ОЛИМПИАДАИ V БАЙНАЛМИЛАЛИИ НАВРАСОН. Хонандаи синфи 9-и шаҳри Душанбе Қодиров Муҳаммадҷон ҷойи сеюмро сазовор гашт

Декабрь 31, 2022 10:53

ДУШАНБЕ, 31.12.2022 /АМИТ «Ховар»/. Хонандаи синфи 9-и Литсей барои хонандагони болаёқат дар шаҳри Душанбе Муҳаммадҷон Қодиров дар Олимпиадаи V байналмилалии наврасон, ки дар шаҳри Бокуи Ҷумҳурии Озарбойҷон аз 11 то 14 декабр баргузор шуд, сазовори ҷойи 3-юм гардид. Дар ин бора ба АМИТ «Ховар» сардори Раёсати муносибатҳои байналмилалии Кумитаи кор бо ҷавонон ва варзиши назди Ҳукумати Ҷумҳурии Тоҷикистон Хусрав Аюбов хабар дод.

Олимпиадаи байналмилалӣ байни наврасон аз фанҳои математика, физика, химияи барои хонандагони синни то 16-сола баргузор гардид, ки дар он ҳайати Ҷумҳурии Тоҷикистон иштирок намуд.

Дар олимпиада  ҳайатҳои ҷумҳуриҳои Тоҷикистон, Озарбойҷон, Узбекситон, Қазоқистон, Қирғизистон,  Гурҷистон ва Федератсияи Россия иштирок намуданд. Роҳбарони ҳайатҳо барои ҳамкории минбаъда мубодилаи афкор намуда, ташкил ва баргузории олимпиадаро муҳим арзёбӣ намуданд.

АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон

Декабрь 31, 2022 10:53

Хабарҳои дигари ин бахш

Дар Донишгоҳи давлатии ҳуқуқ, бизнес ва сиёсати Тоҷикистон Ҳафтаи дарҳои кушод ҷамъбаст шуд
СОЛИ МАЪРИФАТИ ҲУҚУҚӢ. Дар Донишгоҳи давлатии Кӯлоб бо намояндагони мақомоти прокуратура мулоқот баргузор гардид
Дар Донишгоҳи давлатии омӯзгории Тоҷикистон доир ба ҳифзи забони давлатӣ маҳфил доир шуд
ДОРУ АЗ МЕВАИ ДӮЛОНА. Онро устодони Донишгоҳи миллии Тоҷикистон бо мақсади пешгирии бемории дилу рагҳо тайёр кардаанд
Сокинони шаҳри Леваканд соҳиби сертификати касбомӯзии Донишгоҳи техникии Тоҷикистон гардиданд
Бо хатмкунандагони мактабҳои миёнаи шаҳри Хуҷанд вохӯрии судманд доир шуд
Донишҷӯёни Донишгоҳи байналмилалии сайёҳӣ ва соҳибкории Тоҷикистон ба Донишгоҳи давлатии фарҳанги Қазон фиристода шуданд
Густариши ҳамкорӣ байни муассисаҳои таҳсилоти олии касбии Тоҷикистон ва филиали Донишгоҳи иқтисодии Русия ба номи Г. В. Плеханов баррасӣ шуд
Хатмкунандагони мактабҳои пойтахт бо ҷараёни таълим дар Донишгоҳи байналмилалии забонҳои хориҷии Тоҷикистон шинос шуданд
Имрӯз даври якуми бақайдгирии довталабон барои иштирок дар имтиҳонҳои марказонидаи дохилшавӣ оғоз шуд
ИЛМ ВА ЗАМОН. Рушди фанҳои табиатшиносӣ, дақиқ ва риёзӣ дар меҳвари таваҷҷуҳи ҷомеаи Тоҷикистон қарор дорад
Байни Академияи идоракунии давлатии Тоҷикистон ва Намояндагии Кумитаи байналмилалии Салиби Сурх дар Тоҷикистон Барномаи ҳамкорӣ ба имзо расид