Бориши шадид сабаби ҳолати фавқулода дар ҷануби Тоҷикистон шуда, 250 сокини маҳаллӣ ба ҷойҳои бехатар кӯчонида шуданд

Март 29, 2021 10:14

ДУШАНБЕ, 29.03.2021 /АМИТ «Ховар»/. Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон хабар медиҳад, ки бориши шадид дар ҷануби Тоҷикистон сабаби вуқӯи ҳолати фавқулода гардид.

28 март дар наздикии мавзеи Чорчашмаи  деҳаи Лағмони Ҷамоати деҳоти Кӯлоби шаҳри Кӯлоб, мавзеи Хоҷаи Шоми деҳаи Гултеппаи Ҷамоати деҳоти ба номи Миралӣ Маҳмадалиеви ноҳияи Восеи вилояти Хатлон дар дарёҳои Ёхсу ва Сурхоб баландшавии сатҳи об ба қайд гирифта шуд. Ин сабаби дар ҳолати садамавӣ қарор гирифтани бандҳои муҳофизатии оби дарёҳо гардид.

Ҷиҳати таъмини амнияти сокинони деҳаи Гултеппаи Ҷамоати деҳоти Х.Раҷабови ноҳияи Восеъ кормандони Кумитаи ҳолатҳои фавқулода ва мудофиаи гражданӣ 250 нафар сокинони маҳаллиро ба ҷойҳои бехатар интиқол доданд. Бо роҳбарии муовини якуми раиси Кумита Ҳотамшо Латифзода ситоди доимиамалкунанда таъсис дода шудааст.

Бо мақсади пешгирии рахнашавии бандҳои об кормандони Кумитаи мазкур дар ҳамкорӣ бо мақомоти иҷроияи маҳаллии ҳокимияти давлатии ноҳия 40 тахтасанги оҳану бетонӣ оварда, 20 адади онҳоро дар қисматҳои вайроншудаи банди муҳофизатӣ ҷиҳати истеҳком ва барқарор намудани бандҳои муҳофизатӣ  дар ҷойҳои дорои хатари рахнашавӣ насб карданд. Инчунин дар дарёи Сурхоб, дар наздикии Ҷамоати деҳоти ба номи Миралӣ Маҳмадалиеви ноҳияи Восеъ 20 тахтасанги оҳану бетонӣ насб карда шуд.

Барои гузаронидани корҳои барқарорсозӣ дар қитъаҳои дарёҳои Ёхсу ва Сурхоб 6 адад техникаи вазнини муҳандисӣ ҷалб шудаанд. Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон ба таври иловагӣ сӯзишворӣ ва равғанҳои молиданӣ ҷудо намудааст. Корҳои барқарорсозӣ дар ин самт идома доранд.

Март 29, 2021 10:14

Хабарҳои дигари ин бахш

Ба беморхонаи марказии ноҳияи Кӯшониён таҷҳизоти нави тиббӣ дастрас гардид
Дар семоҳаи аввал дар Тоҷикистон 223 ҳолати фавқулода рух дода, 8 нафар дар офатҳои табиӣ ба ҳалокат расидаанд
Корҷӯёни шаҳри Кӯлоб соҳиби касб ва шаҳодатномаи тахассусӣ мегарданд
МОҲИ ХАЙРУ ЭҲСОН. Ба 60 нафар оилаҳои ниёзманди ноҳияи Лахш кумаки якдафъаина расонида шуд
ИМРӮЗ-РӮЗИ ҶАҲОНИИ ГЕМОФИЛИЯ. Дар Тоҷикистон беш аз 650 нафар гирифторони ин беморӣ ба қайд гирифта шудаанд
Дар дастгоҳи Маҷлиси намояндагон оид ба риояи қонун «Дар бораи муроҷиатҳои шахсони воқеӣ ва ҳуқуқӣ» семинар-машварат доир шуд
Дар Душанбе мулоқоти роҳбарони соҳаи фармасевтии Тоҷикистон ва Ӯзбекистон доир шуд
Дар Душанбе ҷаласаи Шӯрои ҳамоҳангсозии сармутахассисон оид ба бемориҳои наркологии кишварҳои узви СААД доир шуд
Сардори Хадамоти муҳоҷират бо директори генералии Департаменти буҷети давлатии «Маркази муҳоҷират»-и шаҳри Москва Сергей Балдин мулоқот кард
Ғафур Муҳсинзода: Тоҷикистон дар мубориза ба муқобили маводи нашъамандӣ устувор мебошад
НОРАСОИИ НЕРУИ КОРӢ ДАР РОССИЯ. Маркази муҳоҷирати Москва дар Тоҷикистон намояндагии худро ифтитоҳ мекунад
Sputnik: Москва интизори омадани муҳоҷирон аз Тоҷикистон аст

Маводҳои таҳлилӣ