Фаъолияти назарраси Донишкадаи Конфутсий дар Тоҷикистон шаҳодати сатҳи баланди ҳамкории ду мамлакат дар соҳаи илму фарҳанг мебошад
ДУШАНБЕ, 08.07.2024. /АМИТ «Ховар»/. 7 июл ректори Донишгоҳи миллии Тоҷикистон Эмомалӣ Насриддинзода дар ҳамоиши илмӣ таҳти унвони «Донишкадаи Конфутсий ва омӯзиши мутақобилаи тамаддунҳо», ки ба истиқболи 20-солагии таъсиси Донишкадаи Конфутсийи назди Донишгоҳи давлатии шарқшиносии Тошканди Ҷумҳурии Узбекистон доир гардид, иштирок намуд. Дар ин хусус ба АМИТ «Ховар» дар Донишгоҳи миллии Тоҷикистон хабар доданд.
Эмомалӣ Насриддинзода атрофи муносибатҳои Тоҷикистону Чин изҳори назар намуда, бо «Ордени Дӯстӣ»-и Ҷумҳурии Мардумии Чин сарфароз гардидани Президенти Ҷумҳурии Тоҷикистон муҳтарам Эмомалӣ Раҳмонро аз ҷониби Раиси Ҷумҳурии Мардумии Чин Си Ҷинпин, ки зимни сафари давлатӣ ба Тоҷикистон ба вуқуъ пайваст, рамзи дӯстии нек ва бародарӣ арзёбӣ намуд.
Ректори Донишгоҳи миллии Тоҷикистон изҳор дошт, ки таъсис ва фаъолияти назарраси Донишкадаи Конфутсийи назди Донишгоҳи миллии Тоҷикистон шаҳодати сатҳи баланди ҳамкории Тоҷикистону Чин дар соҳаи илму фарҳанг мебошад.
Ҳамзамон таъкид гардид, ки Донишкадаи Конфутсий дар баргузории чорабиниҳои фарҳангӣ, озмунҳо ва фестивалҳо фаъолона иштирок намуда, бо ин васила дӯстии байни мардумони ду ҷумҳуриро таҳким мебахшад.
Дар охир Ректори Донишгоҳи миллӣ гуфт, ки ҳамчун муассисаи таълимии пешоҳанги минтақавӣ Донишгоҳи миллии Тоҷикистон дар татбиқи сиёсати морифпарваронаи Пешвои миллат пешгом буда, ҷиҳати тақвият бахшидан ба рушди ҳамкории таҳсилотӣ, илмӣ, фарҳангӣ ва тарбиявӣ бо муассисаҳои таҳсилоти олии касбии хориҷӣ, алалхусус бо донишгоҳҳои Чин ва Осиёи Марказӣ омода мебошад.
АКС: Донишгоҳи миллии Тоҷикистон
Дар Донишгоҳи давлатии молия ва иқтисоди Тоҷикистон оид ба ҳифз, эҳё ва рушди забони миллӣ машварати омӯзишӣ доир шуд
Қабули довталабон барои таҳсил дар муассисаҳои таҳсилоти олии Ҷумҳурии Мардумии Чин оғоз гардид
Дар Донишгоҳи байналмилалии забонҳои хориҷии Тоҷикистон даври муассисавии Озмуни ҷумҳуриявии «Шоҳномахонӣ» доир шуд
«БАҲОРИ МАЪРИФАТ: МОДАР, ҚАЛАМ ВА НАВРӮЗ».Таҳти ин унвон дар Душанбе ҳамоиши идона доир шуд
Дар Донишгоҳи техникии Тоҷикистон оид ба таҳсилоти муҳандисӣ ва технологияҳои рақамӣ конфронс баргузор шуд
Донишгоҳи технологии Тоҷикистон бо панҷ муассисаи таҳсилоти олии Узбекистон созишномаи ҳамкорӣ ба имзо расонид
Байни Донишгоҳи давлатии Бохтар ва се донишгоҳи Узбекистон созишномаи ҳамкорӣ ба имзо расид
Байни Институти илмию таҳқиқотии сайёҳӣ ва соҳибкорӣ ва Донишкадаи соҳибкорӣ ва педагогии Деҳнави Узбекистон санади ҳамкорӣ ба имзо расид
ТАЪТИЛИ БАҲОРӢ. Хонандагони муассисаҳои таълимии Тоҷикистон чанд рӯз истироҳат мекунанд?
Густариши ҳамкории Тоҷикистон ва Узбекистон дар соҳаи маориф ва илм баррасӣ гардид
Ректорони муассисаҳои таҳсилотии Узбекистон бо зарфияти таълимӣ ва илмии Донишгоҳи байналмилалии сайёҳӣ ва соҳибкории Тоҷикистон шинос шуданд
Форуми ректорони муассисаҳои таҳсилоти олии Тоҷикистон ва Узбекистон баргузор шуд
