ТАҚВИМИ АМИТ «ХОВАР»: имрӯз 11 апрел, ҷумъа, 101-умин рӯзи соли 2025 аст

11 апрели соли 2011 Тоҷикистон ва Созмони амният ва ҳамкорӣ дар Аврупо Ёддошти тафоҳум дар бораи ҳамгироӣ дар самти рушд ва ислоҳоти милитсияро ба имзо расониданд.

***

Дар ин рӯзи  соли 2013 дар Белгия масоили ҳамкории Тоҷикистон дар соҳаи энергетика баррасӣ шуда,  Форуми «Имконоти нави сармоягузорӣ дар соҳаи энергетикаи Тоҷикистон» баргузор  гардид.

***

11 апрели соли 2017 дар Қасри миллат Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Ҳамоҳангсози доимии Созмони Милали Муттаҳид, Роҳбари нави Барномаи рушди Созмони Милали Муттаҳид хонум Пратибҳа Меҳтаро ба ҳузур пазируфтанд.

***

11 апрели соли 2017  дар Қасри миллат  Президенти Ҷумҳурии Тоҷикистон муҳтарам Эмомалӣ Раҳмон аз 5 сафири нави кишварҳои хориҷӣ дар Тоҷикистон  эътимоднома қабул намуданд.

***

11 апрели соли 2017 бори нахуст баъд аз 26 соли таваққуф ҳавопаймои «Airbus A320», мутааллиқ ба ширкати ҳавонавардии Узбекистон «Ozbekiston havo yollari» бо 29 мусофир дар Фурудгоҳи байналмилалии Душанбе фуруд омад.

***

Дар ин рӯзи соли 2019 дастаи мунтахаби то 15-солаи Тоҷикистон оид ба футбол соҳиби Ҷоми «Роҳи абрешим-Ҳуа-Шан-2019» гардид.

***

11 апрели соли 2019  Қарори Раиси шаҳри Душанбе дар бораи баргузор намудани Ниммарафони X  байналмилалии Душанбе ба муносибати Рӯзи пойтахт тасдиқ гардид.

***

11 апрели соли 2021 Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон баъди анҷоми сафари корӣ аз вилояти Суғд ба шаҳри Душанбе баргаштанд.

***

11 апрели соли 2022 Тоҷикистон ба Федератсияи байналмилалии киберварзиш дохил гардид.

***

11 апрели соли 2023 дар Душанбе доир ба принсипҳои асосии муносибатҳо байни Чин ва Тоҷикистон ҳамоиш доир гардид.

***

11 апрели соли 2024 Президенти Ҷумҳурии Тоҷикистон муҳтарам Эмомалӣ Раҳмон зимни сафари корӣ дар шаҳру ноҳияҳои вилояти Суғд дар шаҳри Хуҷанд Маҷмааи таърихиву фарҳангии «Қалъаи Хуҷанд»-ро  баъди эҳё ва барқарорсозӣ мавриди истифода қарор доданд.

***

11 апрели соли 2024 Сарвари далат дар маҷмааи фарҳангиву таърихии «Қалъаи Хуҷанд» дар чорабинии фарҳангӣ иштирок ва суханронӣ намуданд.

11 АПРЕЛ:

Рӯзи ҷаҳонии озоднамоии маҳбусони лагерҳои фашистӣ.

***

Рӯзи ҷаҳонии мубориза бар зидди бемории Паркинсон.

ДАР ИН РӮЗ ТАВАЛЛУД ШУДААНД:

Махфират Ҳамроқулова-соли 1955- овозхони эстрадаи тоҷик, сарояндаи дастаи эстрадии «Гулшан»,  Ҳунарпешаи шоистаи Тоҷикистон