Ҷаласаи ҳайатҳои ҳукуматии Ҷумҳурии Тоҷикистон ва Ҷумҳурии Қирғизистон баргузор гардид
ДУШАНБЕ, 24.02.2020. /АМИТ «Ховар»/. 21-22 феврали соли 2020 дар шаҳри Ботканди Ҷумҳурии Қирғизистон ҷаласаи навбатии ҳайатҳои ҳукуматии Ҷумҳурии Тоҷикистон ва Ҷумҳурии Қирғизистон оид ба делимитатсия ва демаркатсияи сарҳади давлатии Тоҷикистону Қирғизистон таҳти роҳбарии муовини Сарвазири Ҷумҳурии Тоҷикистон Азим Иброҳим ва ноиби Сарвазири Ҷумҳурии Қирғизистон Акрам Мадумаров баргузор гардид.
Ба ҳайатҳо инчунин муовинони вазоратҳои корҳои хориҷӣ ва вазоратҳои адлия, сафирони ду кишвар, роҳбарони вилоятҳои Суғд ва Ботканд, шаҳру ноҳияҳои наздисарҳадӣ ва роҳбарони сохторҳои қудратии вилоятӣ шомил буданд.
Дар ҷараёни мулоқот оид ба масъалаҳои делимитатсия ва демаркатсияи сарҳади давлатии Тоҷикистону Қирғизистон ба таври муфассал мубодилаи афкор сурат гирифт.
Сарони ҳайатҳои Ҷумҳурии Тоҷикистон ва Ҷумҳурии Қирғизистон дар бораи зарурати вусъати минбаъдаи таҳияи хати лоиҳавии сарҳади давлатии Тоҷикистону Қирғизистон, инчунин баррасии масъалаи эҳтимоли мубодилаи қитъаҳои замини баробараҳамият ва баробарҳаҷм миёни шаҳри Исфараи Ҷумҳурии Тоҷикистон ва ноҳияи Ботканди Ҷумҳурии Қирғизистон бо мақсади аз байн бурдани қитъаҳои парчадармиён ва холдор дар сарҳади давлатии Тоҷикистону Қирғизистон ва таъмини субот то гузаронидани делимитатсияи сарҳади давлатии Тоҷикистону Қирғизистон изҳори ҳусни тафоҳуми комил намуданд.
Тибқи рӯзномаи тасдиқшуда ба гурӯҳҳои кории масъалаҳои ҳуқуқӣ супориш дода шуд, ки ба баррасии заминаи ҳуқуқии делимитатсияи сарҳади давлатии Тоҷикистону Қирғизистонро идома бахшанд.
Дар доираи ҷаласаи доиршуда бо мақсади ҳамгироӣ дар пешгирии ҳолатҳои низоъ дар минтақаҳои наздисарҳадӣ мулоқоти алоҳидаи раисони вилоятҳои наздисарҳадӣ бо иштироки мақомоти ҳифзи ҳуқуқ доир карда шуд.
Зарурати тавсеаи минбаъдаи ҳамкорӣ миёни вилоятҳо ва ноҳияҳои наздисарҳадии ду мамлакат, инчунин таҳкими дӯстӣ, ҳамдигарфаҳмӣ ва эътимод миёни аҳолии минтақаҳои наздисарҳадӣ махсус зикр гардид. Дар робита ба ин, Нақшаи чорабиниҳои муштарак миёни вилояти Суғди Ҷумҳурии Тоҷикистон ва вилояти Ботканди Ҷумҳурии Қирғизистон барои соли 2020 аз ҷониби раисони вилояти Суғди Ҷумҳурии Тоҷикистон ва вилояти Ботканди Ҷумҳурии Қирғизистон тасдиқ карда шуд.
Ҳайати Тоҷикистон дар Форуми Осиё ва Уқёнуси Ором дар Филиппин иштирок намуд
Дар Кӯлоб ҷаласаи Шурои ҳамоҳангсозии фаъолияти мақомоти ҳифзи ҳуқуқ баргузор гардид
ҲАР АМАЛИ НОДУРУСТ ҶАВОБГАРӢ ДАР ПАЙ ДОРАД! Дар Душанбе паҳнкунандагони доруи психотропии «Прегабалин» дастгир шуданд
Ҳайати Тоҷикистон дар Вена дар конфронси Созмони Милали Муттаҳид оид ба мубориза бо қаллобӣ иштирок дорад
Дар Вена ҳамкории Тоҷикистон ва Британияи Кабир дар соҳаи ҳифзи ҳуқуқ баррасӣ гардид
14 МАРТ — РӮЗИ КОРМАНДОНИ МАҚОМОТИ ПРОКУРАТУРА. Бо назардошти вазъи геополитикии ҷаҳон дар назди кормандони он масъулияти баланд меистад
Агентии назорати маводи нашъаовари Тоҷикистон ва Раёсати СММ оид ба маводи нашъаовар ва ҷинояткорӣ ҳамкориро тақвият медиҳанд
Ҷаласаи навбатии Комиссияи даъвати ҷумҳуриявӣ оид ба омодагӣ ба даъвати баҳории соли 2026 ба хизмати ҳарбӣ доир гардид
Нозирони мизҳои ҳарбӣ дар шаҳри Бохтар ба машғулияти такмили ихтисос фаро гирифта шуданд
Дар Хатлон ҳамкории милитсия, омӯзгорон ва волидайн дар самти пешгирии ҷинояткорӣ байни ноболиғон тақвият меёбад
Ташаккул ва рушди фарҳанги киберамният дар низоми таълиму тарбия аҳамияти аввалиндараҷа касб мекунад
Ҳайати Тоҷикистон дар иҷлосияи Комиссияи СММ оид ба воситаҳои нашъадор иштирок дорад
