«Корвони китоб» ба шаҳру ноҳияҳои минтақаи Кӯлоби вилояти Хатлон 2832 нусха китоб ройгон тақдим намуд
ДУШАНБЕ, 30.06.2021 /АМИТ «Ховар»/. Дар доираи озмунҳои ҷумҳуриявии «Фурӯғи субҳи доноӣ китоб аст», «Илм-фурӯғи маърифат» ва «Тоҷикистон — Ватани азизи ман» аз ҷониби ҳаракати фарҳангии «Корвони китоб»-и Вазорати фарҳанги Ҷумҳурии Тоҷикистон ба китобхонаҳои 15 шаҳру навоҳии минтақаи Кӯлоби вилояти Хатлон — шаҳри Норак, ноҳияҳои Данғара, Темурмалик, Балҷувон, Ховалинг, Мӯъминобод, Шамсиддин Шоҳин, Восеъ, Мир Сайид Алии Ҳамадонӣ, Фархор, Панҷ, Ҷалолиддини Балхӣ, Хуросон ва Ёвон 200 номгӯй китоб бо теъдоди 2832 нусха ройгон дастрас гардиданд.
Дар ин бора корманди Корхонаи воҳиди давлатии таъминот ва савдои (КВДТС) «Китоб» Мирзо Содиқ ба хабарнигори АМИТ «Ховар» иттилоъ дод.
Ҳаракати фарҳангии «Корвони китоб» ҷиҳати иҷрои Қарори Ҳукумати Ҷумҳурии Тоҷикистон «Дар бораи Барномаи давлатии рушди муассисаҳои фарҳангии Ҷумҳурии Тоҷикистон барои солҳои 2021-2025» иҷрои фармоиши вазири фарҳанги Ҷумҳурии Тоҷикистон «Дар бораи ташкили сафари «Корвони китоб» ба минтақаи Кӯлоби вилояти Хатлон» аз ҷониби КВДТС «Китоб» ба анҷом расонида шуд.
«Аввалин шуда «Корвони китоб» ба шаҳри Норак ворид гардида, 200 нусха китобҳои шоирону нависандагони классику муосири тоҷик ва аз адабиёти дигар миллату халқиятҳои ҷаҳонро ба китобхонаи «Дӯстии халқҳо»-и шаҳри Норак расонид.
Ҳамчунин «Корвони китоб» ба китобхонаи ноҳияи Данғара 200 нусха китобҳои гуногунжанрро ройгон тақдим намуд. Ҳамзамон дар Донишгоҳи давлатии Данғара намоиш – фурӯши китоб баргузор карда шуд, ки масъулин теъдоди зиёди китобҳои бадеӣ, илмию соҳавиро барои мукаммал гардонидани китобхонаи Донишгоҳ харидорӣ карданд.
АКС: Корхонаи воҳиди давлатии таъминот ва савдои «Китоб»
Дар Тоҷикистон Рӯзҳои фарҳанги Федератсияи Русия оғоз гардид
Дар даври шаҳрии Озмуни ҷумҳуриявии «Илм — фурӯғи маърифат» дар Ҳисор беш аз 1400 довталаб маҳорат месанҷанд
Дар ноҳияи Рӯдакӣ даври ноҳиявии Озмуни ҷумҳуриявии «Илм — фурӯғи маърифат» оғоз шуд
Таҳти унвони «Меандешам пас ҳастам» намоиши осори Рассоми халқии Тоҷикистон Сӯҳроб Қурбонов оғоз гардид
Дар Фестивали байналмилалии «Интермузей. БРИКС+» густариши ҳамкорӣ байни осорхонаҳо баррасӣ шуд
Дар Донишгоҳи технологии Тоҷикистон даври якуми Озмуни ҷумҳуриявии «Донандаи беҳтарини асарҳои Пешвои миллат» доир гардид
Бахшида ба 35-солагии робитаҳои бародаршаҳрӣ байни Душанбе ва Санкт-Петербург дар Осорхонаи миллӣ намоиши аксҳо ифтитоҳ ёфт
Аъзои ҳайати шаҳри Санкт-Петербург дар Осорхонаи миллӣ бо давраҳои пурифтихори таъриху фарҳанги бостонии тоҷикон шинос шуданд
Дабири кулли САҲА дар Осорхонаи миллии Тоҷикистон бо тамаддуни миллати тоҷик шинос шуд
Рушди ҳамкории фарҳангии Тоҷикистону Қирғизистон баррасӣ шуд
«…МОДАР ЯКТОСТ, ТОҶИКИСТОН ЯКТОСТ…». Ба зодрӯзи Шоири халқии Тоҷикистон устод Лоиқ Шералӣ 85 сол пур шуд
«МЕАНДЕШАМ, ПАС ҲАСТАМ». Таҳти ин унвон намоиши осори Рассоми халқии Тоҷикистон Суҳроб Қурбонов ташкил карда мешавад
