ҶОИЗАИ МУСИҚИИ БОБ. Ғолибони ин озмун муайян гардиданд

Ноябрь 26, 2022 20:55

ДУШАНБЕ, 26.11.2022. /АМИТ «Ховар»/. Имрӯз дар «Кохи Суруш»-и шаҳри Душанбе консерти ниҳоии мавсими навбатии 5-уми Ҷоизаи мусиқии Боб (Bob’s Music Award) баргузор гардид. Дар вазъияти тантанавӣ ба ғолибони он дар се номина: «Беҳтарин суруд», «Беҳтарин овоз» ва «Беҳтарин намоиш» диплому ҷоизаҳои пулӣ ба маблағи 5000 сомонӣ супорида шуданд, иттилоъ медиҳад хабарнигори АМИТ «Ховар».

Ҷоиза дар номинаи «Беҳтарин намоиш» ба Файзӣ Валид, шаҳрванди Афғонистон, намоянда аз шаҳри Ваҳдат, «Беҳтарин овоз» ба Шерзод Абдуллозода аз Панҷакент ва «Беҳтарин суруд» ба гурӯҳи «Black bands»-и шаҳри Душанбе тақдим гардид.

Тавре АМИТ «Ховар» қаблан иттилоъ дода буд, ғолибони даври ниҳоӣ намояндагони шаҳри Душанбе ва ноҳияҳои тобеи ҷумҳурӣ — Мад Дайз (Кабрера Стефания), Фахриддин Зиёдуллоев, Хайрулло Муродзода, Мамнуна Ҷалилова, Ҷаҳонгир Халилов, Миродил Муқимов, Ҳотамбек Ҳотамов, Муҳаммад Боқиев, Абдурауф Юсуфов, Фирӯз Раҷабов, Ҳамид Муродӣ, Асад Аҳмадов, Файзӣ Валид, инчунин Ёсамин Давлатшоева аз Роштқалъа (ВМКБ) ва Шерзод Абдуллозода аз Панҷакент (вилояти Суғд) мебошанд.

Ёдовар мешавем, ки қабули дархостҳо барои ширкат дар мавсими 5-уми лоиҳа тобистони соли 2022 оғоз гардида буд. Давоми як моҳ ҳайати ҳакамон, ки аз навозандагони касбӣ, бастакорон ва продюсерҳо иборат аст, овоздиҳии пинҳонӣ гузаронида, аз миёни довталабоне, ки ба шартҳои озмун ҷавобгӯ буданд, боҳунартарин номзадҳоро интихоб карданд.

Ба ҳайати ҳакамон ҳунарманди яккахони Театри давлатии академии опера ва балети ба номи С.Айнӣ, омӯзгори Консерваторияи миллии Тоҷикистон ба номи Т.Сатторов, Ҳунарпешаи шоистаи Тоҷикистон, барандаи озмунҳои байналмилалӣ Шарофат Усмонзода, омӯзгори кафедраи композитсия ва хониш, партитураи Консерваторияи миллии Тоҷикистон ба номи Т.Сатторов, лауреати фестивалҳои байналмилалӣ Ҷасур Халилов, актёр, оҳангсоз, роҳбари бадеии гурӯҳи мусиқии «Шамс» Иқбол Завқибеков, коргардони мустақил ва арт-менеҷер, хатмкардаи Мактаби тиҷоратии Фаронса Кирилл Кузмин, сарояндагон Манижа Сангин, Ширинмоҳ Ниҳолова ва дигарон шомиланд.

Лоиҳаи «Ҷоизаи мусиқии Боб» аз ҷониби Маркази фарҳангии Бохтар бо кумаки донори аслии ҳукумати Швейтсария амалӣ мешавад.

Зарангези ЛАТИФ,
Тоҳирҷони САИД (АКС)
АМИТ «Ховар» 

Ноябрь 26, 2022 20:55

Хабарҳои дигари ин бахш

«Телевизиони Сафина» дар ҳамкорӣ бо студияи «Hong Pictures»-и Корея филми мустанади муштарак ба навор мегирад
Пагоҳ Кумитаи забон ва истилоҳот, Агентии назорат дар соҳаи маориф ва илм, Палатаи савдо ва саноат, МД «Тоҷикфилм» нишасти матбуотӣ баргузор менамоянд
«ТОҶИКИСТОН-ВАТАНИ АЗИЗИ МАН». Дар озмуни ҷумҳуриявӣ дар давоми 3 сол 8 858 нафар иштирок намудааст
Пагоҳ Кумитаи ҳолатҳои фавқулода ва мудофиаи гражданӣ, Суди Олии иқтисодӣ, Агентии суғуртаи иҷтимоӣ ва нафақа, Хадамоти зиддиинҳисорӣ нишасти матбуотӣ баргузор менамоянд
Дар Маҷмааи таърихиву фарҳангии «Қалъаи Хуҷанд» деворҳои куҳандиз эҳё мегарданд
НИШАСТИ МАТБУОТӢ. Чаро дар 28 китобхонаи ҷамоатҳои шаҳраку деҳоти ноҳияи Лахш китобҳои бачагона ва бадеии тозанашр ниҳоят каманд?
ТАВАҶҶУҲ! Дар Озмуни ҷумҳуриявии «Тоҷикистон-Ватани азизи ман» фаъолона иштирок менамоем
САДА ҶАШНИ МЕҲР АСТ. Дар Донишгоҳи миллии Тоҷикистон ин иди ниёгони тоҷикон бо шукӯҳ таҷлил гардид
Дар Суғд 39 нафар ғолиби Озмуни вилоятии «Хомаи созанда-2022» гардид
6 феврал «Амонатбонк», Хадамоти иҷро, Маркази миллии тестӣ ва Иттифоқи «Тоҷикматлубот» нишасти матбуотӣ баргузор менамоянд
«ТОҶИКИСТОН-ВАТАНИ АЗИЗИ МАН». Имсол дар ин озмуни ҷумҳуриявӣ рассомон ва дизайнерон иштирок мекунанд
««ТОҶИКОН» – ОИНАИ ТАЪРИХИ МИЛЛАТ». Шоҳҷоиза барои ғолибон дар ҳар гурӯҳи ин озмуни ҷумҳуриявӣ 70 ҳазор сомонӣ пешбинӣ шудааст