Дар Тоҷикистон банаворгирии филми мустанад бахшида ба 700-солагии Ҳофизи Шерозӣ оғоз гардид
ДУШАНБЕ, 13.03.2025. /АМИТ «Ховар»/. Муассисаи давлатии «Тоҷикфилм» наворбардорӣ ва таҳияи филми мустанадро бахшида ба 700-солагии шоир, файласуф ва мутафаккири тоҷик Ҳофизи Шерозӣ оғоз намуд.
Тавре ба АМИТ «Ховар» аз муассисаи «Тоҷикфилм» хабар доданд, филмнома мавзуъҳои ишқ, некбинӣ, ҳаётдӯстӣ, сабк, шуҳрат, шинохти осори адабии Ҳофиз, таъсири эҷодиёти шоир ба фарҳангҳои ҷаҳонӣ, ҷойгоҳи инсони озодманиш, арзишҳои инсондӯстӣ, сулҳофаринӣ ва таҳаммулпазирӣ дар ашъори Ҳофиз, даъвати шоир ба маҳви хурофоту таассуби динӣ, тараннуми дӯстӣ, ниёзҳои ҷаҳони имрӯз ба дарки андешаҳои Ҳофиз, нақши ашъори Ҳофиз дар рушди мусиқӣ, хусусан «Шашмақом» ва панди Ҳофиз чун ҳидоятгари инсонҳо ба сӯи камолоти маънавиро фаро гирифтааст.
Филмнома бо иштироки олимони шинохтаи тоҷик Шодимуҳммад Сӯфизода, Муҳриддин Низомӣ, Бадриддин Мақсудов ва Шарифмурод Исрофилниё дар ҳамкорӣ бо мутахассисони Муассисаи давлатии «Тоҷикфилм» дар муддати 2 моҳ омода гардидааст.
Коргардони филм Рустам Сатторзода мебошад, ки бо таҳияи филми мустанади «Шинохти Саразм» тавонист таъриху фарҳанги миллатро тавассути синамо муаррифӣ намояд.
Ёдовар мешавем, ки филми «Шинохти Саразм» соли 2020 бо давомнокии 46 дақиқа таҳия гардидааст. Муҳтавои филм таҷлили 5500-солагии Саразми бостониро дар бар мегирад.
АКС аз манбаъҳои боз
Филми ҳунарии «Моҳӣ дар шаст» дар кинофестивали 48-уми байналмилалии Москва намоиш дода шуд
Дар Душанбе бахшида ба Рӯзи байналмилалии ҳифзи ёдгориҳои таърихию фарҳангӣ ҳамоиш баргузор гардид
«ЯК МАТОВУ САД РАНГ». Дар Кӯлоб даври шаҳрии фестивал-озмун баргузор гардид
РӮЗИ БАЙНАЛМИЛАЛИИ ҲИФЗ ВА НИГОҲДОРИИ ЁДГОРИҲО ВА ҶОЙҲОИ ТАЪРИХӢ. Қалъаи Ҳисор таърихи зиёда аз 3000-сола дорад
ТАЪРИХИ ВАТАНРО МЕОМӮЗЕМ! Имрӯз дар мавзеъҳои таърихии мамлакат Рӯзи дарҳои боз гузаронида мешавад
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир гардид
«РАҚС МОРО МУТТАҲИД МЕНАМОЯД». Таҳти чунин унвон дар Тоҷикистон фестивали байналмилалӣ доир мегардад
Дар ноҳияи Айнӣ бахшида ба зодрӯзи Қаҳрамони Тоҷикистон Садриддин Айнӣ ҳамоиши илмӣ-адабӣ баргузор гардид
ИМРӮЗ — ЗОДРӮЗИ САДРИДДИН АЙНӢ. Осори Устод Айнӣ ҳамчун сарчашмаи муҳими илмӣ ва фарҳангӣ истифода мешавад
АЙНИШИНОСЕ ПУРТАЛОШ АЗ КИШВАРИ ҲАМЗАБОН. Эҳдо ба зодрӯзи сардафтари адабиёти муосири тоҷик Садриддин Айнӣ
ИҚТИСОДИ РАҚАМӢ ВА ИННОВАТСИЯ. Дар самти рақамикунонии ёдгориҳои таърихию фарҳангӣ ҳамоиш доир шуд
«ДИДОР». Бахшида ба 35-солагии Истиқлоли давлатӣ намоиши мусаввараҳои нодир ифтитоҳ ёфт
