Дар Тоҷикистон омӯзиши забони англисӣ аз синфи сеюм оғоз мегардад
ДУШАНБЕ, 21.05.2024 /АМИТ «Ховар»/. Тибқи дастуру супоришҳои роҳбарияти олии мамлакат дар муассисаҳои таҳсилоти миёнаи умумии Ҷумҳурии Тоҷикистон омӯзиши забони англисӣ аз синфи сеюм оғоз мегардад. Ин матлабро 21 май Вазири маориф ва илми Ҷумҳурии Тоҷикистон Раҳим Саидзода зимни мулоқот бо директори минтақавии Шурои Британия Андриан Чедвик, ки дар доираи Форуми ҷаҳонии «Маориф-2024» дар шаҳри Лондони Шоҳигарии Британияи Кабир ва Ирландияи Шимолӣ доир шуд, баён дошт. Дар ин хусус АМИТ «Ховар» бо истинод ба Вазорати маориф ва илми мамлакат иттилоъ медиҳад.
Ҳамчунин дар вохӯрӣ гуфта шуд, ки бо мақсади омӯзиши пурраи забони англисӣ ва рушди касбӣ омӯзгорон дар асоси методикаҳои нав аз даври омӯзишии такмили ихтисос мегузаранд.
Дар ҷараёни вохӯрӣ ҷонибҳо масъалаҳои таълим ва омӯзиши забони англисӣ, такмили ихтисоси омӯзгорони фанни забони англисӣ ва дар оянда кушодани маркази супоридани имтиҳонҳои IELTS-ро мавриди баррасӣ қарор доданд.
Иттилоъ дода шуд, ки моҳи сентябри соли 2024 директори минтақавии Шурои Британия Андриан Чедвик бо сафари расмӣ ба Тоҷикистон омада, лоиҳаҳои нави ҳамкориро мавриди баррасӣ ва амал қарор медиҳад.
Ёдовар мешавем, ки 20 май ҳайати Тоҷикистон таҳти роҳбарии Вазири маориф ва илм Раҳим Саидзода аввалин маротиба дар Форуми ҷаҳонии «Маориф-2024», ки ҳамасола аз ҷониби Шоҳигарии Британияи Кабир ва Ирландияи Шимолӣ дар шаҳри Лондон ташкил карда мешавад, иштирок намуд.
АКС: Вазорати маориф ва илми Ҷумҳурии Тоҷикистон
35-СОЛАГИИ ИСТИҚЛОЛИ ДАВЛАТӢ. Дар шаҳри Норак ба сохтмони ду иншооти нави соҳаи маориф оғоз бахшида шуд
«ТАВОНО БУВАД, ҲАР КӢ ДОНО БУВАД». Таҳти ин унвон олимпиадаи ҷумҳуриявӣ байни донишҷӯёни муассисаҳои таҳсилоти олии касбӣ оғоз шуд
ТАЪТИЛИ ТОБИСТОНА. Барои босамар ва шавқовар гузаштани он хонандагон ба чӣ кор бояд машғул шаванд?
Масоили густариши ҳамкории таълимӣ ва гуманитарии Тоҷикистону Русия баррасӣ шуд
Донишҷӯёни Донишкадаи политехникии шаҳри Хуҷанд дар озмуни «Беҳтарин донандаи Кодекси андоз» соҳиби ҷойҳои намоён шуданд
Дар Донишгоҳи давлатии ҳуқуқ, бизнес ва сиёсати Тоҷикистон намоиши ҷойи холии кор баргузор гардид
ТАШАББУСҲОИ БАЙНАЛМИЛАЛИИ ПРЕЗИДЕНТИ ТОҶИКИСТОН. Тавассути он масъалаи об ба самти калидии рӯзномаи ҷаҳонӣ табдил гардид
35-СОЛАГИИ ИСТИҚЛОЛИ ДАВЛАТӢ. Дар Ҳисор 231 синфхона барои 5544 хонанда дар як баст бунёд карда мешавад
Донишкадаи кӯҳию металлургии Тоҷикистон дар омодасозии мутахассисони соҳаи кӯҳӣ ва рушди саноат саҳми назаррас дорад
Президенти Тоҷикистон барои иҷрои босифати барномаи рушди фанҳои дақиқ дастур доданд
Дар Тоҷикистон фарогирии кӯдакон ба муассисаҳои томактабӣ тавассути рушди шаклҳои алтернативӣ зиёд мегардад
Оид ба механизмҳои муосири арзёбии сифати таҳсил дар муассисаҳои таҳсилоти олӣ ҳамоиш доир гардид
