«Нақши пасандози бонкӣ дар зиндагӣ»-таҳти ин унвон дар Хоруғ ҳамоиш баргузор гардид

Октябрь 19, 2019 11:59

ХОРУҒ, 19.10.2019 /АМИТ «Ховар»/. Филиали рақами 67-и Бонки давлатии амонатгузории «Амонатбонк» дар шаҳри Хоруғ таҳти унвони  «Нақши пасандози бонкӣ дар зиндагӣ» ҳамоиш баргузор намуд. Дар он донишҷӯёни факултаи иқтисоди Донишгоҳи давлатии Хоруғ, тарбиягирандагони кӯдакистону волидони онҳо ва пасандозгузорони фаъол ширкат намуданд. Дар чаҳорчӯби маҳфили мазкур бозиҳои гуногуни зеҳнию фароғатӣ ва озмуни расми беҳтарин баргузор карда шуд.

Мудири филиали рақами 67-и Бонки давлатии «Амонатбонк» Ҳувайдо Хуҷамриев гуфт, ки “баланд бардоштани савияи дониши молиявӣ,  аҳамияти пасандоз ва оқилона  истифода бурдани он яке аз ҳадафҳои аслии маҳфил ба шумор меравад. Дар филиали рақами 67-ум 8 намуди пасандозҳо мавҷуданд, ки ҳамаи сокинони шаҳру ноҳияҳои вилоят дар бораи ин пасандозҳо маълумоти мукаммал доранд. Зеро кормандони филиал ҳар сари чанд вақт бо сокинони шаҳру ноҳияҳои вилоят мулоқот баргузор карда, дар бораи ин пасандозҳо ба таври фаҳмо маълумот пешниҳод мекунанд”.

Донишҷӯёну тарбиягирандагони кӯдакистонҳо ҳамроҳи волидон ба утоқҳои мухталифи ин филиали бонкӣ ворид гардида, бо фаъолияти кории кормандони он шинос шуданд. Пас аз он кӯдакон тахайюлоту тасаввуроташонро дар бораи фаъолияти бонк зери назари ҳакамон рӯи коғаз тасвир намуданд ва ғолибонсазовори туҳфаҳои хотиравӣ гардиданд.

Донишҷӯён дар бозии «Кӯзаи сеҳрнок» ширкат карданд. Шарти асосии ин бозӣ ба таври дақиқ муайян намудани маблағи даруни кӯза буд, ки яке аз донишҷӯён ба ин суол посухи дақиқ дода, соҳиби 250 сомонию 50 дирам гардид.

Бонки давлатии «Амонатбонк»-и Ҷумҳурии Тоҷикистон яке аз куҳантарин бонкҳои мамлакат ба ҳисоб рафта, ҳоло дар шаҳру ноҳияҳои ҷумҳурӣ 75 филиал, 546 маркази хизматрасонӣ ва 200 бонкоматҳои он фаъолият доранд.

Октябрь 19, 2019 11:59

Хабарҳои дигари ин бахш

Сарвари давлат Эмомалӣ Раҳмон аз вазъи барҳамхӯрӣ ва аз фаъолият мондани корхонаҳои саноатӣ дар вилояти Суғд изҳори нигаронӣ намуданд
Дар Душанбе ҷаласаи 18-уми Кумитаи ҳамоҳангсоз оид ба содагардонии расмиёти савдо баргузор гардид
Барои ифротӣ нагаштани ҷавонон таваҷҷуҳи онҳоро ба илму дониш ва касбу ҳунаромӯзӣ бояд ҷалб намуд
Масъулини вилояти Суғд баҳри ҳалли мушкилоти пойгоҳҳои обкашӣ ва норасоии обёрии замин вазифадор гардиданд
Лоиҳаи «Ташхиси сохтори бозори пул дар Ҷумҳурии Тоҷикистон» баррасӣ гардид
Дар оянда байни Душанбе ва Сеул роҳи ҳавоӣ кушода мешавад
8 АПРЕЛ-РӮЗИ ИҚТИСОДЧИЁН. Созмонҳои бонуфузи байналмилалии молиявӣ Тоҷикистонро давлати дорои суръати баланди рушди иқтисодӣ арзёбӣ намудаанд
Дар шаҳри Хуҷанд Намоишгоҳи X байналмилалии савдо «Суғд-2024» доир мегардад
Корхонаи давлатии фаръии «Обтаъминкунӣ» дар ноҳияи Ҳамадонӣ ба беш аз 4 ҳазор хоҷагӣ хизмат мерасонад
Дар Хатлон бо мақсади беҳтар гардонидани содироти маҳсулоти кишоварзӣ вохӯрӣ доир шуд
Тоҷикистон ва Туркманистон тасмим гирифтанд, ки нархгузории ягонаро барои интиқолдиҳандагон амалӣ намоянд
БАРОИ ҶАЛБИ БЕШТАРИ ҶАҲОНГАРДОН ЧӢ БОЯД КАРД? Дар Душанбе оид ба беҳтар намудани сатҳу сифати хизматрасонӣ ба сайёҳон ҳамоиш доир шуд