Муовини Сарвазир Маҳмадтоир Зокирзода дар шаҳри Турсунзода бо кормандони соҳаи кишоварзӣ мулоқот доир намуд
ТУРСУНЗОДА, 29.07.2019 /АМИТ «Ховар»/. Дар маҷлисгоҳи мақомоти иҷроияи ҳокимияти давлатии шаҳри Турсунзода вохӯрии муовини Сарвазири Ҷумҳурии Тоҷикистон Маҳмадтоир Зокирзода бо роҳбарияти Раёсати кишоварзӣ, раисони ҷамоатҳои деҳот, хоҷагиҳои ҷамоавӣ ва хоҷагиҳои деҳқонӣ оид ба иҷрои нақшаҳои кишт, гузаронидани корҳои агротехникӣ ва истифодаи самараноки заминҳои корам баргузор гардид. Дар ин бора аз шуъбаи иттилоотии раиси шаҳри Турсунзода ба хабарнигори минтақавии АМИТ «Ховар» иттилоъ доданд.
Дар мулоқоти мазкур раисони ҷамоатҳои деҳоти ҳудуди шаҳр вобаста ба маҷмӯи истеҳсоли маҳсулоти кишоварзӣ ва Раёсати Агентии омори назди Президенти Ҷумҳурии Тоҷикистон дар шаҳри Турсунзода оид ба вазъи соҳаи кишоварзии шаҳр дар шашмоҳаи якуми соли равон маълумот доданд.
Муовини Сарвазири мамлакат ҳисоботи масъулинро мавриди таҳлил қарор дода, иброз дошт, ки иҷрои дурнамои соҳаи кишоварзӣ дар баробари хоҷагидорон аз фаъолияти ҷамоатҳои деҳот низ вобастагӣ дорад. Аз ин рӯ масъулинро мебояд дар маҳал корро ҷоннок намоянд.
Дар ҷараёни вохӯрӣ Маҳмадтоир Зокирзода зикр намуд, ки дар баробари шаҳри саноатӣ будан, шаҳри Турсунзода бо кишоварзони соҳибтаҷриба ва заминҳои ҳосилхез шинохта шудааст. Аз ин лиҳоз, кишоварзони шаҳрро мебояд дастуру супоришҳои Президенти мамлакатро сари вақт иҷро намуда, аз обу замин самаранок истифода бурда, ҷиҳати расидан ба ҳадафи сеюми мамлакат-таъмини амнияти озуқаворӣ саҳми муносиб гузоранд.
Барои иҷрои дурнамои кишт, ба даст овардани ҳосили баланд, бунёди боғу токзор, гирифтани ду-се ҳосил аз заминҳо, бунёди гармхонаву сардхонаҳо дар шаҳри Турсунзода тамоми шароит муҳайё аст. Кишоварзон барои иҷрои дастуру супоришҳои Ҳукумати мамлакат тадбирҳои амалӣ андешида, ҷиҳати таъмини аҳолӣ ва содироти маҳсулоти баландсифат аз тамоми имкониятҳо самаранок истифода мебаранд.
Байни Тоҷикистон ва Русия дар самти амнияти иттилоотӣ ва коммуникатсионӣ Ёддошти тафоҳум ба имзо расид
Вазирони рушди иқтисоди Тоҷикистон ва Русия амалисозии Харитаи роҳ оид ба густариши ҳамкории тиҷоратию иқтисодиро зарур шумориданд
Доир ба тақвияти ҳамкории Тоҷикистон ва Русия дар соҳаи нақлиёт санади нави ҳамкорӣ ба имзо расид
Агентии инноватсия ва технологияҳои рақамии назди Президенти Тоҷикистон барои рушди зеҳни сунъӣ тадбирҳои амалӣ меандешад
Сарвари давлат Эмомалӣ Раҳмон: «Шумораи сайёҳон аз Русия ба Тоҷикистон афзоиш ёфтааст»
Таҳкими ҳамкорӣ байни Тоҷикистон ва Комиссияи иқтисодии СММ барои Аврупо дар самтҳои рақамикунонии соҳаи сохтмон баррасӣ гардид
Таҳкими ҳамкории Тоҷикистон ва Русия дар соҳаи инноватсия ва технологияҳои рақамӣ баррасӣ гардид
Аз Тоҷикистон ба Русия беш аз 29 ҳазор тонна маҳсулоти кишоварзӣ содирот карда шудааст
Дар ҷаласаи 86-уми Кумита оид ба рушди шаҳрсозӣ, манзил ва идоракунии замин стратегияи рушди соҳаи сохтмони Тоҷикистон муаррифӣ шуд
Ҳамкории кишварҳои Иттиҳоди Давлатҳои Мустақил дар соҳаи нақлиёт густариш меёбад
ИМРӮЗ — РӮЗИ ҶАҲОНИИ ПОЧТА. «Почтаи Тоҷикистон» дар шакли муосир хизмат мерасонад
Дурнамои ҳамкории Тоҷикистон ва БАТР дар соҳаи энергетика баррасӣ шуд
