Хонандаи тоҷик дар Олимпиадаи ҷаҳонии «IPhO» аз фанни физика сазовори ҷойи 3-юм гардид
ДУШАНБЕ, 31.07.2024. /АМИТ «Ховар»/. Хонандаи синфи 11-и Муассисаи давлатии таълимии Литсей барои хонандагони болаёқат дар шаҳри Душанбе Ҳусанҷон Салимов дар Олимпиадаи ҷаҳонии «IPhO» аз фанни физика сазовори ҷойи 3-юм гардид. Дар ин хусус АМИТ «Ховар» бо истинод ба маркази матбуоти Вазорати маориф ва илми Ҷумҳурии Тоҷикистон хабар медиҳад.
Олимпиадаи ҷаҳонии «IPhO» аз фанни физика аз 21 то 29 июли соли 2024 дар Донишгоҳи технологии вилояти Исфаҳони Ҷумҳурии Исломии Эрон баргузор гардид.
Дар олимпиада 44 давлати дунё бо ҷалби зиёда аз 200 нафар хонандагони болаёқат бо ҳам сабқати илмӣ намуданд.
Дар Олимпиадаи 54-уми ҷаҳонии «IPhO» Ҷумҳурии Тоҷикистонро 5 хонанда аз муассисаҳои таълимии шаҳри Душанбе муаррифӣ намуданд.
Ёдовар мешавем, ки дастоварди хонандаи литсей дар Олимпиадаи ҷаҳонии «IPhO-2024» аз фанни физика нишони он аст, ки муассиса бо тамоми имконоти моддӣ-техникӣ ва лабораторӣ муҷаҳҳаз буда, омӯзгорон бо истифода аз таҷрибаи андӯхтаашон раванди таълиму тарбияи хонандагони болаёқатро боз ҳам беҳтар ба роҳ монда, бо назардошти талаботи торафт афзояндаи ҷаҳони муосир дар ташаккули шахсиятҳои воқеан донишманд ва худшиносу худогоҳ беш аз пеш саҳм мегузоранд.
Дар ин замина бо неруи зеҳнияшон баҳри рушди дастаи ҳаракати олимпии литсей ва дар сатҳи ҷаҳонӣ муаррифӣ намудани миллату давлат пайваста кӯшиш менамоянд.
АКС: Маркази матбуоти Вазорати маориф ва илми Ҷумҳурии Тоҷикистон
«ТОҶИ САРИ ҶУМЛА ҲУНАРҲОСТ ИЛМ». Дар Душанбе байни хонандагони муассисаҳои таҳсилоти миёнаи умумӣ озмуни шаҳрӣ оғоз шуд
Бахшида ба Рӯзи ҷаҳонии футбол дар Донишгоҳи давлатии ҳуқуқ, бизнес ва сиёсати Тоҷикистон мусобиқаи футбол доир гардид
Донишҷӯи Донишгоҳи байналмилалии забонҳои хориҷии Тоҷикистон дар Озмуни байналмилалии «Пули чинӣ» соҳиби ҷойи якум шуд
Тоҷикистон ва Чин дар соҳаи зеҳни сунъӣ Ёддошти тафоҳум имзо намуданд
35-СОЛАГИИ ИСТИҚЛОЛИ ДАВЛАТӢ. Дар шаҳри Норак ба сохтмони ду иншооти нави соҳаи маориф оғоз бахшида шуд
«ТАВОНО БУВАД, ҲАР КӢ ДОНО БУВАД». Таҳти ин унвон олимпиадаи ҷумҳуриявӣ байни донишҷӯёни муассисаҳои таҳсилоти олии касбӣ оғоз шуд
ТАЪТИЛИ ТОБИСТОНА. Барои босамар ва шавқовар гузаштани он хонандагон ба чӣ кор бояд машғул шаванд?
Масоили густариши ҳамкории таълимӣ ва гуманитарии Тоҷикистону Русия баррасӣ шуд
Донишҷӯёни Донишкадаи политехникии шаҳри Хуҷанд дар озмуни «Беҳтарин донандаи Кодекси андоз» соҳиби ҷойҳои намоён шуданд
Дар Донишгоҳи давлатии ҳуқуқ, бизнес ва сиёсати Тоҷикистон намоиши ҷойи холии кор баргузор гардид
ТАШАББУСҲОИ БАЙНАЛМИЛАЛИИ ПРЕЗИДЕНТИ ТОҶИКИСТОН. Тавассути он масъалаи об ба самти калидии рӯзномаи ҷаҳонӣ табдил гардид
