенти Тоҷикистон муҳтарам Эмомалӣ Раҳмон бо аҳли илм ва маорифи мамлакат
Дар Донишгоҳи давлатии Кӯлоб оид ба раванди таълим дар синфҳои ибтидоӣ конференсияи ҷумҳуриявӣ баргузор шуд
Дар Донишгоҳи байналмилалии забонҳои хориҷии Тоҷикистон ҳамоиши илмӣ-амалӣ баргузор шуд
БАРНОМАИ ДАВЛАТИИ ТАКМИЛИ ТАЪЛИМ ВА ОМӮЗИШИ ЗАБОНҲОИ РУСӢ ВА АНГЛИСӢ. Дар Душанбе конференсияи байналмилалӣ доир шуд
Тоҷикистон ва Олмон ҳамкориро дар соҳаи маориф тақвият медиҳанд
Байни Коллеҷи омӯзгории ба номи Хосият Махсумова ва Донишгоҳи омӯзгории Нейҷани Чин санади ҳамкорӣ ба имзо расид
Дар Донишгоҳи давлатии Бохтар барои ҷалби ҷавонон ба навоварию ихтироъкорӣ машварат доир шуд
Дар Берлин ҷаласаи Шурои директорони Шарикии глобалӣ дар соҳаи маориф оғоз ёфт
Корҳои сохтмонӣ дар биноҳои маъмурии шуъбаҳои маориф дар ноҳияҳои Рашт, Тоҷикобод ва Лахш оғоз шуданд

Маводҳои таҳлилӣ