Дар Мусобиқаи байналмилалии «Дави дӯстӣ» ва веломарафон 10 ҳазор нафар иштирок намуданд

Март 15, 2025 23:54

ДУШАНБЕ, 15.03.2025. /АМИТ «Ховар»/. Дар шаҳри Хуҷанд бо иштироки 10 ҳазор нафар Мусобиқаи байналмилалии «Дави дӯстӣ» ва веломарафон баргузор гардид,хабар доданд ба АМИТ  «Ховар» аз Кумитаи кор бо ҷавонон ва варзиши назди Ҳукумати Ҷумҳурии Тоҷикистон.

Дар ин чорабинии варзишӣ намояндагони Тоҷикистон, Узбекистон ва Ҷумҳурии Қирғизистон иштирок намуданд.

 Мусобиқаи «Дави дӯстӣ» бо ҳадафи таҳкими равобити дӯстона байни давлатҳои ҳамсоя, тарғиби тарзи ҳаёти солим ва ҷалби ҷавонон ба варзиш баргузор гардид.

Варзишгарон ва дӯстдорони дав аз субҳи барвақт дар кӯчаҳои марказии Хуҷанд ҷамъ омада, бо руҳияи баланди варзишӣ масофаи муқарраршударо тай намуданд.

Ҳамзамон дар доираи ин чорабинӣ веломарафон низ баргузор шуд, ки дар он садҳо дӯстдорони варзиши велосипедронӣ аз се давлати ҳамсоя иштирок карданд. Ин сабқат на танҳо рақобати варзишӣ, балки рамзи дӯстӣ ва муттаҳидии ҷавонони минтақа гардид.

Мақомоти маҳаллӣ ва созмонҳои варзишии кишварҳои иштирокунанда баргузории чунин чорабиниҳоро муҳим арзёбӣ намуда, таъкид карданд, ки онҳо минбаъд низ барои таҳкими дӯстӣ ва ҳамкории кишварҳои ҳамсоя дар соҳаи варзиш ин гуна иқдомҳоро идома хоҳанд дод.

АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон

Март 15, 2025 23:54

Хабарҳои дигари ин бахш

Дастаи мунтахаби наврасони Тоҷикистонро дар Фурудгоҳи байналмилалии Душанбе истиқбол намуданд
Мусобиқаи байналмилалии гӯштингирӣ барои дарёфти «Ҷоми Раиси шаҳри Душанбе» доир мешавад
ҶОМИ ОСИЁ-2025. Футболбозони навраси то 17-солаи Тоҷикистон ба Ватан бармегарданд
Ғолибони бозиҳои даври панҷум байни дастаҳои Лигаи олӣ оид ба футбол муайян шуданд
Даромад ба Мусобиқаи байналмилалии Гран-Слам оид ба гӯштини ҷудо ройгон эълон гардид
Дастаи мунтахаби наврасони Тоҷикистон иштирокашро дар Ҷоми Осиё-2025 ба таври арзанда ҷамъбаст намуд
Хонандаи тоҷик ғолиби Ҷоми Осиё оид ба таэквондо ITF гардид
ҶОМИ ОСИЁ-2025. Дастаи мунтахаби наврасони Тоҷикистон дар даври чорякниҳоӣ бо дастаи Кореяи Ҷанубӣ рақобат менамояд
Мусобиқаи байналмилалӣ — Ҷоми ҷаҳон оид ба велосипедронии кӯҳӣ «Eliminator Mountain» баргузор гардид
Имрӯз дар Душанбе Ҷоми ҷаҳон оид ба велосипедронии кӯҳӣ баргузор мегардад
Дастаи наврасони Тоҷикистон (U-17) соҳиби роҳхати Ҷоми ҷаҳон-2025 шуд
ҶОМИ ОСИЁ-2025. Дастаи мунтахаби наврасони Тоҷикистон (U-17) дар даври сеюм бо тими Эрон бозӣ менамояд