Каролина Милов: «Барои мо 10-15 соли дигар боқӣ мондааст, то барои ҳалли мушкилоти экологӣ тадбир андешем»
ДУШАНБЕ, 10.06.2024. /АМИТ «Ховар»/. «Баргузории Форуми III минтақавии созмонҳои ҳавзавӣ ниҳоят муҳим аст. Он имкон медиҳад, ки масъалаҳои муҳимро дар сатҳҳои гуногун баррасӣ намуда, минбаъд чӣ гуна идора кардани захираҳои обиро дида бароем»,-гуфт зимни суҳбат бо мухбири АМИТ «Ховар» роҳбари барномаҳои Ҷамъияти Олмон оид ба ҳамкории байналмилалии (GIZ) Осиёи Марказии Сабз Каролина Милов.
«Мо бо мушкилот ва оқибатҳои тағйирёбии иқлим рӯ ба рӯ гардидаем, дар ин масъала ба мо барои баррасӣ ва андешидани тадбирҳои қатъӣ бобати ҳалли мушкилоти экологӣ 10-15 соли дигар боқӣ мондааст. Ин гуна чорабинии муштарак имкон медиҳад, ки ҳамкориро пурзӯр намоем. Шуроҳои созмонҳои ҳавзавӣ бештар ҷамъ меоянд ва ҷамъият дар ҳалли мушкилот иштирок менамояд. Фикр мекунам, ки қадам ба қадам мо ба дастовардҳои бештар ноил мегардем»,-изҳор намуд Каролина Милов ва афзуд, ки чорабиниҳои қаблан гузаронида ва тадбирҳои андешида шароит фароҳам оварданд, ки баъзе тағйирот ба амал оянд.
«Барои расидан ба ҳадафҳои гузошта иқтидори мутахассисон дар самти идораи захираҳои об афзуда, қарорҳои бештар асоснокшуда ва ба амалия нигаронида таҳия гардида, бахши хусусӣ ҷалб карда мешавад, ҳуқуқ ва имконияти занон, ҷавонон, намояндагони қишрҳои осебпазири ҷомеа васеъ мегардад»,-иброз намуд ҳамсуҳбати мо.
АКС: АМИТ «Ховар»
РАВАНДИ ОБИ ДУШАНБЕ. Тоҷикистон барои пешбурди рӯзномаи ҷаҳонии об тамоми кӯшишро ба харҷ медиҳад
РАВАНДИ ОБИ ДУШАНБЕ. Чорабиниҳои иловагӣ барои таблиғи идеяҳои калидӣ платформаи иловагӣ фароҳам меоранд
Дар доираи Конфронси Душанбе оид ба Даҳсолаи амал «Об барои рушди устувор» шаш ҷаласаи мавзуӣ баргузор мегардад
22 МАРТ — РӮЗИ ҶАҲОНИИ ОБ. Тоҷикистон дар масъалаи пешбурди рӯзномаи ҷаҳонии об давлати пешсаф эътироф шудааст
Дар Ню-Йорк бо ибтикори Тоҷикистон бахшида ба Рӯзи ҷаҳонии пиряхҳо ҳамоиш баргузор гардид
Раванди оби Душанбе табодули афкор ва назарҳоро дар бораи нақши захираҳои об таъмин менамояд
Конфронси чоруми Душанбе байни конфронсҳои солҳои 2023 ва 2026 ҳамчун пул хизмат менамояд
Дар Душанбе истифода ва ҳифзи захираҳои обии мамлакат дар шароити тағйирёбии иқлим баррасӣ гардид
Бахшида ба Рӯзи ҷаҳонии ҳифзи пиряхҳо ва ташаббусҳои ҷаҳонии Тоҷикистон дар соҳаи обу иқлим ва ҳифзи пиряхҳо конфронси миллӣ баргузор шуд
Оид ба тадбирҳои технологии ҳифзи пиряхҳо дар шароити тағйирёбии иқлим конференсияи ҷумҳуриявӣ доир гардид
