«Ҳар он кас, ки шараф дорад, кабир аст…». Дар Турсунзода маъракаи даъвати наваскарон пурра анҷом ёфт

Апрель 5, 2021 10:42

ТУРСУНЗОДА, 05.04.2021 /АМИТ «Ховар»/. Дар шаҳри Турсунзода бо мақсади иҷрои Фармони Президенти Ҷумҳурии Тоҷикистон  «Дар бораи ба эҳтиёт рухсат додани хизматчиёни ҳарбие, ки муҳлати муқарраргардидаи хизмати ҳарбиро адо намудаанд ва даъвати навбатии шаҳрвандони Ҷумҳурии Тоҷикистон солҳои таваллуди 1994-2003 ба хизмати ҳарбӣ» Рӯзи даъватшаванда баргузор шуд. Дар ин рӯз  ҷавонони даъватшаванда дар фазои тантанавӣ ихтиёран ба сафи Қувваҳои Мусаллаҳи Ҷумҳурии Тоҷикистон шомил гардиданд, ки дар натиҷа маъракаи даъвати ҷавонони шаҳри Турсунзода ба хизмати ҳарбӣ дар рӯзи якум пурра анҷом ёфт.  Дар ин бора котиби матбуоти шаҳри Турсунзода Фирӯз Холиқов ба хабарнигори АМИТ «Ховар» иттилоъ дод.

Дар ҳамоиш раиси шаҳри Турсунзода Парвиз Акрамзода иброз дошт, ки «хизмат ба Ватан ва ҳифзи оромиву осоиштагии сарзамини  муқаддас қарзи шаҳрвандии ҳар ҷавонмарди ба ору номус ба ҳисоб рафта, Қувваҳои Мусаллаҳ сипари боэътимод ва такягоҳи давлату миллат арзёбӣ мегарданд. Маҳз бо шарофати ҷасорати касбӣ, садоқату ҷоннисорӣ ва хизматҳои афсарону сарбозон дар ҷомеаи мо сулҳу субот пойдор буда, мардум осоишта меҳнат ва зиндагонӣ мекунанд».

Модари даъватшаванда Саломат Сидова изҳор дошт, ки «ман ҳамчун модар аввал шукронаи сулҳу амонии кишварро мекунам, зеро файзу баракат ва ҳаёти осуда аз сулҳу субот вобастааст. Ифтихор дорам, ки фарзандам ба сафи муҳофизони Ватан пайваста, қарзи фарзандиро дар назди Модар-Ватан иҷро менамояд. Имрӯз ӯро ба мактаби обутоби сиёсӣ, ҳарбию ҷисмонӣ ва ҷасорату матонат гусел намуда, боварӣ дорам, ки баъд аз ду сол ҳамчун ҷавонмарди худшиносу меҳанпараст ва далеру шуҷоъ ба хона баргашта, дар оянда низ ҷиҳати ободии Ватан меҳнати софдилонаро идома медиҳад».

Наваскарон омодагии худ ва содиқона адо намудани хизмати ҳарбиро изҳор дошта, таъкид намуданд, ки дар оянда низ барои пешрафту шукуфоии Ватани азиз дар соҳаҳои гуногуни хоҷагии халқ софдилона меҳнат хоҳанд кард. Аз ҷумла наваскар Уктам Эргашев иброз дошт, ки «хизмат ба Ватан қарз ва шараф буда, мо, ҷавонон   боварии волидон ва халқу Ватанро сазовор гардида, бо хизмати содиқона, риояи интизоми ҳарбӣ ва далериву чолокӣ хизмати ҳарбиро бо сари баланд иҷро намуда, собит менамоем, ки фарзанди содиқи Ватан ҳастем».

Тавре шоири маҳбуб Мирзо Турсунзода фармудааст:

Шараф чизи таҷовузнопазир аст,
Ҳар он кас, ки шараф дорад, кабир аст.

 Дар фарҷоми ҳамоиш бо анъанаи «Кулчагазон»-у дуои неки волидон ҷавонони синни даъватӣ ба сафи Қувваҳои Мусаллаҳи Ҷумҳурии Тоҷикистон сафарбар гардиданд.

Аксҳо аз мақомоти иҷроияи ҳокимияти давлатии шаҳри Турсунзода

Апрель 5, 2021 10:42

Хабарҳои дигари ин бахш

Дар Тоҷикистон иҷрои нақшаи даъвати баҳории ҷавонон ба хизмати ҳатмии ҳарбӣ ба 45 фоиз баробар шуд
Сафари расмии Вазири мудофиаи Тоҷикистон Шералӣ Мирзо ба Ҷумҳурии Исломии Эрон
Бар асари таркиш дар Кобул як нафар ҳалок ва се тани дигар захмӣ шуданд
Дар Бадахшон маъракаи сафарбаркунии наваскарон ба сафи Қувваҳои Мусаллаҳ дар як рӯз пурра ба анҷом расид
Дар шаҳри Панҷакент нахустин гурӯҳи наваскарон ба сафи Қувваҳои Мусаллаҳ гусел карда шуданд
АЛЕКСАНДР КНЯЗЕВ: «ИЗҲОРОТИ ТАШИЕВ ИҒВОАНГЕЗ ВА ҒАЙРИ ҚОБИЛИ ҚАБУЛ АСТ». Коршинос изҳороти мансабдори қирғизро бесалоҳиятона хонд
«НЕЛЕГАЛ-2021». Ҷаласаи Ситоди байналмилалии амалиёти минтақавии СААД оид ба пешгирии муҳоҷирати ғайриқонунӣ доир шуд
ТАСС: Кормандони полис гумонбари ҷинояти куштори шаҳрванди Тоҷикистонро дар Москваи нав боздошт карданд
Ду узви баландпояи «Ал-Қоида» ва «Толибон» дар Пактикои Афғонистон кушта шуданд
Се корманди маъракаи эмгузаронии зидди полиомиелит дар ду ҳамлаи террористӣ дар Нангарҳори Афғонистон кушта шуданд
Тоҷикистон ва Афғонистон муборизаро бар зидди ҷинояткории фаромиллӣ тақвият мебахшанд
Изат Амон аз Россия ронда шуда, дар Душанбе аз тарафи кормандони мақомоти корҳои дохилӣ дастгир гардид

Маводҳои таҳлилӣ