Ҳайати омӯзгорони Донишгоҳи байналмилалии сайёҳӣ ва соҳибкории Тоҷикистон бо роҳбарияти Донишгоҳи Ситии Малайзия мулоқот намуд
ДУШАНБЕ, 20.12.2024 /АМИТ «Ховар»/. Масоили мубрами ҳамкорӣ байни Донишгоҳи байналмилалии сайёҳӣ ва соҳибкории Тоҷикистон бо Донишгоҳи Ситии Малайзия дар мулоқоти роҳбарияти Донишгоҳи Ситии Малайзия бо омӯзгорони Донишгоҳи байналмилалии сайёҳӣ ва соҳибкории Тоҷикистон, ки барои иштирок дар даври такмили ихтисос ба ин донишгоҳ рафтаанд, дар Куала- Лумпур баррасӣ гардид.
Дар ин хусус АМИТ «Ховар» бо истинод ба Донишгоҳи байналмилалии сайёҳӣ ва соҳибкории Тоҷикистон иттилоъ медиҳад. Дар мулоқот ҷонибҳо барои боз ҳам тақвият додани робитаҳо, аз ҷумла дар самти ҷалби омӯзгорони ҳарду ҷониб, таҳия ва татбиқи лоиҳаҳои муштарак ибрози назар намуданд.
Бояд гуфт, ки ҳайати омӯзгорони Донишгоҳи байналмилалии сайёҳӣ ва соҳибкории Тоҷикистон даври такмили ихтисосро дар Малайзия дар доираи шартномаи ҳамкории Донишгоҳи байналмилалии сайёҳӣ ва соҳибкории Тоҷикистон бо ин донишгоҳи бонуфузи Малайзия аз соли 2021 мегузаронанд.
Дар даври омӯзишӣ дар Донишгоҳи бонуфузи Малайзия 8 омӯзгори Донишгоҳи байналмилалии сайёҳӣ ва соҳибкории Тоҷикистон вобаста ба самтҳои сайёҳӣ ва меҳмондорӣ, иқтисоди «сабз», зеҳни сунъӣ, IT-технологияҳо ва маҳорати омӯзгорӣ такмили ихтисос менамоянд.
Ташкили чунин даврҳои омӯзишӣ дар доираи шартномаҳои ҳамкорӣ байни Донишгоҳи байналмилалии сайёҳӣ ва соҳибкории Тоҷикистон ва Донишгоҳи Ситии Малайзия дар оянда идома ёфта, дар асоси он омӯзгорон давра ба давра дар ин кишвар такмили ихтисос менамоянд.
АКС: Донишгоҳи байналмилалии сайёҳӣ ва соҳибкории Тоҷикистон
Соли 2025 дар Тоҷикистон 214 муассисаи таҳсилоти миёнаи умумӣ ба истифода дода шуд
Соли 2025 табиати афсонавӣ ва чашмаҳои шифобахши Бадахшонро беш аз 51 ҳазор сайёҳ тамошо намуданд
Дар Академияи идоракунии давлатӣ иҷрои «Стратегияи давлатии муқовимат ба коррупсия дар Тоҷикистон» баррасӣ гардид
НИЗОМИ ТАҲСИЛИ 12-СОЛА. Онро зиёда аз 150 давлати дунё эътироф намудаанд
Доир ба тавзеҳи Паёми Президенти Тоҷикистон ба Маҷлиси Олӣ ва тарбияи ватандӯстии шаҳрвандон ҳамоиш баргузор шуд
Дар Душанбе оид ба зарурати фароҳам овардани шароит барои омӯзиши забонҳои хориҷӣ созишномаи ҳамкорӣ ба имзо расид
Дар намоишгоҳи «Ҳафтаи байналмилалии сабз» гӯшаи Тоҷикистон ташкил гардид
ПЕШВОИ МИЛЛАТ — БУНЁДГУЗОРИ МАОРИФИ МИЛЛӢ
БИСТСОЛАИ ОМӮЗИШ ВА РУШДИ ФАНҲОИ ТАБИАТШИНОСӢ, ДАҚИҚ ВА РИЁЗӢ. Хонандагони тоҷик дар олимпиадаи байналмилалӣ соҳиби 7 медал шуданд
АЗ НАВОВАРӢ ТО РУШДИ УСТУВОР. Мавқеи Душанбе ҳамчун маркази сайёҳӣ дар минтақа тақвият меёбад
Маоши вазифавии кормандони муассисаҳои томактабӣ ва таҳсилоти миёнаи умумӣ 25 фоиз зиёд мегардад
Ғолибони олимпиадаҳои ҷумҳуриявӣ, байналмилалӣ ва омӯзгорони пешсафи ҳаракати олимпӣ ҳавасманд гардонида шуданд
