Дар хатсайрҳои Душанбе-Алмаато-Душанбе ва Душанбе-Кобул-Душанбе парвозҳои мунтазам фаъол мегарданд

Март 2, 2021 14:14

ДУШАНБЕ, 02.03.2021. /АМИТ «Ховар»/. Парвозҳои мунтазами байналмилалӣ байни Ҷумҳурии Тоҷикистон ва Ҷумҳурии Қазоқистону Ҷумҳурии Исломии Афғонистон дар хатсайрҳои Душанбе-Алмаато-Душанбе ва Душанбе-Кобул-Душанбе бо зичии 1-парвозӣ дар як ҳафта амалӣ карда мешаванд.

Масъалаи мазкур зимни ҷаласаи корӣ, ки дар Агентии авиатсияи граждании назди Ҳукумати Ҷумҳурии Тоҷикистон бо иштироки Директори Агентӣ Икром Субҳонзода, намояндагони ҶСК “Фурудгоҳи байналмилалии Душанбе”, ширкати ҳавопаймоии ватанӣ — ҶДММ “Сомон Эйр” ва намояндагони ширкатҳои ҳавопаймоии хориҷӣ дар Тоҷикистон — “Белавиа”-и Ҷумҳурии Беларус, “Эйр Астана”-и Ҷумҳурии Қазоқистон, “Кам Эйр”-и Ҷумҳурии Исломии Афғонистон доир гардид, матраҳ шуд.

Тавре ба АМИТ “Ховар” аз Агентии авиатсияи гражданӣ хабар доданд, дар ҷаласа масъалаҳои барқарорсозии парвозҳои мунтазами байналмилалӣ ва афзоиш додани шумораи парвозҳо мавриди баррасӣ қарор дода шуданд.

Зимни баргузории ҷаласа Икром Субҳонзода зикр намуд, ки бо иқдомҳои наҷибонаи пешгирифтаи Ҳукумати Ҷумҳурии Тоҷикистон бо роҳбарии Пешвои миллат муҳтарам Эмомалӣ Раҳмон вазъи эпидемиологӣ вобаста ба бемории сироятии COVID-19 дар Тоҷикистон муътадил гардидааст. Муътадил шудани вазъи эпидемиологӣ дар кишвар барои барқарор кардани парвозҳои мунтазами байналмилалӣ заминаи мусоид фароҳам оварда, пайдарпай парвозҳои байналмилалӣ, ки бо хуруҷи бемории коронавируси COVID-19 муваққатан қатъ гардида буданд, барқарор карда мешаванд.

Аз ҷумла, Ситоди ҷумҳуриявӣ оид ба пурзӯр намудани чораҳои зиддиэпидемикӣ барои пешгирии интиқол ва пайдоиши бемории сироятии COVID-19 дар Ҷумҳурии Тоҷикистон қарор қабул кардааст, ки бо мақсади муҳайё намудани шароити мусоид барои истифода бурдани нақлиёти ҳавоӣ аз ҷониби мусофирон ва рафтуомади бе мушкили шаҳрвандон парвозҳои мунтазами байналмилалӣ байни Ҷумҳурии Тоҷикистону Ҷумҳурии Қазоқистон ва Ҷумҳурии Исломии Афғонистон дар хатсайрҳои Душанбе-Алмаато-Душанбе ва Душанбе-Кобул-Душанбе бо зичии 1-парвозӣ дар як ҳафта аз ҷониби ширкатҳои ҳавопаймоии ҷонибҳо бо риояи талаботи санитарию зиддиэпидемиологӣ амалӣ карда шаванд.

Бояд зикр намуд, ки амалӣ намудани парвозҳо бо зичии 1-парвозӣ дар як ҳафта оғози барқарорсозии парвозҳои мунтазам буда, бо беҳтар гардидани вазъи эпидемиологӣ ҷиҳати афзоиш додани парвозҳо дар асоси қарорҳои дахлдори қабулнамудаи Ситоди болозикр тадбирҳои дахлдор андешида мешаванд.

Инчунин дар асоси дастуру супоришҳои Ҳукумати Ҷумҳурии Тоҷикистон ҷиҳати афзоиш додани парвозҳои чартерӣ дар хатсайри Душанбе-Минск-Душанбе, Агентии авиатсияи гражданӣ бо мақомоти авиатсионии Ҷумҳурии Беларус ҳамкориро густариш дода, оид ба масъалаҳои афзоиш додани парвозҳои чартерӣ ва давра ба давра амалӣ намудани парвозҳои мунтазам байни ҷонибҳо чораҳои дахлдор роҳандозӣ менамояд.

Дар ҷаласаи корӣ аз ширкатҳои ҳавопаймоии ватанию хориҷӣ дархост карда шуд, ки ба болоравии беасоси нархи чиптаи ҳавопаймо роҳ надиҳанд ва нархи чиптаро дар доираи арзиши аслӣ танзим намоянд.

Ҳамзамон аз ҶСК “Фурудгоҳи байналмилалии Душанбе” дархост карда шуд, ки хизматрасонӣ ба мусофиронро дар сатҳи зарурӣ ба роҳ монда, ҷиҳати бозхонд намудани кормандон аз рухсатии меҳнатии бемузд тадбирҳои зарурӣ андешад.

Март 2, 2021 14:14

Хабарҳои дигари ин бахш

Дар Донишгоҳи давлатии молия ва иқтисоди Тоҷикистон ихтисоси нав – иқтисодиёти рақамӣ роҳандозӣ мегардад
«Тоҷикстандарт» имсол 274 005 кг маҳсулоти гуногуни ба талабот ҷавобгӯ набударо ба қайд гирифт
Хадамоти иҷро 19,9 миллион сомонӣ маблағро ба манфиати давлат рӯёнид
Дар Бонки миллии Тоҷикистон вазъи бозори суғурта дар соли равон баррасӣ гардид
Ташаббуси Пешвои миллат оид ба таъсиси механизми нави ҳамкорӣ дар соҳаи саноат дар доираи СҲШ татбиқ гардид
НИШАСТИ МАТБУОТӢ: 11 нафар қарздорон дар гузаргоҳҳои сарҳадӣ дастгир гардида, маблағҳои қарзӣ аз онҳо ситонида шуд
Маҳмадсаид Зувайдзода: Биноҳои нави Парлумон ва Ҳукумати Тоҷикистон то аввали соли 2023 ба истифода дода мешаванд
Кумитаи бехатарии озуқаворӣ: Бо мақсади пешгирии бемориҳои сироятӣ беш аз 12,5 миллион сар чорво ва паранда эм карда шуданд
Имсол дар ноҳияи Бобоҷон Ғафуров 9 корхонаи саноатӣ бо таъсиси 120 ҷойи кор фаъол гардиданд
Файзалӣ Аҳмадзода: Аз 142 чорабинии назоратии гузаронидаи Палатаи ҳисоб 83,2 млн. сомонӣ зарари молиявӣ ошкор гардид
Соли 2021 ба Тоҷикистон 20,2 ҳазор тонна орд ба маблағи 5,3 млн доллари ИМА ворид гардид
Бо ибтикори Палатаи савдо ва саноат беш аз 300 нафар соҳибкорон аз намоишгоҳҳои хориҷӣ боздид намуданд

Маводҳои таҳлилӣ