Тоҷикистон узви Маркази байналмилалии тадқиқотӣ оид ба ҳифз ва барқарорсозии мероси фарҳангӣ гардид
ДУШАНБЕ, 21.04.2022 /АМИТ «Ховар»/. Бо ташаббуси Осорхонаи миллии кишвар Ҷумҳурии Тоҷикистон узви Маркази байналмилалии тадқиқотӣ оид ба ҳифз ва барқарорсозии мероси фарҳангӣ (ИККРОМ) гардид.
Тавре сардори шуъбаи экскурсионӣ ва оммавии Осорхонаи миллии Тоҷикистон Фаридун Кенҷаев иброз дошт, шомил гардидани Ҷумҳурии Тоҷикистон ба ИККРОМ имкон медиҳад, ки мутахассисони ҷавони соҳаи осорхонашиносӣ, аз ҷумла тармимгарону таҳкимгарон, бостоншиносон, дизайнерон ва дигар бахшҳои ин соҳа дар курсҳои кӯтоҳмуддати он иштирок намуда, донишу таҷрибаи тахассусии хешро мукаммал гардонанд.
Маркази мазкур дар натиҷаи пешниҳоди Конфронси генералии ЮНЕСКО дар Деҳлӣ соли 1956 ба вуҷуд омада буд. Пас аз се сол Марказ дар Италия таъсис ёфт, ки то имрӯз қароргоҳаш дар онҷо ҷойгир аст. Самти аввалиндараҷаи фаъолияти ИККРОМ — ин омӯзиш, таҳқиқ ва барқарорсозии мероси фарҳангӣ буда, оид ба ин масоил ҳамасола зиёда аз 20 курси омӯзишӣ баргузор намуда, ҳамаи хароҷотро аз ҳисоби худ пардохт менамояд. Инчунин марказ дорои калонтарин китобхонаи электронии соҳаи осорхонашиносӣ буда, ҳамаи донишҷӯёну мутахассисон ва олимони соҳаи мазкур метавонанд аз он пурра истифода намоянд. То имрӯз 137 кишвари олам аъзои ИККРОМ гардидаанд.
Ин дастоварди беназири соҳаи осорхонашиносии мамлакат аз сиёсати фарҳангпарварона ва таваҷҷуҳи бевоситаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон маншаъ гирифта, маҳз дастгириҳои пайвастаи он кас имкон дод, ки Тоҷикистон узви Маркази байналмилалии тадқиқотӣ оид ба ҳифз ва барқарорсозии мероси фарҳангӣ (ИККРОМ) гардад.
Бояд гуфт, ки Осорхонаи миллии Тоҷикистон моҳи декабри соли 2021 ба Шӯрои байналмилалии осорхонаҳо (ICOM) аъзо гардид.
АКС: Осорхонаи миллии Тоҷикистон
Дар Осорхонаи миллии Тоҷикистон беш аз 800 бозёфти нодири таърихӣ ба намоиш гузошта шудааст
РӮЗИ БУЗУРГДОШТИ САЪДИИ ШЕРОЗӢ. Осори безаволи шоир дар тарбияи ахлоқӣ ва маънавии ҷомеа нақши муҳим дорад
Филми ҳунарии «Моҳӣ дар шаст» дар кинофестивали 48-уми байналмилалии Москва намоиш дода шуд
Дар Душанбе бахшида ба Рӯзи байналмилалии ҳифзи ёдгориҳои таърихию фарҳангӣ ҳамоиш баргузор гардид
«ЯК МАТОВУ САД РАНГ». Дар Кӯлоб даври шаҳрии фестивал-озмун баргузор гардид
РӮЗИ БАЙНАЛМИЛАЛИИ ҲИФЗ ВА НИГОҲДОРИИ ЁДГОРИҲО ВА ҶОЙҲОИ ТАЪРИХӢ. Қалъаи Ҳисор таърихи зиёда аз 3000-сола дорад
ТАЪРИХИ ВАТАНРО МЕОМӮЗЕМ! Имрӯз дар мавзеъҳои таърихии мамлакат Рӯзи дарҳои боз гузаронида мешавад
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир гардид
«РАҚС МОРО МУТТАҲИД МЕНАМОЯД». Таҳти чунин унвон дар Тоҷикистон фестивали байналмилалӣ доир мегардад
Дар ноҳияи Айнӣ бахшида ба зодрӯзи Қаҳрамони Тоҷикистон Садриддин Айнӣ ҳамоиши илмӣ-адабӣ баргузор гардид
ИМРӮЗ — ЗОДРӮЗИ САДРИДДИН АЙНӢ. Осори Устод Айнӣ ҳамчун сарчашмаи муҳими илмӣ ва фарҳангӣ истифода мешавад
АЙНИШИНОСЕ ПУРТАЛОШ АЗ КИШВАРИ ҲАМЗАБОН. Эҳдо ба зодрӯзи сардафтари адабиёти муосири тоҷик Садриддин Айнӣ
