Масъалаҳои рушди ҳамкории иқтисодию тиҷоратӣ байни Тоҷикистон ва Покистон баррасӣ шуданд

Май 29, 2024 16:52

ДУШАНБЕ, 29.05.2024. /АМИТ «Ховар»/. 28 май Вазири рушди иқтисод ва савдои Ҷумҳурии Тоҷикистон Завқӣ Завқизода бо Вазири федералии нақлиёт, ҳамзамон масъули сармоягузорӣ ва хусусигардонии Ҷумҳурии Исломии Покистон Абдул Алим Хан вохӯрӣ намуд. Дар ин хусус ба АМИТ «Ховар» дар Вазорати рушди иқтисод ва савдои Ҷумҳурии Тоҷикистон хабар доданд.

Таъкид шуд, ки бо шарофати сиёсати оқилона ва дурандешонаи роҳбарони ду давлат- Асосгузори сулҳу ваҳдати миллӣ -Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Сарвазири Ҷумҳурии Исломии Покистон Шаҳбоз Шариф ҳамкории тиҷоратию иқтисодӣ байни давлатҳо рушд ёфта, муносибатҳо ба сатҳи олӣ баромаданд.

Зимни вохӯрӣ Завқӣ Завқизода имконияти сармоягузории Ҷумҳурии Тоҷикистон, бахусус соҳаҳои саноат, аз ҷумла нассоҷӣ, истихроҷи маъдан ва энергетикаро муаррифӣ намуда, дархост намуд, ки ширкатҳои покистонӣ дар Ҷумҳурии Тоҷикистон корхонаҳои муштарак таъсис диҳанд, ки он хуш пазируфта шуд.

Илова бар ин ҷонибҳо барои истифодаи долонҳои нақлиётии ҳарду давлат изҳори омодагӣ намуданд. Вазири федералии нақлиёти Покистон иброз дошт, ки Покистон омода аст роҳҳои транзитии Тоҷикистонро ҳамчун дарвоза барои баромадан ба бозорҳои Осиёи Марказӣ истифода намояд.

Дар анҷоми вохӯрӣ ҷонибҳо баҳри афзоиш додани гардиши савдои дуҷониба ва истифодаи пурраи имконияти ҳарду давлат омодагиашонро иброз намуданд.

АКС: Вазорати рушди иқтисод ва савдои Ҷумҳурии Тоҷикистон

Май 29, 2024 16:52

Хабарҳои дигари ин бахш

Конфронси Гурӯҳи корӣ оид ба ҳамкории авиатсияи граждании Чин ва Осиёи Марказӣ (C5+1) баргузор гардид
НАМОИШГОҲИ БАЙНАЛМИЛАЛИИ САВДО «СУҒД-2024». Вилояти Суғд бо зиёда аз 60 давлати ҷаҳон робитаҳои иқтисодӣ дорад
Дар панҷ моҳ дар Тоҷикистон беш аз 1411 тонна моҳӣ истеҳсол шудааст
Масъалаи зиёд намудани парвозҳои транзитӣ бо истифода аз роҳи ҳавоии мустақими байни Тоҷикистон ва Чин баррасӣ гардид
Имконияти сармоягузорӣ ва зарфиятҳои иқтисодии Тоҷикистон барои соҳибкорони Швейтсария муаррифӣ шуд
САҲМИ ПЕШВОИ МИЛЛАТ ДАР РУШДИ ИҚТИСОДИ РАҚАМӢ. Дар ин мавзуъ дар Донишгоҳи миллӣ ҳамоиш доир шуд
СУҒД ВОДИИ ИМКОНИЯТҲО. Суратгузориш аз даҳумин Ярмаркаи байналмилалии савдо «Суғд-2024»
ЯРМАРКАИ БАЙНАЛМИЛАЛИИ САВДО «СУҒД-2024». Дар доираи он тавсеаи равобит дар соҳаҳои илму маориф ва фарҳанг баррасӣ шуд
Дар Душанбе таҳияи барномаи ҳамкории Тоҷикистон бо Фонди байналмилалии рушди кишоварзӣ баррасӣ гардид
Бонки миллии Тоҷикистон ва Дафтари ҳамкории иқтисодии Швейтсария ҳамкориро тақвият мебахшанд
Корхонаи хурди «Зари тоҷик» дар шаҳри Гулистон аз металлҳои қиматбаҳо маҳсулоти заргарӣ истеҳсол менамояд
Ҷамъияти дорои масъулияти маҳдуди «Пахтаи Кӯлоб» имсол дар 1900 гектар пахта кишт намудааст