Директори генералии «Сомон Эйр» ба ҳайати Кумитаи тавсиявии IATA шомил шуд

Июль 5, 2019 11:10

ДУШАНБЕ, 05.07.2019 /АМИТ «Ховар»/. Директори генералии ширкати ҳавопаймоии «Сомон Эйр» Томас В. Ҳаллам II ба Кумитаи Тавсиявии Ассотсиатсияи Байналмилалии Нақлиёти Ҳавоӣ (IATA) шомил шуд. Дар ин бора дар ҷаласаи 75-уми Ассамблеяи генералии IATA, ки дар Сеул (Кореяи Ҷанубӣ) баргузор шуд, маълум гардид. Мақомоти олии ассотсиатсия ҳар сол роҳбарони ширкатҳои ҳавопаймоии ҷаҳон ва шарикони калидии соҳаро ҷамъ меоварад. Дар ин хусус ба АМИТ «Ховар» аз ширкати ҳаврпаймоии «Сомон Эйр» иттилоъ доданд.

Гуфта мешавад, ки Кумитаи тавсиявӣ (Nominating Committee) мақомоти ёридиҳандаи Ассамблеяи генералии IATA буда, аз 10 аъзо иборат мебошад. Кумитаи мазкур аз ҷониби Президенти IATA бо мақсади ҷамъоварии тавсияҳо барои Ассамблеяи генералии минбаъда интихоб намудани номзадон таъсис дода мешавад: ба ҳайати узвияти Шӯрои роҳбарон, ба вазифаи Директори генералӣ ва Котиб.

Директори минтақавии IATA Рэймондс Грунтинс дар суханронии табрикотии худ бахшида ба таъйин шудани Томас В. Ҳаллам II ҳамчун узви нави Кумитаи тавсиявӣ иброз намуд: «Ин муваффақияти бузург буда, масъулияти зиёде талаб мекунад. Мутмаинам, ки дониши фарохи Шумо дар соҳаи авиатсия ва таҷрибаи байналмилалӣ дастоварди ҳақиқии Кумита хоҳад шуд ва Шумо ҷиҳати дастгирии авиатсия ҳам дар Тоҷикистон ва ҳам дар Осиёи Марказӣ муносибатҳоро бо дигар аъзои кумита рушду тақвият хоҳед бахшид. Бениҳоят муҳим аст, ки ширкати ҳавопаймоии «Сомон Эйр» (ягона аъзои IATA аз Тоҷикистон) дар ассотсиатсияи мо дар ташаккули ояндаи авиатсия фаъолона иштирок намуд. Ҳузури Шумо кафолати он мебошад, ки ширкатҳои авиатсионии Осиёи Марказӣ ба стандартҳои баланди бехатарӣ, аз ҷумла IOSA мутобиқанд ва аз он шаҳодат медиҳад, ки бехатарӣ барои ширкатҳои ҳавопаймоӣ ва соҳа аз муҳимтарин афзалиятҳо боқӣ мемонад. Дар ин бора дар Душанбе, ҳангоми баргузории аввалин мизи мудаввари роҳбарони ширкатҳои ҳавопаймоии Осиёи Марказӣ, ки Шумо онро муштаракан бо Агентии авиатсияи граждании назди Ҳукумати Ҷумҳурии Тоҷикистон дар моҳи майи соли ҷорӣ дар сатҳи олӣ баргузор намудед, возеҳу равшан баён шуда буд».

Директори генералии ширкати ҳавопаймоии «Сомон Эйр»-ро ҳамчунин Директори генералии IATA Александр Де Юниак табрик намуда, зикр кард, ки IATA ҳамеша омода аст ба ширкати «Сомон Эйр» кумаки худро расонад.

Июль 5, 2019 11:10

Хабарҳои дигари ин бахш

Роҳбарияти Донишгоҳи байналмилалии сайëҳӣ ва соҳибкории Тоҷикистон дар Биржаи байналмилалии сайёҳии Милан-2025 иштирок намуд
НИШАСТИ МАТБУОТӢ. Соли 2024 аз шаҳри Турсунзода ба хориҷи мамлакат беш аз 18 ҳазор тонна ангур содирот шуд
Дар Тоҷикистон «Стратегияи ҷалби сармоя барои давраи то соли 2040» таҳия мегардад
Дар шаҳри Норак ҳаҷми истеҳсоли маҳсулоти саноатӣ ба 2,4 миллиард сомонӣ расид
Дар Хоруғ 97 фоизи субъектҳо ба таври электронӣ ҳисобот пешниҳод намуданд
Соли 2024 дар Тоҷикистон беш аз 2,5 миллион тонна ангишт истихроҷ гардид
Иқтисоди рақамӣ яке аз шартҳои асосии рақобатпазирии иқтисоди миллӣ мебошад
КИШТИ БАҲОРӢ. Ҳайати Ситоди ҷумҳуриявӣ оид ба вусъати корҳо дар соҳаи кишоварзӣ бо омодагии деҳқонони шаҳри Ҳисор шинос шуд
Соли 2025 дар ноҳияи Спитамен дар 6500 гектар пунбадона кишт карда мешавад
Дар Тоҷикистон сохтмони панҷ маркази логистикӣ оғоз меёбад
35-СОЛАГИИ ИСТИҚЛОЛИ ДАВЛАТӢ. Дар Тоҷикистон сохтмони 29 026 иншоот ба нақша гирифта шудааст
Соли 2024 дар вилояти Суғд 166 корхонаю коргоҳи нав ба фаъолият оғоз намуд