«Еximbank»-и Корея дар Минтақаи озоди иқтисодии «Кӯлоб» Маркази логистикӣ бунёд менамояд

Июнь 7, 2023 10:52

ДУШАНБЕ, 07.06.2023. /АМИТ «Ховар»/. Бо мақсади аз наздик шинос шудан бо имкониятҳои сармоягузорӣ, мавқеи ҷойгиршавӣ ва шароити  мавҷуда намояндагони Бонки содиротӣ ва воридотии Ҷумҳурии Корея «Eximbank» бо роҳбарият ва масъулини шаҳри Кӯлоб аз  ҳудуди Минтақаи озоди иқтисодии «Кӯлоб» боздид намуданд. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии шаҳри Кӯлоб хабар медиҳад.

Зимни боздид имконият фароҳам оварда шуд, ки меҳмонон аз рафти бунёди инфрасохтори минтақаи мазкур ва корхонаҳои саноатӣ аз наздик шинос гардида, дар идома оид ба имкониятҳои сармоягузорӣ, мавқеи ҷуғрофӣ, инфрасохтори нақлиётӣ ва дигар масъалаҳои марбута дар шакли рӯнамоӣ маълумоти муфассал пешниҳод намоянд.

Дар доираи сафари мазкур як қатор масъалаҳои барои тарафайн муҳим, бахусус бунёди Маркази логистикӣ дар Минтақаи озоди иқтисодии «Кӯлоб» бо ҷалби сармояи Ҷумҳурии Корея ва истифодаи васеи имтиёзҳои мавҷуда мавриди баррасӣ ва муҳокима қарор гирифта, барои татбиқи амалии он ҳавасмандӣ зоҳир карда шуд.

Вобаста ба ин, тарафҳо барои тақвият ва густариши ҳамкорӣ  дар самти ҷалби бештари сармояи хориҷӣ, татбиқи лоиҳаҳои афзалиятнок, бахусус маркази логистикӣ дар Минтақаи озоди иқтисодии «Кӯлоб» бо ҷалби сармояи Ҷумҳурии Корея ва сафарбар намудани мушовирон ва коршиносони соҳа аз ин давлат ба мувофиқа расиданд.

АКС: Мақомоти иҷроияи ҳокимияти давлатии шаҳри Кӯлоб

Июнь 7, 2023 10:52

Хабарҳои дигари ин бахш

Вазири кишоварзии Тоҷикистон вобаста ба тақвияти корҳои саҳроӣ бо деҳқонони шаҳри Конибодом суҳбат намуд
Дар шаҳри Хоруғ корхонаи истеҳсоли ҳасиб бунёд мегардад
Дар Суғд барои дарёфти грантҳои раиси вилоят озмун баргузор мешавад
ЭЪЛОН: «ВАССОФИ ВАТАН». Барои рӯзноманигорон ва корбарони саҳифаҳои иҷтимоии шабакаҳои интернетӣ фестивал-озмун баргузор мешавад
Дар Эстония Хонаи савдои Тоҷикистон таъсис дода мешавад
Намояндагони Тоҷикистон дар «Аirspace world 2024» дар Женева иштирок намуданд
Ҳангоми истифодаи хабару маводи сомона истинод ба www.khovar.tj ҳатмӣ аст!
Саҳифаҳои расмии АМИТ «Ховар» дар шабакаҳои иҷтимоӣ: facebook.com/niatkhovar, t.me/niatkhovar, youtube.com/@niat_Khovar_tj, instagram.com/niat_khovar/, twitter.com/niatkhovar, Радиои Ховар 101.5 fm, facebook.com/khovarfm/
Роҳбари хоҷагии деҳқонии «Бобои Носир»: «Истифодаи оқилонаи 7,5 гектар замин ва даромад аз он дар баланд гардидани сатҳи зиндагии 5 оила мусоидат намуд»
Деҳқонони ноҳияи Мастчоҳ имсол дар майдони зиёда аз 23 ҳазор гектар кишту парвариши зироати кишоварзиро ба нақша гирифтаанд
Дар шаҳри Хуҷанд Намоишгоҳи X байналмилалии савдо «Суғд-2024» доир мегардад
«РОҲ БА СӮИ ТИЁНШОН». Душанбе охири моҳи май мизбони конфронси байналмилалӣ мегардад