Фоизҳо барои амалиёти пулӣ тариқи замима камтар шуданд
ДУШАНБЕ, 14.10.2024 /АМИТ «Ховар»/. Яке аз замимаҳои маъруфтарини Тоҷикистон боз ҳам муфидтар шуд: акнун ҳангоми анҷом додани амалиёти молиявӣ тавассути «МегаФон Life» комиссия камтар гирифта мешавад. Дар якчанд ҳолати муайян фоиз умуман гирифта намешавад.
Истифодабарандагони замима имкон доранд, ки бе комиссия маблағи алоқаи мобилии ҳамаи операторҳо, NGN, телефонҳои шаҳрӣ ва хизматрасониҳои интернет-провайдеронро пардохт намоянд. Қаблан барои ин гуна пардохтҳо аз тавозуни «Ҳамён» ё кортҳои бонкии дар замимаи «МегаФон Life» бақайдгирифта комиссия дар ҳаҷми 1,5 фоиз муқаррар шуда буд.
Комиссия инчунин барои пардохти ҳисобҳои хоҷагии манзилию коммуналӣ, хизматрасонии давлатӣ, андозҳо, телевизион, харидҳо дар мағозаҳои интернетӣ, хизматрасонии идораҳои букмекерӣ ва гузаронидани маблағҳо барои хайрия гирифта намешавад.
Комиссия барои пуркунии тавозуни рақамҳои операторони хориҷии мобилӣ кам шудааст. Агар қаблан барои ин хизматрасонӣ пардохти 1,5 фоиз зарур меомад, акнун он 1 фоизро ташкил медиҳад.
Шартҳо барои интиқоли фаромарзӣ ба Федератсияи Русия, аз ҷумла дар доираи хизматрасонии Visa Direct бетағйир боқӣ монданд – комиссия 1 фоизро ташкил медиҳад.
Яке аз вазифаҳои дигари мувофиқ, ки ба истифодабарандагони «МегаФон Life» дастрас мебошад, имконияти гузаронидани маблағи тавозуни SIM-корт ба тавозуни «Ҳамён» ба шумор меравад. Комиссия 1 фоизро аз ҳисоби маблағи интиқол ташкил медиҳад. Ба ғайр аз ин, метавон маблағро аз тавозуни «Ҳамён» ё корти дар замима бақайдгирифта ба кортҳои дигари бонкӣ ва ҳамёнҳои электронӣ интиқол дод. Комиссия – ҳамчунин 1 фоиз.
«МегаФон Life»-ро боргирӣ намуда, маблағҳои худро дар дилхоҳ ҷое, ки интернет мавҷуд аст, идора намоед!
АКС: ширкати «МегаФон Тоҷикистон»
Форуми байналмилалии ҳамкорӣ ба хотири рушди устувор Тоҷикистонро чун давлати дорои иқтисоди сабз ва рақамӣ муаррифӣ менамояд
«МегаФон Life»: чӣ тавр аз Русия метавон бо манфиат занг зад
«ТОҶИКОНА МЕПӮШЕМ!». Занону духтарони шаҳри Турсунзода тарғибгари либоси миллӣ мебошанд
Имрӯз дар водиҳои Тоҷикистон ҳаво то 31 дараҷа гарм мешавад
Дар соҳили дарёи Чангоб ҳашари экологии «Тозагии соҳил – 2026» гузаронида шуд
Имрӯз дар Душанбе ҳаво то 24 дараҷа гарм мешавад
ҚУРБИ АСЪОР: 1 рубли русӣ аз 0.1190 то 0.1223 сомонӣ муқаррар шудааст
Донишҷӯёни Донишгоҳи давлатии Бохтар ба номи Носири Хусрав соҳиби хобгоҳи нав мешаванд
«ТОҶИКОНА МЕПӮШЕМ!». Донишҷӯён ва кормандони Академияи идоракунии давлатӣ фарҳанги либоспӯшии миллиро тарғиб менамоянд
Дар Коллеҷи техникию омӯзгории ноҳияи Рӯдакӣ шаҳрвандон барномаҳои компютерӣ меомӯзанд
КИРМАКПАРВАРӢ. Сокини ноҳияи Ҷайҳун ҳамасола аз 100 то 110 килограмм пилла месупорад
Имрӯз дар Душанбе ҳаво то 22 дараҷа гарм мешавад
