Соли 2021 ба Тоҷикистон 20,2 ҳазор тонна орд ба маблағи 5,3 млн доллари ИМА ворид гардид

Июль 14, 2021 16:40

ДУШАНБЕ, 14.07.2021 /АМИТ «Ховар»/. Соли 2021 ба Ҷумҳурии Тоҷикистон 20,2 ҳазор тонна орд ба маблағи 5,3 млн доллари ИМА ворид карда шудааст, ки нисбат ба ҳамин давраи соли гузашта 27,3 ҳазор тонна кам мебошад.

Ҳаҷми умумии маҳсулоти воридшуда 98,8 фоиз ба Ҷумҳурии Қазоқистон ва 1,2 фоиз ба Федератсияи Россия рост меояд. Дар ин бора имрӯз зимни нишасти матбуотӣ муовини якуми раиси Хадамоти зиддиинҳисории назди Ҳукумати Ҷумҳурии Тоҷикистон Сафаралӣ Қурбонзода  ба хабарнигорон иттилоъ дод.

Ба зикри мавсуф, тибқи маълумоти оморӣ, дар ҷумҳурӣ 369,2 ҳазор тонна орд истеҳсол шудааст, ки нисбат ба ҳамин давраи соли 2020 ба миқдори 1,6 ҳазор тонна ва ё 0,4 фоиз зиёд мебошад.

Сафаралӣ Қурбонзода иброз дошт, ки  ба ҳолати 30 июни соли 2021 дар бозорҳои шаҳри Душанбе як халта орди навъи якум аз 220 то 250 сомонӣ ва орди навъи дуюм аз 214 то 230 сомонӣ нархгузорӣ шудааст.

Дар вилояти Суғд нархи орди навъи якум аз 215 то 220 сомонӣ, навъи дуюм аз 185 то 190 сомонӣ, дар Вилояти Мухтори Кӯҳистони Бадахшон орди навъи якум аз 235 то 265 сомонӣ ва дар вилояти Хатлон орди якум аз 225 то 235 ва орди навъи дуюм аз 218 то 220 сомониро ташкил медиҳад.

«Хадамоти зиддиинҳисорӣ дар доираи ваколатҳои худ фаъолиятро дар самти рушди соҳибкорӣ ва рақобат, инчунин пешбурди сиёсати зиддиинҳисорӣ тақвият бахшида, якҷо  бо дигар мақомоти давлатӣ барои муътадил нигоҳ доштани нарх дар бозори мамлакат ва пешгирии ҳолатҳои беасос баланд кардани он мунтазам тадбирҳои зарурӣ амалӣ менамояд»,- афзуд мавсуф.

Июль 14, 2021 16:40

Хабарҳои дигари ин бахш

ОМОДАГӢ БА ЗИМИСТОН. Дар анбори Агентии захираҳои моддии давлатӣ дар Бадахшон миқдори кофии маҳсулоти мавриди ниёзи аввал захира шудааст
Дар Бадахшон барномаи мусоидат ба шуғли аҳолӣ ва омодагӣ ба ҷашни 35-солагии Истиқлолияти давлатӣ баррасӣ шуд
ЛОИҲАИ БАРҚАРОРКУНИИ ҶАНГАЛ ВА БЕҲТАР КАРДАНИ НЕКУАҲВОЛИИ МАРДУМ. Дар Тоҷикистон маҷмӯаи селексионии киштзори писта ташкил ёфт
Гардиши савдои хориҷӣ миёни Тоҷикистон ва кишварҳои СҲШ дар шашмоҳаи якуми соли 2022 68 фоизро ташкил дод
Ҳаҷми маҳсулоти умумии кишоварзии вилояти Хатлон дар сатҳи 106-107 фоиз таъмин гардид
«БЕХАТАРИИ ОБӢ – АСОСИ РУШДИ УСТУВОР». Таҳти ин унвон дар Душанбе Конференсияи байналмилалии илмӣ-амалӣ доир мегардад
РОҒУН — МИНТАҚАИ САЙЁҲӢ. Дар ин бора Қарори Ҳукумати Ҷумҳурии Тоҷикистон ба тасвиб расид
Ориф Амирзода: «Маҳз бар асари гармшавии иқлим беш аз 1000 пиряхи Тоҷикистон комилан об шудаанд»
БА ИСТИҚБОЛИ ҶАШНИ 35-СОЛАГИИ ИСТИҚЛОЛИЯТИ ДАВЛАТӢ. Дар ноҳияи Рашт 5 бунгоҳи тиббӣ мавриди истифода қарор гирифт
Имконияти сайёҳии Тоҷикистон дар ЭКСПО-и сайёҳии Ҷопон муаррифӣ мегардад
Ҷаласаи навбатии Шӯро оид ба муайян намудани сатҳи камбизоатӣ ва табақаи миёнаи аҳолӣ баргузор шуд
Дар Душанбе масъалаи ҳамкорӣ бо Маркази минтақавии рушди иқтидори Хазинаи Байналмилалии Асъор баррасӣ гардид