Дар Исфара бунёду барқарорсозии манзилҳои дар натиҷаи муноқишаҳои сарҳадӣ харобшуда босуръат идома дорад

Ноябрь 4, 2022 17:11

СУҒД, 04.11.2022 /АМИТ «Ховар»/. Бунёду барқарорсозии манзилҳои дар натиҷаи муноқишаҳои сарҳадӣ харобшудаи сокинони шаҳри Исфараи вилояти Суғд босуръат идома дорад.

Тавре сардори шуъбаи сохтмони Мақомоти иҷроияи ҳокимияти давлатии вилояти Суғд Маъруф Муҳаммадзода ба мухбири минтақавии АМИТ «Ховар» хабар дод, дар 7 ҷамоати шаҳри Исфара, ки аз муноқишаҳои сарҳадӣ хароб гардида буданд, корҳои сохтмонӣ дар манзилҳои истиқоматии сокинон босуръат идома дошта, онҳо 10 ноябр ба аҳолии осебдида супорида мешаванд.

Чанде пеш Раиси шаҳри Исфара Баҳоваддин Баҳодурзода бо ҷараёни корҳои сохтмонӣ дар ин мавзеъҳо шинос шуда, чиҳати ҳарчи зудтар ва босифат ба анҷом расонидани корҳои сохтмонӣ ба масъулин супоришҳо дод.

Ёдовар бояд шуд, ки тибқи дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон манзилҳои харобшудаву зарардида то моҳи ноябр бояд пурра омода шуда, сокинон вориди хонаҳои худ шаванд.

Саъдулло МАҲКАМОВ,
АМИТ «Ховар»

АКС: шуъбаи сохтмони МИҲД вилояти Суғд

Ноябрь 4, 2022 17:11

Хабарҳои дигари ин бахш

Дар Душанбе вобаста ба ҳимояи ҳуқуқи инсон дар шароити рақамикунонӣ ҳамоиш баргузор шуд
Гурӯҳи корӣ бо рафти корҳои сохтмонии манзилҳои аз офати табиӣ зарардидаи ноҳияҳои Рашт ва Тоҷикобод шинос гардид
Дар Тоҷикистон доир ба пардохти кумакҳои унвонии иҷтимоӣ давраи омӯзишӣ ҷараён дорад
Гармии шадиди ҳаво боиси авҷи кадом бемориҳо мегардад?
Басти дуюми истироҳатгоҳи «Файзи истиқлол» дар ноҳияи Варзоб оғоз гардид
Чӣ тавр худро аз гармии тобистон муҳофизат кунем? Донистани роҳҳои дурусти он муҳим аст
Дар дарёи Ёхсу корҳои соҳилмустаҳкамкунӣ ҷараён доранд
Огоҳӣ! Дар Тоҷикистон ҳавои гарму хушк пешгӯӣ мешавад
Ҷавонони тоҷик дар Форуми ҷавонони Созмони ҳамкории иқтисодӣ иштирок намуданд
Дар моҳи дуюми тобистон Тоҷикистонро чӣ гуна ҳаво интизор аст?
Кумита оид ба таҳсилоти ибтидоӣ ва миёнаи касбӣ бахшида ба Рӯзи Ваҳдати миллӣ конфронс доир намуд
Дар Агентии суғуртаи иҷтимоӣ ва нафақа 28-солагии Рӯзи Ваҳдати миллиро ҷашн гирифтанд