Вазъ ва дурнамои масъалаҳои рушди сиёсати давлатии кадрҳо дар Тоҷикистон баррасӣ гардид

Декабрь 24, 2021 14:02

ДУШАНБЕ, 24.12.2021 /АМИТ «Ховар»/. Дар Маркази тадқиқоти стратегии назди Президенти Ҷумҳурии Тоҷикистон дар мавзӯи «Масъалаҳои рушди сиёсати давлатии кадрҳо дар Тоҷикистон: вазъ ва дурнамо» конфронси илмӣ-амалии ҷумҳуриявӣ баргузор гардид, хабар доданд аз Маркази тадқиқоти стратегӣ ба АМИТ «Ховар».

Иштирокдорони  конфронс дар  мавзӯъҳои «Масъалаҳо ва муваффақияти сиёсати кадрӣ дар идоракунии давлатӣ», «Шуғли пурмаҳсул–омили таҳкимбахши иқтидори кадрӣ», «Тамоюли омодасозии кадрҳои ҷавон дар идоракунии давлатӣ ва тадбиқи сиёсати давлатии ҷавонон дар даврони соҳибистиқлолии кишвар», «Технологияи интихоби хизматчиёни давлатӣ ва ҷавонгардонии ҳайат» ва ғайра маърӯза намуданд.

Дар ҳамоиш намояндагони вазорату идораҳои дахлдори давлатӣ, марказу пажӯҳишгоҳҳои илмӣ, коршиносон ва хабарнигорони воситаҳои ахбори оммаи  ватанӣ  ширкат варзиданд.

Директори Маркази тадқиқоти стратегии назди Президенти Ҷумҳурии Тоҷикистон Хуршед Зиёӣ зикр кард, ки сиёсати давлатии кадрҳо дар сиёсати иҷтимоии Ҷумҳурии Тоҷикистон мақоми афзалиятнок дорад ва маҳз бо дарназардошти аҳамияти масъалаи мазкур Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон зимни суханронӣ дар Паёми навбатӣ ба Маҷлиси Олии Ҷумҳурии Тоҷикистон изҳор намуданд, ки дар даврони соҳибистиқлолӣ мо бунёди маорифи миллӣ ва ворид гардидан ба фазои таҳсилоти байналмилалиро ҳадафи муҳимтарин ва самти афзалиятноки сиёсати иҷтимоии давлат ва Ҳукумати мамлакат қарор додем, зеро мо чунин мешуморем, ки бунёди миллат аз маориф оғоз меёбад ва ғамхорӣ нисбат ба маориф – сармоягузорӣ барои рушди неруи инсонӣ ва ояндаи ободи давлат ва Ватан мебошад.

— Сарвари давлат зикр намуданд, ки бо вуҷуди он ки раванди таҳсил дар муассисаҳои таълимӣ ба низоми муайян даромадааст, зарур аст барои боз ҳам баланд бардоштани сатҳу сифати таҳсил, омода кардани кадрҳои баландихтисос, омӯхтани забони давлатӣ, таъриху фарҳанги бостонии халқи тоҷик, боло бурдани завқу рағбати хонандагон ба омӯзиши фанҳои риёзӣ, дақиқ, табиӣ, технологияҳои иттилоотӣ ва аз худ кардани забонҳои хориҷӣ, махсусан забонҳои русиву англисӣ таваҷҷуҳи аввалиндараҷа зоҳир карда шавад»,-аз суханронии Пешвои миллат иқтибос овард  Х.Зиёӣ.

Номбурда тазаккур дод, ки  ин таъкидҳо ва дастуру ҳидоятҳои Пешвои миллат муҳтарам Эмомалӣ Раҳмон ҳар яки моро водор месозанд, ки ба сиёсати давлатии кадрҳо таваҷҷуҳи хос зоҳир намуда, дар соҳаи илму маориф ва тайёр намудани кадрҳои баландихтсоси муосир беш аз пеш  масъулият зоҳир намоем.

Иштирокичён баргузории чунин ҳамоиши илмӣ-амалии ҷумҳуриявиро муҳиму арзишманд ҳисобида, изҳори боварӣ намуданд, ки нишасти илмии имрӯза ба  рушди минбаъдаи  сиёсати давлатии кадрҳои Ҷумҳурии Тоҷикистон мусоидат хоҳад кард.

Ҳамоиши илмиву амалӣ дар рӯҳияи самимият, ҳусни тафоҳум ва муколамаи созанда баргузор гардид.

АКС: аз МТС

Декабрь 24, 2021 14:02

Хабарҳои дигари ин бахш

Дар Бадахшон дар шаш моҳи соли равон ҳиссаи пасандозҳои шахсони воқеӣ 19 фоиз зиёд гардидааст
Дар ташкилоти ибтидоии ҳизбии «Ховар» маҷлиси ҳисоботӣ-интихоботӣ баргузор шуд
Чӣ бояд кард то дар фасли тобистон кӯдакон ба бемории илтиҳоби шуш гирифтор нашаванд?
Дар Душанбе пойгоҳи миллии ройгон барои ҷустуҷӯи кор ва коргарон муаррифӣ гардид
Қонуни Ҷумҳурии Тоҷикистон «Дар бораи масъулият барои таълиму тарбияи кӯдак» неру ва тавоноии Артиши миллиро тақвият мебахшад
13-14 июл дар баъзе минтақаҳои Тоҷикистон омадани сел ва чангу ғубор дар назар аст
Дар шаҳри Хуҷанд ҳамоиши гирандагони стипендияи президентӣ доир шуд
Пешвои миллат ба Кумитаи Иҷроияи Ҳизби Халқи Демократии Тоҷикистон дар шаҳри Хоруғ ва ноҳияҳои Ишкошиму Роштқалъа автомошинаҳои хидматӣ тақдим намуданд
Дар 30 сол дар Тоҷикистон 24 ҳазор иншооти инфрасохторӣ сохта ба истифода дода шуд
ТАВСИЯИ МУТАХАССИС. Дар рӯзҳои гарми тобистон саломатии худ ва наздиконро эҳтиёт намоед
8 июл дар якчанд ноҳияҳои вилояти Суғд сел омад
Дар ноҳияи Данғара бо иштироки занони фаъол ҳамоиши фарҳангӣ — фароғатӣ баргузор гардид