ОИЛА-АСОСИ ПОЙДОРИИ ДАВЛАТ ВА ҶОМЕА. Дар ноҳияи Фархор Рӯзи байналмилалии оила бошукуҳ таҷлил шуд

Май 15, 2024 14:14

ДУШАНБЕ, 15.05.2024 /АМИТ «Ховар»/. Дар ноҳияи Фархори вилояти Хатлон бахшида ба Рӯзи байналмилалии оила таҳти унвони «Оилаи солим — асоси пойдории давлат ва ҷомеа» бо иштироки оилаҳои намунавӣ ва навхонадорон ҳамоиши фарҳангӣ-фароғатӣ баргузор гардид. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии ноҳияи Фархор иттилоъ медиҳад.

Ҳадафи баргузории ҳамоиш аз муқаддас донистани арзишҳои оиладорӣ, нигаҳдории меҳру муҳаббат ва ҳамдигарфаҳмӣ дар оила, омода кардани фарзандон ба ҳаёти мустақилона, саҳми арзанда гузоштан дар таълиму тарбияи фарзандон, дар руҳияи ватандӯстӣ ва хештаншиносӣ тарбия намудани онҳо иборат буд.

Оила дар фарҳанги мардуми куҳанбунёди тоҷик ҳамчун ниҳоди муқаддас эътироф гардидааст, зеро беҳтарин арзишҳои инсонӣ — муҳаббату садоқат, самимияту вафодорӣ, ҳамдигарфаҳмиву таҳаммулгароӣ маҳз дар оила ташаккул меёбанд.

Дар минтақаи Осиёи Марказӣ маҳз Тоҷикистон аз аввалин давлатҳое мебошад, ки Қонун «Дар бораи пешгирии зӯроварӣ дар оила»-ро таҳия ва қабул намудааст. Ҳоло дар мамлакат оид ба ҳифзи манфиатҳои иҷтимоӣ ва иқтисодии занони тоҷик беш аз 60 санади меъёрӣ-ҳуқуқӣ мавриди амал қарор дорад. Ҳамчунин «Барномаи давлатӣ оид ба пешгирии зӯроварӣ дар оила дар Ҷумҳурии Тоҷикистон барои солҳои 2014-2023» қабул карда шудааст.

Ҳамасола 15 май дар тамоми ҷаҳон Рӯзи байналмилалии оила таҷлил карда мешавад, ки он соли 1994 бо қарори Ассамблеяи генералии СММ эълон гардидааст. Президенти Ҷумҳурии Тоҷикистон Пешвои миллат муҳтарам Эмомалӣ Раҳмон бо назардошти ин ки оила дар фарҳанги мардуми куҳанбунёди тоҷик ҳамчун ниҳоди муқаддас эътироф шудааст, соли 2015-ро Соли оила эълон намуда буданд. Таъкид гардид, ки оила бақои давлат ва ҷамъият буда, зерсутун ва пойдевори тарбияи насли наврас маҳз аз он сарчашма мегирад.

Яке аз ҳадафҳои муҳими ҷомеаи муосир бунёди оилаи солим ва тарбияи дурусти насли наврас дониста шудааст. Зиндагии инсон дар оила оғоз меёбад, оила ба одам муҳаббат, эҳтиром, хурсандӣ ва меҳрубонӣ меомӯзад. Муошират кардану бо ҷаҳони берунӣ шинос шудан ва дарки арзишҳои олӣ низ аз оила сар мешавад.

Дар анҷоми ҳамоиш аз ҷониби Мақомоти иҷроияи ҳокимияти давлатии ноҳияи Фархор ба оилаҳои намунавӣ Сипоснома ва туҳфаҳои хотиравӣ тақдим карда шуд.

Акрам САНГЗОДА,
АМИТ «Ховар»

АКС: рӯзномаи «Хатлон»

Май 15, 2024 14:14

Хабарҳои дигари ин бахш

Сел ба баъзе ноҳияҳои вилояти Суғд хисорот расонидааст
Дар Женева Конфронси ҷаҳонӣ оид ба бакорҷалбкунии байналмилалӣ доир гардид
ЗАНОН-НЕРУИ СОЗАНДА, ТАРБИЯТГАР ВА ТАҲКИМБАХШИ ВАҲДАТИ МИЛЛӢ. Таҳти ин унвон дар Душанбе ҳамоиш баргузор шуд
ОГОҲИИ АГЕНТИИ ОБУҲАВОШИНОСӢ. Дар баъзе ноҳияҳои вилояти Суғд хатари ба амал омадани сел боқӣ мемонад
Дар Душанбе тавсеаи ҳамкории Тоҷикистон бо Кумитаи миллии сиёсати хориҷии Амрико баррасӣ гардид
Ҷамолиддин Абдуллозода: «Ҳар рӯз дар ҷаҳон тақрибан 1000 нафар кӯдак аз бемориҳои бо об ва беҳдоштӣ вобаста мефавтанд»
Ҳукумати Тоҷикистон дар 7 соли минбаъда ҷиҳати то 10 фоиз паст кардани сатҳи камбизоатӣ вазифадор гардидааст
РАВАНДИ ОБИ ДУШАНБЕ. Намояндаи парлумони Узбекистон: «Аз тағйирёбии иқлим занон бештар аз дигарон азият мекашанд»
ФОРУМИ КӮДАКОН ВА ҶАВОНОН ОИД БА ОБ ВА ИҚЛИМ. Октавиан Бивол: «Обшавии босуръати пиряхҳои Осиёи Марказӣ ба ҳаёти 25 миллион кӯдак хатар дорад»
Дар Санкт-Петербург масъалаи ҳифзи ҳуқуқу манфиатҳои шаҳрвандони Тоҷикистон дар Русия баррасӣ шуд
РАВАНДИ ОБИ ДУШАНБЕ. Форуми кӯдакон ва ҷавонон оид ба об ва иқлим баргузор шуд
РАВАНДИ ОБИ ДУШАНБЕ. Дар Форуми байналмилалии зан ва об таҷрибаҳо ва роҳҳои ҳалли инноватсионӣ муаррифӣ мегарданд

Маводҳои таҳлилӣ