Сомонаи Кумитаи рушди сайёҳии назди Ҳукумати Ҷумҳурии Тоҷикистон мавриди истифода қарор дода шуд

Май 28, 2020 09:39

 ДУШАНБЕ, 28.05.2020. /АМИТ «Ховар»/. Сомонаи Кумитаи рушди сайёҳии назди Ҳукумати Ҷумҳурии Тоҷикистон зери унвони www.ctd.tj (Committee Tourism Development) мавриди истифода қарор дода шуд, хабар медиҳад АМИТ «Ховар».

«Бо мақсади иҷрои дастуру супоришҳои Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати татбиқи босамари сиёсати давлатии соҳаи сайёҳӣ дар мамлакат барои фаро гирифтани маълумоти зарурӣ дар бахши сайёҳӣ ва фаъолияти Кумита сомонаи Кумита зери унвони www.ctd.tj (Committee Tourism Development) мавриди истифода қарор дода шуд», — иброз доштанд масъулини Кумита.

Почтаи электронии сомона низ таҳти унвони info@ctd.tj фаъол гардонида шуда, хоҳишмандон метавонанд тариқи имейли мазкур таклифу пешниҳодҳои худро ирсол намоянд.

Зимни таҳияи сомона қоидаҳои ягона барои сомонаҳои расмии вазорату идораҳо, мақомоти иҷроияи маҳаллии ҳокимияти давлатӣ ва мақомоти худидоракунии шаҳрак ва деҳот дар шабакаи Интернет, ки бо қарори дахлдори Ҷумҳурии Тоҷикистон ба тасвиб расидаанд, ба инобат гирифта шуданд. Ҳамчунин шакли мобилии сомона низ қобили дастрас мебошад.

Бо назардошти таҷрибаи сомонаҳои кишварҳои дар самти сайёҳӣ пешрафта тарҳу муҳтавои сомонаи мазкур мавриди такмил қарор дода мешавад.

Қобили тазаккур аст, ки аз ҷониби Кумита аз соли 2017 инҷониб бо мақсади тарғибу ташвиқи имкониятҳои сайёҳии мамлакат портали миллии сайёҳӣ зери www.traveltajikistan.tj бо забонҳои тоҷикӣ, русӣ, англисӣ, немисӣ, испанӣ, японӣ ва франсузӣ дар шабакаи интернет фаъол буда, истиноди портали мазкур қариб дар ҳама сомонаҳои вазорату идораҳои ҷумҳурӣ ва сафоратхонаҳои Тоҷикистон дар хориҷи мамлакат  ҷой дода шудааст.

Дар баробари ин, рубрика ё равзанаҳои алоҳида дар самти сайёҳӣ дар шабакаҳои телевизион ва радио, рўзномаву маҷаллаҳо ва дигар воситаҳои ахбори омма таъсис дода шудааст.

ВАО-и чопию электронӣ яке аз воситаҳои қавии муаррифии мавзеъҳои ҷолиби сайёҳӣ дар ҷаҳон маҳсуб меёбанд.

Бо назардошти он ки Тоҷикистон дорои табиати беҳамто мебошад, ба таври шоиста муаррифӣ намудани он тариқи ВАО дар арсаи байналамилалӣ барои рушди соҳа ва ҷалби бештари сайёҳон мусоидат мекунад. Дарвоқеъ, дар Тоҷикистон имкониятҳои сайёҳӣ ниҳоят фароханд ва тарғибу ташвиқи онҳо ба таври дуруст ва ҷалбкунанда аз ҳар яки мо масъулияти бештар тақозо менамояд.

Май 28, 2020 09:39

Хабарҳои дигари ин бахш

Соли 2023 ба буҷети шаҳри Гулистон аз ҳисоби хизматрасонии сайёҳӣ ва табобатӣ зиёда аз 40 миллион сомонӣ ворид шуд
«НАВРӮЗ — МЕРОСИ ФАРҲАНГИЮ ҶАҲОНГАРДӢ». Табиати зебои Тоҷикистон дили меҳмонони хориҷиро тасхир намуд
Ба шарафи Наврӯзи бостонӣ дар Кумитаи рушди сайёҳии Тоҷикистон ҳамоиши тантанавӣ доир шуд
Коршиносони олмонӣ дар ҷашни наврӯзии Донишгоҳи байналмилалии сайёҳӣ ва соҳибкории Тоҷикистон иштирок намуданд
Дар шаҳри Душанбе Фестивали байналмилалии «Наврӯз-мероси фарҳангию ҷаҳонгардӣ» баргузор гардид
Дар Боғи Ирами шаҳри Душанбе Фестивали байналмилалии «Наврӯз-мероси фарҳангию ҷаҳонгардӣ» бо намоиши ҳунарҳои мардумӣ доир гардид
Дар Намоишгоҳи байналмилалии сайёҳӣ ва меҳмоннавозии Москва имконоти сайёҳии Тоҷикистон муаррифӣ гардид
Масъалаи тақвияти ҳамкории Тоҷикистон ва Ҷопон дар соҳаи сайёҳӣ мавриди баррасӣ қарор гирифт
Ҷаласаи нуҳуми Шурои ҳамоҳангсозии миллӣ оид ба рушди соҳаи сайёҳӣ дар назди Ҳукумати Ҷумҳурии Тоҷикистон баргузор гардид
ФОРУМИ B5+1. Ҳамгироии иқтисодии минтақавии Осиёи Марказӣ тавассути муколамаи давлатӣ ва бахши хусусӣ тақвият меёбад
Дар шаҳраки бостонии Саразм майдони пазироӣ, дарвозаи рамзӣ ва терминали логистикӣ сохта мешавад
РӮЗИ МАТБУОТИ ТОҶИК. Кумитаи рушди сайёҳии Тоҷикистон заҳмати як зумра рӯзноманигоронро қадрдонӣ намуд