Дар Душанбе китоби академик Акбар Турсон «Аз қаъри гили сиёҳ то авҷи Зуҳал» рӯнамоӣ гардид
ДУШАНБЕ, 25.08.2023 /АМИТ «Ховар»/. Имрӯз дар Академияи миллии илмҳои Тоҷикистон китоби академик Акбар Турсон ба забони русӣ таҳти унвони «Аз қаъри гили сиёҳ то авҷи Зуҳал» («Велик от земли до Сатурна предел…») бахшида ба гиромидошти хотираи академикҳо Бобоҷон Ғафуров ва Муҳаммад Осимӣ рӯнамоӣ гардид.
Зимни рӯнамои асари «Аз қаъри гили сиёҳ то авҷи Зуҳал» гуфта шуд, ки ҳадафи чопи асар ҷавобҳои илмӣ додан ба он назарҳои ғаразноке мебошад, ки солҳои охир дар бораи китоби «Тоҷикон» ва фаъолияти онҳо пайдо шудаанд.
Дар ҷамъомад президенти Академияи миллии илмҳои Тоҷикистон Фарҳод Раҳимӣ, академик Акбар Турсон, профессорон Саъдулло Раҳимов, Аскаралӣ Раҷабов ва Тоҷиддин Мардонӣ дар мавзуъҳои «Бобоҷон Ғафуров, Муҳаммад Осимӣ симоҳои барҷаста ва калидии таъриху фарҳанги тоҷик», «Масоили нақди илмӣ ва адабию бадеӣ дар Тоҷикистон, «Академик Муҳаммад Осимӣ-равшангари муаммоҳои фарҳанги тоҷик, «Бобоҷон Ғафуров аз нигоҳи муҳаққиқ ва сиёсатмадори араб» ибрози андеша намуданд.
Фарҳод Раҳимӣ хизматҳои шоёни академик Бобоҷон Ғафуровро дар муаррифии таърихи халқи тоҷик шоиста ва шоҳасари ў «Тоҷикон»-ро дар шинохти миллати тоҷик муҳим арзёбӣ намуд.
Мавсуф ҳамчунин таъкид намуд, ки мақоми илми тоҷик дар давраи роҳбарии академик М. Осимӣ, рушди илмҳои бунёдӣ ва гуманитарӣ, инчунин омода намудани кадрҳои илмӣ намоён аст.
АКС: АМИТ «Ховар»
РУШДИ ҲУНАРҲОИ МАРДУМӢ. Дар Тоҷикистон сабадбофӣ бо шакли муосир рушд меёбад
Дар Ҷумҳурии Тоҷикистон Рӯзҳои фарҳанги Ҷумҳурии Мардумии Чин баргузор мегарданд
Оид ба муоширати бисёрфарҳангӣ, нақши забонҳо, адабиёт ва илм дар рушди ҷомеаи муосир конфронси байналмилалӣ доир шуд
Намояндаи Тоҷикистон дар Анқара дастовардҳои китобдорӣ ва рақамикунонии Тоҷикистонро муаррифӣ намуд
«ТОҶИКИСТОН». Таҳти чунин унвон дар Ҷумҳурии Арабии Миср маҷалла бо забони арабӣ нашр гардид
Китоби «Забони миллат – ҳастии миллат» бо 7 забон тарҷума ва нашр гардид
Дар шаҳри Дюсселдорф барномаи фарҳангии тоҷикон баргузор гардид
Дар Донишкадаи санъати театрии Русия намоиши театрии «Ҷавонии Мушфиқӣ» баргузор шуд
Дар Тоҷикистон Анҷумани сеюми забоншиносони давлатҳои ҳамзабону ҳамфарҳанг баргузор мегардад
Дар Китобхонаи миллии Тоҷикистон оид ба нақши оила дар камолоти маънавии фарзанд ҳамоиш доир шуд
Ба беш аз 13 ҳазор оилаи ноҳияи Муъминобод «Шоҳнома»-и безавол тақдим мегардад
Оид ба фаъолият ва рӯзгори сиккашиноси маъруфи тоҷик конфронси байналмилалӣ доир шуд
