Муовини Сарвазири мамлакат Сулаймон Зиёзода бо ҳолати корҳои кишоварзии ноҳияи Шуғнон шинос шуд
ДУШАНБЕ, 28.06.2022 /АМИТ «Ховар»/. Тавре қаблан иттилоъ додем, аз 23 то 28 июн гурӯҳи кории Вазорати кишоварзӣ таҳти роҳбарии муовини Сарвазири Ҷумҳурии Тоҷикистон Сулаймон Зиёзода дар Вилояти Мухтори Кӯҳистони Бадахшон дар сафари корӣ қарор дорад. Дар доираи сафари корӣ 25 июн муовини Сарвазири Ҷумҳурии Тоҷикистон Сулаймон Зиёзода ба ноҳияи Шуғнон рафта, бо вазъи корҳои кишоварзӣ шинос шуд. Дар ин бора ба АМИТ «Ховар» дар Мақомоти иҷроияи ҳокимияти давлатии ноҳияи Шуғнон хабар доданд.
Муовини Сарвазири мамлакатро дар ин сафар Вазири кишоварзии Ҷумҳурии Тоҷикистон, муовини Раиси ВМКБ, Раиси ноҳияи Шуғнон ва дигар шахсони масъул ҳамроҳӣ намуданд.
Нахуст гурӯҳи корӣ аз фаъолияти якчанд хоҷагиҳои деҳқонӣ дар ноҳия дидан карда, иттилоъ дода шуд, ки имсол кишоварзони ноҳия дар майдони 2084 гектар зироат кишт намуданд.
Муовини Сарвазири мамлакат зимни мулоқот бо кишоварзон доир ба истифодаи самараноку оқилонаи ҳар як ваҷаб замин, махсусан заминҳои наздиҳавлигӣ ва хоҷагиҳои ёрирасон, кишти зироатҳо, аз қабили картошка, сабзавот, ғалладонагиҳову дигар маҳсулоти кишоварзӣ ва баҳри баланд бардоштани ҳосилнокии зироатҳо таъкид намуд. 
Ёдовар мешавем, ки бо мақсади иҷрои дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки дар мулоқот бо фаъолони вилояти Хатлон дар ноҳияи Данғара 18 июни соли 2022 баён доштанд, таҳти роҳбарии муовини Сарвазии Ҷумҳурии Тоҷикистон Зиёзода Сулаймон гуруҳи корӣ дар ВМКБ қарор дорад.
АКС: Мақомоти иҷроияи ҳокимияти давлатии ноҳияи Шуғнон
35-СОЛАГИИ ИСТИҚЛОЛИ ДАВЛАТӢ. Дар ноҳияи Восеъ сохтмони иншооти таъйиноти гуногун идома дорад
Дар Душанбе натиҷаҳои COP30 ва раванди такмилсозии NDC 3.0-и Тоҷикистон баррасӣ гардид
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
Дар ноҳияи Деваштич Маркази ҷумҳуриявии инноватсия ва технологияҳо дар соҳаи картошкапарварӣ таъсис дода мешавад
Бахшида ба Рӯзи байналмилалии ҳимояи ҳуқуқи истеъмолкунандагон корҳои фаҳмондадиҳӣ доир гардид
ИМРӮЗ-РӮЗИ БАЙНАЛМИЛАЛИИ ҲИМОЯИ ҲУҚУҚИ ИСТЕЪМОЛКУНАНДАГОН. Зиёда аз 86 тонна маҳсулоти бесифати бозорҳои истеъмолӣ нобуд карда шуд
Байни ширкати ҳавопаймоии хусусии «Shohin Airlines» ва Бунёди сармоягузории аврупоӣ Созишномаи сармоягузорӣ ба имзо расид
Ҷаласаи Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ доир гардид
Дар Вашингтон дурнамои ҳамкории Тоҷикистон бо Бонки ҷаҳонӣ дар самти рушди инфрасохтори роҳу нақлиёт баррасӣ шуд
Тоҷикистон ҳамкориро бо Барномаи ҷаҳонии озуқаворӣ дар самти устувории иқлимӣ тақвият медиҳад
То соли 2030 ҳаҷми савдо байни Тоҷикистон ва Қазоқистон ба 2 миллиард доллар расонида мешавад
Тоҷикистон ба таҷрибаи бузургтарин оператори бозори неруи барқи Аврупо — Nord Pool мароқ зоҳир намуд
